თაფლიწოვიასებრნი
თაფლიწოვიასებრნი[1] (ლათ. Meliphagidae) — ფრინველთა ოჯახი ბეღურასნაირთა რიგისა. მათი სხეულის სიგრძეა 10–32 სმ. ენის ბოლოზე განსაკუთრებული ჯაგრისი აქვთ, რომელიც ყვავილიდან ნექტრის ამოწოვის დროს ეხმარება (აქედან სახელწოდება). სხეულის აგებულებითა და ზნე-ჩვეულებებით წააგვანან ყარანას, წივწივას, სინეგოგას, ჩხიკვსა და ჭკას. შეფერილობა ძირითადად მკრთალია, მურა ან მომწვანო. ოჯახი აერთიანებს 168[2]–187[3] სახეობას. გავრცელებული არიან ავსტრალიაზე, ახალ ზელანდიაში, ახალ გვინეაზე, მელანეზიის, მიკრონეზიისა და პოლინეზიის, აგრეთვე, ჰავაის კუნძულებზე; 1 სახეობა სამხრეთ აფრიკაშიც გვხვდება. უპირატესად მეხეური და ბუჩქნარის ფრინველებია. ბუდეს ხეზე აკეთებენ, ზოგჯერ მაღალ კოლბოხებზე; დედალი დებს 1–4 კვერცხს. ძირითადად იკვებებიან ნექტრით, ყვავილის მტვრით, მწერებით, იშვიათად კენკრითა და მცირე ზომის ნაყოფებით. გააჩნიათ დიდი მნიშვნელობა, როგორც მცენარეთა მამტვერებლებს. რამდენიმე სახეობა ზიანს აყენებს ბაღებს.[4]
| თაფლიწოვიასებრნი | ||||||||||||
|---|---|---|---|---|---|---|---|---|---|---|---|---|
 აღმოსავლური ნისკარტსადგისა თაფლიწოვია (Acanthorhynchus tenuirostris) | ||||||||||||
| მეცნიერული კლასიფიკაცია | ||||||||||||
| ||||||||||||
| ლათინური სახელი | ||||||||||||
| Meliphagidae (Vigors, 1825) | ||||||||||||
| ||||||||||||
რესურსები ინტერნეტში რედაქტირება
- თაფლიწოვიასებრნი — სტატია დიდი რუსული ენციკლოპედიიდან (რუსული)
სქოლიო რედაქტირება
- ↑ Meliphagidae — ინგლისურ-ქართული ბიოლოგიური ლექსიკონი.
- ↑ თაფლიწოვიასებრნი (TSN 178808). ინტეგრაციული ტაქსონომიის საინფორმაციო სისტემა.
- ↑ Honeyeaters. World Bird List Version 6.1. International Ornithologists' Union. ციტირების თარიღი: 28 January 2016.
- ↑ Медососы // Большая советская энциклопедия. — 3-е изд., т. 15 — М., 1974.