საყორნის ქედი
ქედი საქართველოში, კახეთის მხარეში
საყორნის ქედი — ქედი საქართველოში, კახეთის მხარის თელავის მუნიციპალიტეტში. კახეთის კავკასიონის მთავარი წყალგამყოფი ქედის სამხრეთი განშტოება, მდინარეების სტორისა და დიდხევის წყალგამყოფი, სიგრძე 23 კმ. მთავარი მწვერვალებია უსახელო (2902 მ) და საყორნე (2425 მ). აგებულია ქვედაიურული თიხაფიქლებითა და ქვიშაქვებით, შუა მონაკვეთი, ამას გარდა, – ასპიდური ფიქლებითა და დიაბაზებით. ქედის თხემი საფეხურისებრ დაბლდება, ზოგან მოვაკებულია. კალთები ძლიერ დახრილი და დანაწევრებულია. ჩრდილოეთ ნაწილში მყინვარული ცირკებია. კალთები დაფარულია ფოთლოვანი ტყით, თხემი – სუბალპური ბუჩქნარებითა და მდელოებით, უფრო მაღლა ალპური მდელოთი.
| საყორნის ქედი | |
|---|---|
 საყორნის ქედის მწვერვალი — საყორნე | |
| კოორდინატები: 42°10′02″ ჩ. გ. 45°30′57″ ა. გ. / 42.16722° ჩ. გ. 45.51583° ა. გ. | |
| ქვეყანა |  საქართველო
|
| ტერიტორიული ერთეული | თელავის მუნიციპალიტეტი |
| უმაღლესი წერტილი | უსახელო |
| სიმაღლე | 2902 მ |
| სიგრძე | 23 კმ |
| ამგებელი ქანები | თიხაფიქალი, ქვიშაქვა, ფიქალი და დიაბაზი |
  | |
 | |
ლიტერატურა
რედაქტირება- ჩანგაშვილი გ., ქართული საბჭოთა ენციკლოპედია, ტ. 9, თბ., 1985. — გვ. 204.