ტექნიკა (ძვ. ბერძნ. τεχνικός სიტყვიდან τέχνη — ხელოვნება, ხელოსნობა, სიმარჯვე) — ზოგადი ტერმინი, რომელიც აღნიშნავს სხვადასხვა მოწყობილობებს, მექანიზმებსა და ხელოსაწყოებს, რომლებიც ბუნებრივად არ არსებობს და შექმნილია ადამიანის მიერ. სიტყვა "ტექნიკა" ასევე ნიშნავს "რაიმეს შექმნის გზას, საშუალებას" - მაგ. ფერწერის ტექნიკა, ხორბლის მოყვანის ტექნიკა, და მისთ.
მაკინტოში (Macintosh), ეპლ კომპიუტერის (Apple Computer Inc.) მიერ შექმნილი, დამუშავებული და წარმოებული პერსონალური კომპიუტერებია, რომელიც მაკინტოშის ოპერაციულ სისტემაზე (მაკ ოს) მუშაობს. მაკინტოშის ჯიშის ვაშლის სეხნია თავდაპირველად 1984 წლის 24 იანვარს გამოვიდა; ეს იყო პირველი პოპულარული პერსონალური კომპიუტერი, რომელიც ამჟამად სტანდარტად ქცეულ გრაფიკულ სამომხმარებლო ინტერფეისს (გსი) იყენებდა, დესკტოპზე ფანჯრებითა და თაგუნას კონტროლით მაშინ სტანდარტული საკომანდო ხაზის ინტერფეისის ნაცვლად. ეპლი იმავე დროს განაგრძობდა ეპლ II ოჯახის კომიუტერთა გაყიდვას მაკების პარალელურად 1993 წლამდე. მას შემდეგ ყველა ეპლ კომპიუტერი მაკინტოშის ოჯახისა გახდა. (სრულად)
ბარონივერნერ მაგნუს მაქსიმილიან ფონ ბრაუნი (გერმ.: Wernher Magnus Maximilian Freiherr von Braun) (დ. 23 მარტი, 1912, ვირზიცი, გერმანიის რაიხი - გ. 16 ივნისი, 1977, ალექსანდრია, აშშ) — გერმანელი და ამერიკელი მეცნიერი, რომელსაც დიდი წვლილი მიუძღვის რაკეტების განვითარებში მეორე მსოფლიო ომის დროს გერმანიაში, შემდგომ კი აშშ-ში. იგი ხელმძღვანელობდა გერმანული რაკეტულ პროგრამას მეორე მსოფლიო ომამდე და მის დროს, ომის შემდეგ გადავიდა აშშ-ში სადაც ჯერ ქმნიდა ამერიკულ საკონტინენტთაშორისო ბალისტიკურ რაკეტებს ვიდრე ნასაში გადავიდოდა სამუშაოდ, სადაც იგი ამ ორგანიზაციის მარშალის სახელობის გაფრენების ცენტრის დირექტორი და სატურნ-V რაკეტის მთავარი კონსტრუქტორი გახდა, რომლის მეშვეობითაც შესაძლებელი გახდა ადამიანის მთვარეზე გაფრენა. ვერნერ ფონ ბრაუნი მიჩნეულია ამერიკული კოსმოსური პროგრამის „მამად“. (სრულად)
* ...IBM's ASCI white სუპერკომპიუტერი, ყველაზე სწრაფი გამომთვლელი მანქანაა მსოფლიოში, იგი დაახლოებით 17 სპილოს წონაა და შეუძლია 1 წამში შეასრულოს იგივე მოქმედება რასაც ჩვეულებრივი კალკულატორი 10 მილიონი წელი მოუნდება.
...დღემდე მხოლოდ 12-მა ასტრონავტმა შეძლო მთვარეზე ფეხის დადგმა. მათ დედამიწაზე 382 კილოგრამი კლდის ნატეხები, კენჭები, ქვიშა და მტვერი ჩამოიტანეს.
...თერმული ზემოქმედების შედეგად ეიფელის კოშკი 15 სმ-ით უფრო მაღალია ზაფხულში ვიდრე ჩვეულებრივ.
