სანდრო ალთუნაშვილი
სანდრო ალთუნაშვილი (დ. 19 მაისი, 1997, თბილისი, საქართველო) — ქართველი ფეხბურთელი. ავსტრიის ბუნდესლიგის მონაწილე საფეხბურთო კლუბ „ვოლფსბერგერის“ და საქართველოს ეროვნული ნაკრების ნახევარმცველი.
პირადი მონაცემები | |||
---|---|---|---|
დაბადების თარიღი | 19 მაისი, 1997 | ||
დაბადების ადგილი | თბილისი, საქართველო | ||
სიმაღლე | 170 სმ | ||
სათამაშო პოზიცია | ნახევარმცველი | ||
საკლუბო ინფორმაცია | |||
მიმდინარე კლუბი | ვოლფსბერგერი | ||
ნომერი | 19 | ||
პროფესიონალური კარიერა* | |||
წლები | გუნდი | მატჩი | (გოლი) |
2014–2021 | საბურთალო | 143 | (5) |
2021–2023 | დინამო ბათუმი | 82 | (4) |
2021–2023 | ვოლფსბერგერი | 20 | (0) |
ეროვნული ნაკრები‡ | |||
2015–2016 | საქართველო 19-წ. | 6 | (0) |
2021– | საქართველო | 4 | (0) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 30 მარტი, 2024 ‡ ეროვნული ნაკრების მატჩი და გოლი ბოლოს განახლდა: 19 ნოემბერი, 2023 |
საკლუბო კარიერა რედაქტირება
„საბურთალო“ რედაქტირება
სანდრო ალთუნაშვილი „საბურთალოს“ აღზრდილია და კარიერის დიდი ნაწილი ამ კლუბში აქვს გატარებული.
2014–2021 წლებში „საბურთალოს“ მაისურით სანდრომ ეროვნული ლიგის 143 მატჩი ითამაშა და 5 გოლი შეაგდო. „საბურთალოს“ რიგებში 2018 წელს ქვეყნის ჩემპიონის წოდება მოიპოვა. კლუბთან ერთად გახდა ასევე საქართველოს თასისა[1] და სუპერთასის მფლობელი.
ბათუმის „დინამო“ რედაქტირება
შემდეგ იყო ბათუმის „დინამოს“ ერთ-ერთი საკვანძო მოთამაშე და ეროვნულ ლიგაში გამორჩეული საყრდენი ნახევარმცველი.
პირველად ბათუმის „დინამოს“ მაისურით 2021 წლის 27 თებერვალს ეროვნული ლიგის პირველივე ტურის შეხვედრაში გამოვიდა მინდორზე. მატჩი, რომელშიც ბათუმელები ქუთაისის „ტორპედოს“ დაუპირისპირდნენ, რამაზ შენგელიას სტადიონზე გაიმართა და მათივე გამარჯვებით 1–0 დამთავრდა.
ბათუმელთა რიგებში 2021–2023 წლებში მან ეროვნული ლიგის 82 მატჩი ჩაატარა და 4 გოლი გაიტანა. ბათუმის „დინამოს“ შემადგენლობაში 2021 წელს ქვეყნის ჩემპიონის წოდება, ხოლო 2022 წელს საქართველოს სუპერთასი მოიპოვა.
„ვოლფსბერგერი“ რედაქტირება
2023 წლის ივნისში სანდრო ალთუნაშვილი ოფიციალურად „ვოლფსბერგერის“ ფეხბურთელი გახდა, ავსტრიულმა კლუბმა ალთუნაშვილს 2+1 სისტემის კონტრაქტი გაუფორმა.[2][3] მისი დებიუტი ავსტრიის ბუნდესლიგაში 9 აგვისტოს, მეორე ტურის გასვლით შეხვედრაში, „ვიორთეზი შტადიონზე“ (გერმ. Wörthersee Stadion) კლაგენფურტის „აუსტრიას“ წინააღმდეგ გამართულ მატჩში შედგა. სანდრომ შეხვედრა სასტარტო შემადგენლობაში დაიწყო და 63 წუთი ითამაშა. მატჩი ფრედ — 2–2 დასრულდა.[4]
2023 წლის 12 აგვისტოს სანდრო ალთუნაშვილმა ავსტრიის ბუნდესლიგაში მეორე თამაში ჩაატარა და ტურის სიმბოლურ ნაკრებში მოხვდა. საქართველოს ნაკრებისა და „ვოლფსბერგერის“ ფეხბურთელი თერთმეტ რჩეულ მოთამაშეს შორის პორტალმა Sofascore-მა დაასახელა. ალთუნაშვილის „ვოლფსბერგერმა“ საკუთარ სტადიონზე ლუშტენაუს „აუსტრია“ მიიღო, მატჩი ფრედ — 1–1 დასრულდა.[5] ქართველ ნახევარმცველს, რომელმაც შეუცვლელად ითამაშა საერთაშორისო ანალიტიკურმა პორტალმა ორივე გუნდში საუკეთესო შეფასება — 7.8 ქულა დაუწერა.[6]
2024 წლის 4 ნოემბერს ავსტრიის ბუნდესლიგის მე-13 ტურში „ვოლფსბერგერმა“ შინ კლაგენფურტის „აუსტრია“ მიიღო და 4–0 მოუგო. „ვოლფსბერგერის“ სასტარტო შემადგენლობას სანდრო ალთუნაშვილი დაუბრუნდა, 26 წლის ნახევარმცველს „რაინდორფ ალტახთან“ მიღებული დაზიანების გამო 2 მატჩის გამოტოვება მოუწია. ალთუნაშვილმა ამ მატჩში ორი საკვანძო გადაცემა შეასრულა, თუმცა ერთ შემთხვევაში თამაშგარე დაფიქსირდა, 69-ე წუთზე კი შეტევა გოლით დასრულდა.[7][8]
2024 წლის 3 მარტს ავსტრიის ბუნდესლიგის 21-ე ტურში, ოთარ კიტეიშვილის „შტურმმა“ საკუთარ მოედანზე სანდრო ალთუნაშვილის „ვოლფსბერგერს“ უმასპინძლა და 4–0 მოუგო. ქართველმა ფეხბურთელებმა სასტარტო შემადგენლობაში დაიწყეს თამაში. მე-2 წუთზე კიტეიშვილმა ყვითელი ბარათი მიიღო, ალთუნაშვილი კი მთავარმა მსაჯმა 55-ე წუთზე გააფრთხილა. ალთუნაშვილმა მატჩი შეუცვლელად ითამაშა.[9][10]
სანაკრებო კარიერა რედაქტირება
იყო საქართველოს ყველა ასაკობრივი ნაკრების წევრი. რაც შეეხება საქართველოს ეროვნულ ნაკრებს, მისი დებიუტი ეროვნულ გუნდში 2021 წლის 5 სექტემბერს, ესპანეთის ეროვნული ნაკრების წინააღმდეგ გამართულ მსოფლიო ჩემპიონატის საკვალიფიკაციო ეტაპის შეხვედრაში შედგა. სანდრომ მატჩის 69-ე წუთზე გიორგი აბურჯანია შეცვალა. შეხვედრა ბადახოსის „ესტადიო ნუევო ვივეროზე“ (ესპ. Estadio Nuevo Vivero) გაიმართა და ესპანელთა გამარჯვებით 4–0 დასრულდა.[11]
სანაკრებო სტატისტიკა რედაქტირება
- განახლდა: 19 ნოემბერი, 2023
ეროვნული ნაკრები | წელი | მატჩი | გოლი |
---|---|---|---|
საქართველო |
2021 | 2 | 0 |
2023 | 2 | 0 | |
ჯამში | 4 | 0 |
სანაკრებო მატჩები და გოლები რედაქტირება
№ | თარიღი | შეხვედრის ადგილი | მასპინძელი | ანგ. | სტუმარი | შეჯიბრება | გოლები | შენიშვნა | წყარო |
---|---|---|---|---|---|---|---|---|---|
1 | 05.09.2021 | ბადახოსი | ესპანეთი | 4–0 | საქართველო | მსოფ. შეს. | 69' | [12] | |
2 | 08.09.2021 | სოფია | ბულგარეთი | 4–1 | საქართველო | ამხანაგური | 59' | [13] | |
3 | 12.10.2023 | თბილისი | საქართველო | 8–0 | ტაილანდი | ამხანაგური | 46' | [14] | |
4 | 19.11.2023 | ვალიადოლიდი | ესპანეთი | 3–1 | საქართველო | ევრ. შეს. | 90' | [15] |
მიღწევები რედაქტირება
საკლუბო რედაქტირება
- ეროვნული ლიგა: 2018
- საქართველოს თასი: 2019[16]
- საქართველოს სუპერთასი: 2020
ინდივიდუალური რედაქტირება
- ეროვნული ლიგის წლის საუკეთესო ნახევარმცველი: 2021,[17] 2022
- ეროვნული ლიგის წლის სიმბოლური ნაკრების წევრი: 2022[18]
რესურსები ინტერნეტში რედაქტირება
- სანდრო ალთუნაშვილი — ეროვნული ლიგის ოფიციალურ საიტზე
- სანდრო ალთუნაშვილი — „საბურთალოს“ საიტზე
თემატური საიტები |
---|
AFS · Eurosport · Soccerway · Transfermarkt · UEFA.com |
ვიდეო |
---|
Geo Scout · europop · FC Iberia |
მედია |
---|
1tv.ge · Crystalsport.ge · Lelo.ge · Sportall.ge |
სქოლიო რედაქტირება
- ↑ Iberia 1999 3–1 Lokomotivi Tbilisi / David Kipiani Cup // soccerway
- ↑ „ვოლფსბერგერმა“ სანდრო ალთუნაშვილის ტრანსფერი დაადასტურა
- ↑ ალთუნაშვილი „ვოლფსბერგერის“ ფეხბურთელი გახდა
- ↑ Austria Klagenfurt 2–2 Wolfsberger AC / Bundesliga // soccerway
- ↑ Wolfsberger AC 1–1 Austria Lustenau / Bundesliga // soccerway
- ↑ სანდრო ალთუნაშვილი ავსტრიის ბუნდესლიგის ტურის სიმბოლურ ნაკრებში
- ↑ ალთუნაშვილის ბრწყინვალე პასი - „ვოლფსბერგერმა“ 4–0 მოიგო
- ↑ Wolfsberger AC 4–0 Austria Klagenfurt / Bundesliga // soccerway
- ↑ „შტურმის“ მარტივი გამარჯვება - ქართველების დუელი კიტეიშვილმა მოიგო
- ↑ Sturm Graz 4–0 Wolfsberger AC / Bundesliga // soccerway
- ↑ Spain 4–0 Georgia / UEFA World Cup Qualifiers
- ↑ Spain 4–0 Georgia / UEFA World Cup Qualifiers // soccerway
- ↑ Bulgaria 4–1 Georgia / Friendlies // soccerway
- ↑ Georgia 8–0 Thailand / Friendlies // soccerway
- ↑ Spain 3–1 Georgia / Qual. Euro 2024 // soccerway
- ↑ ისტორიაში პირველად - „საბურთალომ“ საქართველოს თასი მოიგო
- ↑ ეროვნული ლიგის წლის საუკეთესო ნახევარმცველი
- ↑ ფეხბურთის ფედერაციამ ეროვნული ლიგის საუკეთესოები გამოავლინა