რაფაელ ჩიმიშკიანი (დ. 23 მარტი 1929, თბილისი, საქართველოს სსრ, სსრკ) — საბჭოთა ძალოსანი (50, 60 კგ). სპორტის დამსახურებული ოსტატი (1952). 1952 წლის ჰელსინკის ოლიმპიური თამაშების ჩემპიონი, მსოფლიოს ორგზის ჩემპიონი (1954, 1955) და ორგზის მეორე პრიზიორი (1950, 1953), ევროპის ექვსგზის ჩემპიონი (1950-1951, 1954-1957) და მეორე პრიზიორი (1953), მსოფლიო უნივერსიადების ჩემპიონი (1951). სსრკ ათგზის ჩემპიონი (1949, 1951, 1954, 1955, 1960 — პირად შეჯიბრებაში, 1948-1952 — გუნდურ ჩათვლაში). ხუთგზის მეორე (1950, 1952, 1953, 1957, 1958) და მესამე (1956) პრიზიორი, სსრკ ხალხთა I სპარტაკიადის მესამე პრიზიორი (1956). საერთაშორისო კატეგორიის მსაჯი. ღირსების, ვახტანგ გორგასლის II ხარისხის ორდენისა და ბრწყინვალების საპრეზიდენტო ორდენის კავალერი, თბილისის საპატიო მოქალაქე. 2012 წელს მიიღო სპორტის რაინდის წოდება.

ოლიმპიური ჩემპიონის ტიტული ჰელსინკში (ფინეთი) მსოფლიო რეკორდით მოიგო: სამჭიდის ჯამში 337,5 კგ დაძლია. დასახელებულია საქართველოს XX საუკუნის საუკეთესო ძალოსნად. 1952–1957 წლებში 10-ჯერ დაამყარა მსოფლიო რეკორდი: სამჭიდში 5-ჯერ, ატაცში — 3-ჯერ, აკვრაში — 2-ჯერ. 1955 წლის ივნისში, მოსკოვში საბჭოთა კავშირის და ამერიკის შეერთებული შტატების საუკეთესო ძალოსანთა ნაკრები გუნდების შეხვედრა გაიმართა. თავის წონით კატეგორიაში (60კგ) 340 კგ დაძლია და მეტოქე დაამარცხა. რაფაელ ჩიმიშკიანი არის ძალოსნობაში საერთაშორისო კატეგორიის მსაჯი. 2003 წელს თბილისის საპატიო მოქალაქის წოდება მიენიჭა. 2011 წელს, სერიაში „ქართველი ოლიმპიური ჩემპიონები“ (პროექტის ავტორი და მთავარი რედაქტორი ელგუჯა ბერიშვილი) გამოიცა დავით ჭელიძის წიგნი „რაფაელ ჩიმიშკიანი“.

ძირითადი შედეგებირედაქტირება

წელი ტურნირი მასპინძელი წონითი
კატეგორია
ადგილი
1950 ევროპის ჩემპიონატი პარიზი, საფრანგეთი -56 კგ  
1950 მსოფლიო ჩემპიონატი პარიზი, საფრანგეთი -56 კგ  
1952 ევროპის ჩემპიონატი ჰელსინკი, ფინეთი -60 კგ  
1952 ზაფხულის XV ოლიმპიური თამაშები ჰელსინკი, ფინეთი -60 კგ  
1953 ევროპის ჩემპიონატი სტოკჰოლმი, შვედეთი -60 კგ  
1953 მსოფლიო ჩემპიონატი სტოკჰოლმი, შვედეთი -60 კგ  
1954 ევროპის ჩემპიონატი ვენა, ავსტრია -60 კგ  
1954 მსოფლიო ჩემპიონატი ვენა, ავსტრია -60 კგ  
1955 ევროპის ჩემპიონატი მიუნხენი, გფრ -60 კგ  
1955 მსოფლიო ჩემპიონატი მიუნხენი, გფრ -60 კგ  
1956 ევროპის ჩემპიონატი ჰელსინკი, ფინეთი -60 კგ  
1957 ევროპის ჩემპიონატი კატოვიცე, პოლონეთი -60 კგ  

ლიტერატურარედაქტირება

  • თავისუფლების დღიურები, 2008 : რადიო „თავისუფლების“ პროექტი, გვ.208, თბ., 2009;
  • ელგუჯა ბერიშვილი, ქართული სპორტის ოქროს წიგნი, გვ. 222, თბ.: პალიტრა L, 2013.

რესურსები ინტერნეტშირედაქტირება