სიკასო
სიკასო (ფრანგ. Sikasso) — ქალაქი მალის სამხრეთ ნაწილში. იგი სიკასოს რეგიონის ადმინისტრაციული ცენტრია და მოსახლეობის რაოდენობის მიხედვით ქვეყნის მეორე ქალაქია, სადაც 2009 წლის აღწერის მონაცემებით ცხოვრობს 226 618 ადამიანი.[1]
| ქალაქი | |
|---|---|
|
სიკასო ფრანგ. Sikasso | |
 ქალაქის დიდი ბაზარი | |
| ქვეყანა |
 მალი |
| რეგიონი | სიკასო |
| კოორდინატები | 11°19′00″ ჩ. გ. 5°40′00″ დ. გ. / 11.31667° ჩ. გ. 5.66667° დ. გ. |
| დაარსდა | XIX საუკუნე |
| ფართობი | 400 კმ² |
| ცენტრის სიმაღლე | 410 მ |
| მოსახლეობა | 226 618 კაცი (2009) |
| სასაათო სარტყელი | UTC-0 |
  | |
გეოგრაფია
რედაქტირებაქალაქი სიკასო მდებარეობს ქვეყნის დედაქალაქ ბამაკოდან 375 კმ-ით სამხრეთ-აღმოსავლეთში, კოტ-დ’ივუარის სახელმწიფო საზღვრიდან 100 კმ-ით ჩრდილოეთში და ბურკინა-ფასოს სახელმწიფო საზღვრიდან 45 კმ-ით დასავლეთში.
კლიმატი
რედაქტირებაქალაქის კლიმატი ხასიათდება, როგორც ტიპური სუბეკვატორული. ჰაერის ტემპერატურის წლიური ცვალებადობა ქალაქში უმნიშვნელოა, ხოლო ნოტიო სეზონი მკვეთრადაა გამოკვეთილი და გრძელდება დაახლოებით ნახევარი წელი. ნალექების წლიური ნორმა შეადგენს დაახლოებით 1200 მმ-ს; ნალექები თითქმის მთლიანად მოდის მაისიდან სექტემბრის პერიოდში. მშრალი სეზონი იკვეთება ზამთრის თვეებში. ყველაზე უფრო წვიმიანი და გრილი თვეა — აგვისტო. ყველაზე უფრო ცხელი თვეებია — მარტი და აპრილი, როდესაც ჰაერის ტემპერატურის საშუალო მაქსიმუმი აჭარბებს 37 °C-ს.
ისტორია
რედაქტირებაქალაქი სიკასო დაარსდა XIX საუკუნის დასაწყისში მანსა დუალას მიერ. ქალაქი 1876 წლამდე იყო პატარა სოფელი, ხოლო როდესაც ტიება ტრაორე, რომლის დედაც წარმოშობით სიკასოდან იყო, გახდა კენედუგუს სამეფოს მეფე მან დედაქალაქი სიკასოში გადაიტანა. მან თავისი სასახლე ააგო მამელონის ბორცვზე და ააშენა საფორტიფიკაციო კედლები, როგორც ვასულუს იმპერიის იმპერატორ სამორი ტურესაგან, ასევე საფრანგეთის კოლონიალური ჯარისაგან თავდასაცავად. ქალაქმა 1887 წლიდან 1888 წლის ჩათვლით გაუძლო ხანგრძლივ ალყას, მაგრამ 1898 წელს მაინც დანებდა საფრანგეთის ჯარს; ტიება ტრაორეს ძმამ ბაბემბა ტრაორემ, რომელიც 1893 წლიდან ძმის გარდაცვალების შემდეგ მართავდა სამეფოს, საფრანგეთის კოლონიალურ ჯარს არ ჩაბარდა და თავი მოიკლა.
მოსახლეობა
რედაქტირებაქალაქ სიკასოში ცხოვრობს რამდენიმე ეთნიკური ჯგუფი: ბამბარა, სენუფო, ბობო, მანდინკა.
ეკონომიკა
რედაქტირებასიკასო მდებარეობს საკმაოდ განვითარებულ სასოფლო-სამეურნეო რეგიონში. აქ მოყვანილი ხილი და ბოსტნეული კულტურები უზრუნველყოფს ქალაქის სტაბილურ შემოსავალს, რის გამოც იგი აღარ არის დოტაციაზე დამოკიდებული.
ქალაქში ფუნქციონირებს სიკასოს საერთაშორისო აეროპორტი.
რესურსები ინტერნეტში
რედაქტირება- Portions of this article were translated from French language Wikipedia's Sikasso.
- Plan de Sécurité Alimentaire Commune Urbaine de Sikasso 2007-2011, Commissariat à la Sécurité Alimentaire, République du Mali, USAID-Mali, 2007, http://www.aec.msu.edu/fs2/mali_fd_strtgy/plans/sikasso/sikasso/psa_sikasso.pdf. წაკითხვის თარიღი: 2017-08-27 დაარქივებული 2012-09-13 საიტზე Wayback Machine. .
- L'économie locale de Sikasso, Mali. Ecoloc - Gérer l'économie localement en Afrique - Evaluation et prospective, Volume 1, Number 2, Décembre 2002, pp. 1–18 (18).