ერთიანი საქართველო — დემოკრატიული მოძრაობა

ერთიანი საქართველო — დემოკრატიული მოძრაობა — პოლიტიკური პარტია, შექმნილი საქართველოს პარლამენტის ყოფილი თავმჯდომარის ნინო ბურჯანაძის მიერ.

დემოკრატიული მოძრაობა — ერთიანი საქართველო
ქვეყანა	საქართველო
ხელმძღვანელობა
თავმჯდომარე	ნინო ბურჯანაძე
ისტორია
დაფუძნდა	23 ნოემბერი, 2008
პოზიციები
იდეოლოგია	კონსერვატიზმი ეკონომიკური ნაციონალიზმი
საიდენტიფიკაციო ნომერი	205271294
წარმომადგენლობითობა
პარლამენტი	0 / 150
ფერები
შტაბ-ბინა	მიქელაძის ქუჩა N11 თბილისი, საქართველო
democrats.ge

ისტორია

პარტიის დაფუძნების განცხადება გაკეთდა 2008 წლის 27 ოქტომბერს, ხოლო დამფუძნებელი ყრილობა გაიმართა 23 ნოემბერს — ვარდების რევოლუციის მეხუთე წლისთავზე. 2009 წლის აპრილსა და მაისში მოძრაობა სხვა პოლიტიკურ პარტებთან ერთად იყო ორგანიზატორი საპროტესტო აქციებისა პრეზიდენტ მიხეილ სააკაშვილის გადადგომის მოთხოვნით. პარტია ბოიკოტს უცხადებდა 2010 წლის თვითმართველობის არჩევნებს და მასში მონაწილეობა არ მიუღია.

პოლიტიკური პლატფორმა

დამფუძნებელთა განცხადებით, „ერთიანი საქართველო — დემოკრატიული მოძრაობა“ ეფუძნება საქართველოს ერთიანობის იდეას, ეროვნულ ღირებულებებსა და ტრადიციებს.

კონკრეტული და გრძელვადიანი პოლიტიკური პროგრამა პარტიას ჯერ არ გააჩნია. არსებობს მხოლოდ 2 დოკუმენტი: პარტიის ხედვა და მოკლევადიანი ანტიკრიზისული პროგრამა.

ორგანიზაციული სტრუქტურა

პარტიის ხელმძღვანელი ორგანოა მთავარი საბჭო. უმაღლესი თანამდებობის პირები არიან თავმჯდომარე (ნინო ბურჯანაძე) და გენერალური მდივანი (გიგლა ბარამიძე).

პარტიასთან არსებობს საკონსულტაციო ორგანო „დარბაზი“, რომელიც, ძირითადად, საზოგადო მოღვაწეებითაა დაკომპლექტებული.

შედეგები არჩევნებში

საპარლამენტო

არჩევნები	ხმები	%	მანდატები	+/–	სტატუსი
2016	62 166	3,53	0 / 150	ახალი	გარესაპარლამენტო
2020	16 286	0,85	0 / 150	0	გარესაპარლამენტო

საპრეზიდენტო

არჩევნები	კანდიდატი	ხმები	%	შედეგი
2013	ნინო ბურჯანაძე	166 601	10,19	მესამე ადგილი

ადგილობრივი

არჩევნები	ხმები	%	მანდატები	+/–
2014	144 691	10,22	148 / 2 088	ახალი
2017	38 898	2,59	12 / 2 043	136
2021	845	0,05	0 / 2 068	12

რესურსები ინტერნეტში

• მოძრაობის ოფიციალური საიტი
• პარტიის დამფუძნებელი ყრილობა დაარქივებული 2011-07-24 საიტზე Wayback Machine. .