თამარ მეფის ორდენი (სახელმწიფო ჯილდო)
თამარ მეფის ორდენი — საქართველოს სახელმწიფო ჯილდო, ორდენი, რომლითაც ჯილდოვდებიან ქალები ქვეყნისა და ერის წინაშე განსაკუთრებული ღვაწლისათვის, გამორჩეული სახელმწიფოებრივი ან/და საზოგადოებრივი მოღვაწეობისათვის.[1] ორდენი საქართველოს მეფის, თამარ მეფის სახელობისაა. დამტკიცებულია 2009 წლის 31 ივლისის საქართველოს პარლამენტის № 1553 დადგენილებით. პირველი ორდენი 2011 წლის 2 სექტემბერს მიენიჭა მრავალი საერთაშორისო კონკურსის ლაურეატს, „ბრწყინვალების ორდენის“ კავალერს, ცნობილ ქართველ სოპრანოს ლამარა ჭყონიას.[2]
| თამარ მეფის ორდენი | ||
|---|---|---|
 | ||
 | ||
| ქვეყანა |  საქართველო | |
| ტიპი | ორდენი | |
| სტატისტიკა | ||
| დაწესების თარიღი | 31 ივლისი, 2011 | |
| რიგითობა | ||
| მაღალი ჯილდო | დავით აღმაშენებელის ორდენი | |
| დაბალი ჯილდო | ბრწყინვალების საპრეზიდენტო ორდენი | |
აღწერა
რედაქტირებათამარ მეფის ორდენი არის 585 სინჯის ოქროს 100-გრამიანი ვარსკვლავი. თამარ მეფის ორდენი და მისი ესკიზი დამზადებულია ლიეტუვის ზარაფხანაში.[3]
ორდენის ავერსი — დიდი ვარსკვლავი არის თეთრი მინანქრით, ბოლოები აქვს ოქროსფერი, ფონად დომინირებს მწვანე მინანქარი. ასევე გამოყენებულია ოქროსფერი და შავი. ცენტრში რელიეფურად (ამოწეული) გამოსახულია თამარ მეფე, გარშემო წითელი მინანქარია გამოყენებული წარწერით: „თამარ მეფე“. ქვემოთ აქვს დამუშავებული ორნამენტი. ვარსკვლავი ოქროს ყუნწით მოძრავად უკავშირდება სამაგრის რგოლს. ოქროს რგოლი ხისტად არის დაკავშირებული სამაგრთან. სამაგრის რგოლი არის მწვანე მინანქრით.[3]
ორდენის რევერსი — ცენტრში ოქროსფერ ფონზე რელიეფურად (ამოწეული) გამოსახულია საქართველოს გერბი. გერბის გარშემო არის წრე, რომელიც დამუშავებულია ორნამენტებით. ორდენის ბაფთა არის წითელი და თეთრი.[3]
ორდენით დაჯილდოებულები
რედაქტირება- 2011 — ლამარა ჭყონია[4]
- 2013 — დაჯილდოვდა 39 პირი, მათ შორის: ეკა კვესიტაძე, მაია ასათიანი, ნანა ჟორჟოლიანი, ინგა გრიგოლია, ნინო შუბლაძე, ხატია ბუნიათიშვილი.[4]
- 2015 — ირინე ენუქიძე.[4]
- 2021 — ელენე კავლელიშვილი, მედეა ამირანაშვილი, მზექალა შანიძე, ნათელა მაჭავარიანი, ქეთევან კინწურაშვილი, ქეთი დოლიძე, რუსუდან მირზიკაშვილი, რუსუდან წურწუმია.[5]
- 2023 — ნონა გაფრინდაშვილი.[6]
იხილეთ აგრეთვე
რედაქტირება- ამავე სახელით 1915 წელს საქართველოს გარეთ შექმნილმა „განთავისუფლების კომიტეტმა“ შექმნა ჯილდო — თამარ მეფის ორდენი — რომლითაც საქართველოს თავისუფლებისთვის ბრძოლაში შეტანილი წვლილისათვის სამხედრო და სამოქალაქო პირების ჯილდო იყო.
სქოლიო
რედაქტირება- ↑ საქართველოს სახელმწიფო ჯილდოების – ორდენებისა და მედლების დებულება. დაარქივებულია ორიგინალიდან — 2018-08-29. ციტირების თარიღი: 2019-01-20.
- ↑ ჯავახიშვილი ნ., ჭიჭინაძე მ., ენციკლოპედია „საქართველო“, ტ. 3, თბ., 2014.
- ↑ 3.0 3.1 3.2 საქართველოს მოქმედი სახელმწიფო ჯილდოები : „ჰეროლდი“, 2020, № 9, გვ. 15, ISBN 2298-0261.
- ↑ 4.0 4.1 4.2 2003-2015 წლებში საქართველოს პრეზიდენტების მიერ გაცემული სახელმწიფო ჯილდოები. ინფორმაციის თავისუფლების განვითარების ინსტიტუტი (10 მაისი, 2016). ციტირების თარიღი: 27 დეკემბერი, 2021
- ↑ ბოგვერაძე, მარიამ (9 მარტი, 2021). „პრეზიდენტმა თამარ მეფის ორდენით კულტურის სფეროში მომუშავე 8 ქალი დააჯილდოვა“. netgazeti.ge. ციტირების თარიღი: 27 დეკემბერი, 2021. შეამოწმეთ თარიღის პარამეტრი
|access-date=და|date=-ში (დახმარება) - ↑ „"თქვენში ჩვენს თავს ვხედავთ" - პრეზიდენტმა ნონა გაფრინდაშვილს თამარ მეფის ორდენი გადასცა“. Tabula. 12 ოქტომბერი, 2023. ციტირების თარიღი: 12 ოქტომბერი, 2023. შეამოწმეთ თარიღის პარამეტრი
|access-date=და|date=-ში (დახმარება)