ლამარა ჭყონია

ლამარა ჭყონია
ლამარა ჭყონია
	; ლამარა ჭყონია
ბიოგრაფია
ნამდვილი სახელი	ლამარა ჭყონია
დაბ. თარიღი	27 დეკემბერი, 1930
დაბ. ადგილი	ბათუმი, აჭარის ასსრ, საქართველოს სსრ, სსრკ
გარდ. თარიღი	14 მარტი, 2024 (93 წლის)
გარდ. ადგილი	თბილისი
ჟანრ(ებ)ი	კლასიკური მუსიკა, ოპერა
საქმიანობა	ლირიკულ-კოლორატული სოპრანო
	ლამარა ჭყონია ვიკისაწყობში

სხვა მნიშვნელობებისთვის იხილეთ ჭყონია.

ბიოგრაფია

1956 წელს დაამთავრა თბილისის სახელმწიფო კონსერვატორია (გ. გოგიჩაძის კლასი, ადრე მეცადინეობდა ვ. ქაშაკაშვილი). 1956-1960 წლებში და 1968 წლიდან ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრის, 1960-1968 წლებში კიევის ტარას შევჩენკოს სახელობის ოპერისა და ბალეტის თეატრის სოლისტი. ლამარა ჭყონიას აქვს ლამაზი ტემბრის ხმა, სრულყოფილი ვოკალური ტექნიკა. სკკპ-ის წევრი 1974 წლიდან.

შესრულებული აქვს ოპერებიდან პარტიები: მარფა (რიმსკი-კორსაკოვი „მეფის საცოლე“), ტატიანა, იოლანტა (პეტრე ჩაიკოვსკი „ევგენი ონეგინი, „იოლანტა“), ჩიო-ჩიო სანი (ჯაკომო პუჩინი „ჩიო-ჩიო სანი“, ტოკიოს საერთაშორისო კონკურსის II პრემია ამ პარტიის საუკეთესო შესრულებისთვის, 1967), ვიოლეტა (ჯუზეპე ვერდი „ტრავიატა“), მარო, ეთერი (ზაქარია ფალიაშვილი „დაისი“, „აბესალომ და ეთერი“) და სხვ. ვოკალისტთა პრაღის (1960), სოფიის (III პრემია, 1963) საერთაშორისო და გლინკას სახელობის (1960, მოსკოვი) კონკურსების ლაურეატი. დაჯილდოებულია „საპატიო ნიშნის“ ორდენით და მედლებით.^[1]

გარდაიცვალა 2024 წლის 14 მარტს, 93 წლის ასაკში.^[2]