მალხაზ ასათიანი
მალხაზ ასათიანი (დ. 4 აგვისტო, 1981, ქუთაისი, საქართველოს სსრ) — ქართველი ფეხბურთელი, საქართველოს ეროვნული საფეხბურთო ნაკრების ყოფილი ცენტრალური მცველი, ასევე თამაშობდა საყრდენი ნახევარმცველის პოზიციაზე.[1]
 | |||
| პირადი მონაცემები | |||
|---|---|---|---|
| სრული სახელი | მალხაზ ასათიანი | ||
| დაბადების თარიღი | 4 აგვისტო, 1981 | ||
| დაბადების ადგილი |
ქუთაისი საქართველოს სსრ სსრ კავშირი | ||
| სიმაღლე | 184 სმ | ||
| სათამაშო პოზიცია |
ცენტრალური მცველი საყრდენი ნახევარმცველი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1999–2003 | ტორპედო ქ. | 76 | (15) |
| 2003–2010 | ლოკომოტივი მ. | 125 | (6) |
| 2008–2009 | → დინამო კ. | 11 | (0) |
| ეროვნული ნაკრები | |||
| 1997–2003 | საქართველო 21 წლ. | 18 | (2) |
| 2001–2010 | საქართველო | 42 | (4) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
კარიერა
რედაქტირებასაკლუბო
რედაქტირებამალხაზ ასათიანმა კარიერა მშობლიური ქუთაისის და საერთოდ ქართული ფეხბურთის ერთ–ერთ ფლაგმან ქუთაისის „ტორპედოში“ დაიწყო. თავდაპირველად მალხაზი გამთამაშებლის პოზიციაზე ირჯებოდა, თუმცა „ტორპედოს“ მაშინდელი მწვრთნელები დავით ყიფიანი და რევაზ ძოძუაშვილი სხვა პოზიციაზეც ათამაშებდნენ. ასათიანმა 2000–2001 წლების სეზონი ჩინებულად ჩაატარა. „ტორპედოსთან“ ერთად საქართველოს ჩემპიონი გახდა და ჩემპიონთა ლიგაზე ასპარეზობის უფლება მოიპოვა. პირველ მატჩში ჩრდილო ირლანდიურ „ლინფილდთან“ მალხაზი ჩინებულად გაისარჯა, ხოლო მეორე ეტაპზე დანიურ „კოპენჰაგენთან“ მეტად მნიშვნელოვანი გოლი გაიტანა. ის შეხვედრა ფრედ, 1–1 დასრულდა, თუმცა ორი მატჩის ჯამში „ტორპედო“ დამარცხდა და ასპარეზობას გამოეთიშა. 2002 წელს კი სწორედ ასკას გოლმა თბილისის „დინამოს“ კარში საკუთარ გუნდს ზედიზედ მესამე ჩემპიონობა მოუტანა.
მალხაზ ასათიანი შემდეგ სეზონშიც აგრძელებდა წარმატებულ თამაშს და მალე მოსკოვის „ლოკომოტივის“ ყურადღების ცენტრში მოექცა. 2003 წელს მალხაზმა კარიერის რუსეთში გაგრძელება გადაწყვიტა. რკინიგზელთა იმდროინდელმა მწვრთნელმა ნახევარმცველ მალხაზ ასათიანს დაცვის ცენტრში მიუჩინა ადგილი, რასაც ასათიანმა შესანიშნავად გაართვა თავი, იგი უნივერსალობით გამოირჩეოდა. 2007–2008 წლებში „ლოკომოტივის“ შემადგენლობაში 10 მატჩი ჩაატარა, ყველაში ყვითელი ბარათი მიიღო, გაიტანა 2 გოლი. 2008 წელს კლუბმა კიევის „დინამოში“ გაანათხოვრა, 2008–2009 წლების სეზონში ასათიანმა „დინამოს“ შემადგენლობაში 16 მატჩი ჩაატარა. 2009 წელს კი იგი ლოკომოტივში დაბრუნდა და მოსკოველთა მაისურით 36 უგოლო მატჩი ჩაატარა.
სანაკრებო
რედაქტირებამალხაზ ასათიანი ნაკრებში 2003 წლიდან თამაშობდა. ამ წლის 30 აპრილის რუსეთის ეროვნულ ნაკრებთან გასამართი შეხვედრისთვის ეროვნული ნაკრების მთავარმა მწვრთნელმა ივო შუშაკმა ქვეყნის უმთავრეს გუნდში გამოიძახა. მალხაზმა დებიუტი გოლით აღნიშნა, სწორედ მისი ერთადერთი გოლის წყლობით მოიგეს ქართველებმა მატჩი. ამ დღიდან ასათიანი რეგულარულად თამაშობდა ეროვნულ გუნდში, ნახევარმცველის პოზიციაზე.
2004 წელს მას საუკეთესო პერიოდი დაუდგა, 2006 წლის მსოფლიო ჩემპიონატის შესარჩევი ციკლის ყველა საწყის მატჩში გოლი გაიტანა. მის მიერ გატანილი გოლების უმეტესობა გადამწყვეტი იყო და სწორედ ამიტომ მალხაზს იმდროინდელ ქართულ პრესაში გადამწყვეტი გოლების ავტორად მოიხსენიებდნენ, 2008 წლის ევროპის ჩემპიონატის შესარჩევ ციკლში მალხაზმა თითქმის ყველა შეხვედრა ჩაატარა ნაკრებში. ერთ-ერთ საწყის მატჩში საფრანგეთის ნაკრებთან ავტოგოლი გაიტანა. ამ შესარჩევი ტურნირიდან ასკამ დაცვის ცენტრში გადაიწია და ნაკრებშიც მცველი გახდა.
2008 წლის სექტემბერში მალხაზს უთანხმოება მოუვიდა ნაკრების მწვრთნელ ექტორ რაულ კუპერთან და დროებით ნაკრებში აღარ უასპარეზია.
ტიტულები
რედაქტირებაგუნდური
რედაქტირება.svg){kind=small}
ტორპედო ქუთაისი
- საქართველოს ჩემპიონი: (3) 1999/00, 2000/01, 2001/02
- საქართველოს თასის მფლობელი: (1) 2000/01
- თურქმენეთის პრეზიდენტის თასის ფინალისტი: (1) 2002
- საქართველოს თასის ფინალისტი: 1999/00, 2001/02
- საქართველოს სუპერთასის ფინალისტი: 1999
ლოკომოტივი მოსკოვი
- რუსეთის ჩემპიონი: (1) 2004
- რუსეთის თასის მფლობელი: (1) 2006/07
- რუსეთის სუპერთასის მფლობელი: (2) 2003, 2005
- თანამეგობრობის თასის მფლობელი: (1) 2005
- რუსეთის ჩემპიონატი მესამე ადგილი: 2005, 2006
დინამო კიევი
პირადი
რედაქტირება- რუსეთის საფეხბურთო ჩემპიონატის 33 საუკეთესო ფეხბურთელის სია: (2) №2 — 2005; №3 — 2004
საკლუბო სტატისტიკა
რედაქტირება| კლუბი | ლიგა | თასი | ევროთასო | სულ | |||||
|---|---|---|---|---|---|---|---|---|---|
| თამაშები | გოლები | თამაშები | გოლები | თამაშებო | გოლები | თამაშები | გოლები | ||
| ტორპედო ქუთაისი | 1999/2000 | 13 | 3 | 0 | 0 | 0 | 0 | 13 | 3 |
| 2000/2001 | 23 | 5 | 0 | 0 | 0 | 0 | 23 | 5 | |
| 2001/2002 | 25 | 1 | 0 | 0 | 0 | 0 | 25 | 1 | |
| 2002/2003 | 15 | 6 | 0 | 0 | 0 | 0 | 15 | 6 | |
| სულ | 76 | 15 | 0 | 0 | 0 | 0 | 76 | 15 | |
| ლოკომოტივი მოსკოვი | 2003 | 10 | 1 | 0 | 0 | 0 | 0 | 15 | 6 |
| 2004 | 19 | 1 | 1 | 0 | 0 | 0 | 20 | 1 | |
| 2005 | 28 | 3 | 2 | 1 | 12 | 2 | 42 | 5 | |
| 2006 | 14 | 0 | 2 | 0 | 0 | 0 | 16 | 0 | |
| 2007 | 14 | 1 | 0 | 0 | 0 | 0 | 14 | 1 | |
| 2008 | 4 | 0 | 1 | 0 | 0 | 0 | 5 | 0 | |
| სულ | 89 | 6 | 6 | 1 | 12 | 2 | 107 | 9 | |
| დინამო კიევი | 2008/2009 | 5 | 0 | 2 | 1 | 5 | 0 | 12 | 1 |
| სულ | 5 | 0 | 2 | 1 | 5 | 0 | 12 | 1 | |
| ლოკომოტივი მოსკოვი | 2009 | 14 | 0 | 0 | 0 | 0 | 0 | 14 | 0 |
| 2010 | 22 | 0 | 0 | 0 | 1 | 0 | 23 | 0 | |
| სულ | 36 | 0 | 0 | 0 | 1 | 0 | 37 | 0 | |
| მთელი კარიერა | 206 | 21 | 8 | 2 | 18 | 2 | 232 | 24 | |
რესურსები ინტერნეტში
რედაქტირება
სქოლიო
რედაქტირება- ↑ ლაშა თაბაგარი (4 აგვისტო, 2015). მალხაზ ასათიანი: „პროფესიულ ფეხბურთზე საუბარიც არ მსურს“. საქართველოს ეროვნული ნაკრების ყოფილმა მცველმა მალხაზ ასათიანმა ინტერნეტპორტალ rsport.ru-თან ინტერვიუში განაცხადა, რომ ამჟამად ფეხბურთისგან ისვენებს, მაგრამ მომავალში მწვრთნელობას არ გამორიცხავს. worldsport.ge. წაკითხვის თარიღი: 31 დეკემბერი, 2018.