მთიხვი

მთიხვი (Desmana moschata) — ძუძუმწოვარი ცხოველი მწერიჭამიების რიგისა. მისი სხეულის სიგრძე 20-22 სმ, მასა 520 გ აღწევს. კუდის ფუძესთან მუშკის ჯირკვლები აქვს, რომელთა ნივთიერება ბეწვს იცავს დასველებისაგან. კარგადაა შეგუებული წყალს. უძველესი რელიქტური სახეობაა. გავრცელებულია მდინარეების ვოლგის, დონისა და ურალის აუზებში, ბინადრობს სოროებში, რომლებსაც გამოსასვლელი წყალში აქვს. იკვებება მუცელფეხიანი მოლუსკებით, წვრილი თევზებით, მწერებით, წურბელებით, აგრეთვე მცენარეებით. შობს 1-5 თვალაუხილავ შიშველ, უმწეო ნაშიერს. ბეწვი მტკიცე და მაღალხარისხოვანია, თუმცა დიდი სარეწაო მნიშვნელობა არ აქვს. მთიხვის რიცხვი მკვეთრად მცირდება, რის გამოც მას იცავენ.

მთიხვი
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ძუძუმწოვრები რიგი:  მწერიჭამიები ოჯახი:  თხუნელასებრნი სახეობა:  მთიხვი
ლათინური სახელი
Desmana moschata
დაცვის სტატუსი
საფრთხეში მყოფი IUCN 3.1 Endangered : 6506
სისტემატიკა ვიკისახეობებში სურათები ვიკისაწყობში ITIS   633829 NCBI   182682 EOL   1178965 FW   96008

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 674.