ლა-გუახირის დეპარტამენტი
ლა-გუახირა (ესპ. Departamento de La Guajira) — კოლუმბიის ერთ-ერთი დეპარტამენტი. მდებარეობს ქვეყნის ჩრდილოეთ რეგიონში და იკავებს გუახირის ნახევარკუნძულის უდიდეს ნაწილს. ესაზღვრება კარიბის ზღვასა და ვენესუელას. დედაქალაქია რიოაჩა.
| დეპარტამენტი | |||||
|---|---|---|---|---|---|
|
ლა-გუახირის დეპარტამენტი Departamento de La Guajira | |||||
| |||||
| ქვეყანა |
 კოლუმბია | ||||
| ადმ. ცენტრი | რიოაჩა | ||||
| კოორდინატები | 11°33′00″ ჩ. გ. 72°21′00″ დ. გ. / 11.55000° ჩ. გ. 72.35000° დ. გ. | ||||
| მმართველი | Tania María Buitrago González[1] | ||||
| დაარსდა | 1 ივლისი, 1965 | ||||
| ფართობი | 20 848 კმ² | ||||
| მოსახლეობა | 902 386[2] კაცი (2013) | ||||
| სიმჭიდროვე | 43 კაცი/კმ² | ||||
| ოფიციალური საიტი | laguajira.gov.co | ||||
.svg) | |||||
გუახირის ვრცელ არიდულ ვაკეებზე სახლობენ ადგილობრივთა მრავალგვარი ტომები, მათ შორის ვაიუს ხალხი, გუახიროები, მაკუიროები, ანატესები, ვაიუნაიკის ხალხი, კუანაოები და ენეალები, რომლებიც აქ ჯერ კიდევ ესპანელთა მოსვლის დროიდან სახლობენ. კოლონიზაციის პერიოდში ტერიტორია სადავო იყო სანტა-მარტას გუბერნატორებსა და ვენესუელას შორის, ძირითადად მარგალიტის დეპოზიტების გამო. ტერიტორიის ხელშეი ჩაგდებას ასევე ცდილობდნენ ინგლისელი მეკობრეები, ფრანგები და გერმანელები. 1871 წელს რეგიონი გამოეყო მაგდალენას დეპარტამენტს და შეიქმნა ლა-გუახირა.
1911 წელს კოლუმბიის მთავრობამ შექმნა ლა-გუახირის კომისარიატი, რასაც მოჰყვა იმიგრანტთა ტალღა ახლო აღმოსავლეთიდან, კერძოდ ლიბანიდან, სირიიდან, პალესტინიდან და იორდანიიდან. საბოლოოდ, დეპარტამენტის სახით ლა-გუახირა 1964 წელს შეიქმნა.
ეკონომიკა ძირითადად ეფუძნება ქვანახშირის მოპოვებას კერეხონში, სადაც 2004 წელს 24.9 მლნ ტონა იქნა წარმოებული. ასევე მნიშვნელოვანია ბუნებრივი გაზის ექსპლუატაცია და მარილის მოპოვება. პოპულარული ტურისტული ღირსშესანიშნაობაა გუახირის უდაბნოს ნახევარკუნძულის წვერზე მდებარე პატარა სოფელი კაბო-დე-ლა-ველა.
ლა-გუახირის დეპარტამენტი 15 მუნიციპალიტეტისაგან შედგება.
იხილეთ აგრეთვე
რედაქტირებარესურსები ინტერნეტში
რედაქტირება- (ესპანური) ოფიციალური საიტი
- (ესპანური) Violence in La Guajira
- (ესპანური) Colombian ministry of Education: Education in La Guajira
- (ესპანური) Bank of the Republic - Colombia: Education in the Caribbean region of Colombia
- (ესპანური) Bank of the Republic - La Guajira y el mito de las regalías redentoras by Adolfo Meisel Roca No. 86 Febrero, 2007 დაარქივებული 2012-05-12 საიტზე Wayback Machine.
- (ესპანური) UNESCO: indigenous peoples in la Guajira
სქოლიო
რედაქტირება- ↑ http://caracol.com.co/emisora/2017/11/20/riohacha/1511200521_170019.html
- ↑ DANE. დაარქივებულია ორიგინალიდან — ნოემბერი 13, 2009. ციტირების თარიღი: February 13, 2013.