ლევან იოსელიანი
ლევან იოსელიანი (დ. 20 ივნისი, 1978) — ქართველი იურისტი და პოლიტიკოსი. საქართველოს მე-10 მოწვევის პარლამენტის წევრი 2020 წლიდან 2023 წლის 7 მარტამდე. 2021 წლის 4 თებერვლიდან 2023 წლის 7 მარტამდე საქართველოს პარლამენტის თავმჯდომარის მოადგილე.[1] 2023 წლის 7 მარტს აირჩიეს საქართველოს სახალხო დამცველად.[2]
| ლევან იოსელიანი | |
 | |
| საქართველოს სახალხო დამცველი | |
|---|---|
| ამჟამინდელი თანამდებობა | |
| დაიკავა | 7 მარტი, 2023 |
| პრეზიდენტი | სალომე ზურაბიშვილი |
| წინამორბედი | ნინო ლომჯარია |
| თანამდებობაზე ყოფნის დრო | |
| 11 დეკემბერი, 2020 – 7 მარტი, 2023 | |
| პრეზიდენტი | სალომე ზურაბიშვილი |
| პრემიერ-მინისტრი | გიორგი გახარია |
| მემკვიდრე | ქეთევან თურაზაშვილი |
| დაბადებული | 20 ივნისი, 1978 |
| მოქალაქეობა |  საქართველო |
| ეროვნება | ქართველი |
| პოლიტიკური პარტია | მოქალაქეები |
| განათლება | თბილისის სახელმწიფო უნივერსიტეტი ჩიკაგოს უნივერსიტეტი |
| სამეცნიერო ხარისხი | მაგისტრი |
| პროფესია | იურისტი, ადვოკატი, პოლიტიკოსი |
ბიოგრაფია
რედაქტირებადაიბადა 1978 წლის 20 ივნისს. 1995 წელს დაამთავრა თბილისის №1 ექსპერიმენტული სკოლა. 2000 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის სამართლის ფაკულტეტი. მიიღო მაგისტრის ხარისხი ჩიკაგოს კენტის სამართლის სკოლაში. იოსელიანს საქართველოს საზოგადოებრივ საქმეთა ინსტიტუტში გავლილი აქვს ზოგადი მენეჯმენტის კურსი. 1999–2000 წლებში იყო „საქართველოს ბანკის“ იურისტი. 2000–2001 წლებში იყო „თიბისი ბანკის“ მთავარი იურისტი. 2001–2008 წლებში იყო იურიდიული კომპანია „ასლანიშვილი და იოსელიანის“ დამფუძნებელი, პარტნიორი და მთავარი იურისტი. 2008–2016 წლებში დააარსა „ლევან იოსელიანის“ იურიდიული კომპანია. 2018 წელს დააარსა არასამთავრობო ორგანიზაცია „სამოქალაქო მოძრაობა“. ფლობს ქართულ, ინგლისურ და რუსულ ენებს. არის საქართველოს ადვოკატთა ასოციაციის წევრი. ჰყავს მეუღლე და სამი შვილი.
2020 წლიდან 11 დეკემბრიდან 2023 წლის 7 მარტამდე საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ალეკო ელისაშვილი — მოქალაქეები“.[3]
რესურსები ინტერნეტში
რედაქტირება- ბიოგრაფია ფეისბუქის ოფიციალურ გვერდზე
- ლევან იოსელიანი — საქართველოს ბიოგრაფიული ლექსიკონი
- ლევან იოსელიანი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
რედაქტირება- ↑ „ლევან იოსელიანი პარლამენტის თავმჯდომარის მოადგილედ აირჩიეს“. On.ge. 4 თებერვალი, 2021. ციტირების თარიღი: 5 თებერვალი, 2021. შეამოწმეთ თარიღის პარამეტრი
|access-date=და|date=-ში (დახმარება) - ↑ პარლამენტმა სახალხო დამცველად ლევან იოსელიანი აირჩია
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 5 დეკემბერი, 2020.