ნიჩბისის სერი
ქედი საქართველოში, მცხეთა-მთიანეთის მხარეში
ნიჩბისის სერი — ქედი საქართველოში, მცხეთის მუნიციპალიტეტში.[1] წარმოადგენს თრიალეთის ქედის ჩრდილოეთ განშტოებას, მდინარე მტკვრის მარჯვენა შენაკადების — ხეკორძულისა და ნიჩბისისწყლის წყალგამყოფს. იწყება ნატბეურის მთიდან (1560 მ) და მთავრდება ჩრდილოეთით ზღვის დონიდან 632,5 მ სიმაღლის მაღლობით. აგებულია პალეოცენური და შუაეოცენური ტუფ-ბრექჩიებით, ტუფ-ქვიშაქვებით, ანდეზიტური ტუფ-ბრექჩიებით, კონგლომერატებით, ქვიშაქვებით და თიხებით, აგრეთვე ზედაცარცული კირქვებით, მერგელებითა და ფერადი თიხებით. კალთები ძლიერ დახრილია, შემოსილია ფართოფოთლოვანი ტყით (მუხნარი, მუხნარ-რცხილნარი, წიფლნარი), სამხრეთი მონაკვეთი — ჯაგრცხილნარითა და ჯაგეკლიანი ბუჩქნარით.[2] ნიჩბისის სერის ძირას გაშენებულია სოფლები ქვემო ნიჩბისი და სასხორი.
| ნიჩბისის სერი | |
|---|---|
.jpg) სერის ჩრდილოეთი ბოლო (ხედი სოფ. ძეგვიდან) | |
| კოორდინატები: 41°47′03″ ჩ. გ. 44°30′23″ ა. გ. / 41.78417° ჩ. გ. 44.50639° ა. გ. | |
| ქვეყანა |  საქართველო
|
| ტერიტორიული ერთეული | მცხეთის მუნიციპალიტეტი |
| უმაღლესი წერტილი | ნატბეურის მთა |
| სიმაღლე | 1560 მ |
| ამგებელი ქანები | ტუფ-ბრექჩია, ტუფ-ქვიშაქვა, ანდეზიტური ტუფ-ბრექჩია, კონგლომერატი, ქვიშაქვა, თიხა, კირქვა, მერგელი და ფერადი თიხა |
  | |
 | |
 სურათები ვიკისაწყობში
| |
სქოლიო
რედაქტირება- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 127.
- ↑ დავით უკლება, ქართული საბჭოთა ენციკლოპედია, ტ. 7, თბ., 1984. — გვ. 454.