ექტორ რაულ კუპერი
ექტორ რაულ კუპერი (ესპ. Héctor Raúl Cúper; დ. 16 ნოემბერი, 1955, სანტა-ფეს პროვინცია, არგენტინა) — ყოფილი არგენტინელი ფეხბურთელი და მწვრთნელი. ამჟამად წვრთნის ეგვიპტის ნაკრებს. 2008-2009 წლებში წვრთნიდა საქართველოს ეროვნულ ნაკრებს.
კუპერმა პროფესიონალური საფეხბურთო კარიერა 1976 წელს დაიწყო, კლუბ „ფერო კარილ ოსტეში“. ამ კლუბში მან თავისი კარიერი უმეტესი ნაწილი გაატარა. 1977 წელს იგი თამაშობდა კლუბ „ინდეპენდენტ რივედავიაში“, თუმცა მომავალ წელს კვლავ დაუბრუნდა თავის კლუბს. კუპერი ასევე თამაშობდა არგენტინის ეროვნულ ნაკრებში, თუმცა არ მიუღია მონაწილეობა მსოფლიოს ჩემპიონატში. 1988 წელს იგი გადავიდა კლუბ „ატლეტიკო ურაკანში“ სადაც 1992 წლამდე, კარიერის დასრულებამდე თამაშობდა.
მოთამაშის კარიერის დასრულებიდან წელიწად ნახევრის შემდეგ კუპერმა თავისი სამწვრთნელო კარიერა დაიწყო ურაკანში. სამი წლის შემდეგ იგი გადავიდა კლუბ „ატლეტიკო ლანისში“, ორი წლის შემდეგ კი კუპერი უკვე ევროპაში აგრძელებს თავის კარიერას. 1997 წელს იგი მეთაურობდა კლუბ მალიორკას, რომელიც კოპა დელ რეის ფინალში გაიყვანა, თუმცა დამარცხდა ბარსელონასთან. მომავალ წელს კლუბმა უეფას თასების მფლობელთა თასის ტურნირზე ფინალში გასვლა მოახერხა თუმცა კვლავ დამარცხდა ლაციოსთან. იმავე წელს კლუბმა მოახერხა ბარსელონასთან რევანშის აღება და ეპანეთის სუპერთასი მოიგო. ამ წელს კლუბმა ეროვნულ ჩემპიონატში, თავის ისტორიაში საუკეთესო, მესამე ადგილი დაიკავა და ჩემპიონთა ლიგაზე გავიდა.
1999 წელს კუპერი ვალენსიაში გადავიდა. ეს კლუბი არც თუ ისე წარმატებული აღმოჩნდა მისთვის. იგი ზედიზედ ორჯერ დამარცხდა ჩემპიონთა ლიგის ფინალში 2000 წელს მადრიდის რეალის წინააღმდეგ, ანგარიშით 2-1, ხოლო 2001 წელს მიუნხენის ბაიერნის წინააღმდეგ პენალტების სერიაში.
2001 წლიდან კუპერი ინტერის მწვრთნელია. ჩემპიონთა ლიგაში მისი უიღბლობა ამ კლუბშიც გაგრძელდა. ამჯერად მან მილანთან წააგო ლიგის ნახევარფინალი. კუპერი ამ კლუბიდან 2003 წელს გამოუშვეს როდესაც გუნდა ეროვნულ ჩემპიონატში მერვე ადგილი დაიკავა.
2004/05 წლების სეზონში კუპერი მალიორკას ედგა სათავეში. 2006 წელს ეს კლუბიც დატოვა.
2007/08 წლების სეზონი რეალ ბეტისთან ერთად დაიწყო, თუმცა 2007 წლის, 2 დეკემბერს ამ გუნდიდანაც გაუშვეს.
2008 წლის 1 აგვისტოს კუპერი დაინიშნა საქართველოს ეროვნული ნაკრების მთავარ მწვრთნელად, 2009 წლის ნოემბერში იგი კონტრაქტის დასრულებამდე 2 თვით ადრე ამ თანამდებობიდან გადადგა.
ლიტერატურა რედაქტირება
- Foer, Franklin (2005). How Soccer Explains the World. New York: HarperCollins. ISBN 0060731427
- Witzig, Richard (2006). The Global Art of Soccer. New Orleans, LA: Cusiboy Publishing. ISBN 0977668800
- Goldblatt, David (2007). The Ball is Round: A Global History of Football. London: Riverhead Books. ISBN 1594482969
რესურსები ინტერნეტში რედაქტირება
შეგიძლიათ იხილოთ მედიაფაილები თემაზე „ექტორ რაულ კუპერი“ ვიკისაწყობში.- კუპერის საფეხბურთო კარიერა დაარქივებული 2011-05-31 საიტზე Wayback Machine.
