მედეა ამირანაშვილი

მედეა პეტრეს ამირანაშვილი (დ. 10 სექტემბერი, 1930, თბილისი) — ქართველი მომღერალი (ლირიკული სოპრანო), საქართველოს სახალხო არტისტი (1965). ზაქარია ფალიაშვილის სახელობის პრემიის ლაურეატი (1971).

მედეა ამირანაშვილი
ბიოგრაფია
დაბ. თარიღი 10 სექტემბერი, 1930 (1930-09-10) (92 წლის)
დაბ. ადგილი თბილისი, საქართველო
ჟანრ(ებ)ი ოპერა
საქმიანობა
  • საოპერო მომღერალი,
  • პედაგოგი
ჯილდოები საპატიო ნიშნის ორდენი, სსრკ-ის სახალხო არტისტი, ხალხთა მეგობრობის ორდენი, მედალი „შრომითი წარჩინებისათვის“, საქართველოს სსრ-ის სახალხო არტისტი და თამარ მეფის ორდენი

ბიოგრაფიარედაქტირება

1954 წელს დაამთავრა ვ. სარაჯიშვილის სახელობის თბილისის სახელმწიფო კონსერვატორია (პროფესორ ს. ინაშვილის კლასი). იმავე წელს შედგა მისი დებიუტი ზ. ფალიაშვილის სახელობის თბილისის ოპერისა და ბალეტის თეატრის სცენაზე (მარგარიტა, გუნოს „ფაუსტი“), რის შემდეგ ამ თეატრის წამყვანი სოლისტია და ასრულებს სოპრანოს მთავარ პარტიებს: მარო, ეთერი და მარეხი (ფალიაშვილის „დაისი“ და „აბესალომ და ეთერი“), მზია (თაქთაქიშვილის „მინდია“), ლელა (ლაღიძის „ლელა“), ტატიანა (ჩაიკოვსკის „ევგენი ონეგინი„), ზემფირა (რახმანინოვის „ალეკო“), ბატერფლაი (საერთაშორისო პრემია, ტოკიო, 1970), მიმი (პუჩინის „ჩიო-ჩიო-სანი“ და „ბოჰემა“), ლეონორა, ვიოლეტა (ვერდის „ტრუბადური“ და „ტრავიატა“), ელზა (ვაგნერის „ლოენგრინი“) და სხვა. ამირანაშვილისთვის დამახასიათებელია ფართო ვოკალურ-არტისტული დიაპაზონი, შინაგანი ექსპრესია და შემოქმედებითი დისციპლინა.

ჯილდოებირედაქტირება

  • 2021 — თამარ მეფის ორდენი „ქართული საოპერო ხელოვნების განვითარებასა და პოპულარიზაციაში შეტანილი განსაკუთრებული პირადი წვლილისათვის“.[1]
  • 1971 — ზაქარია ფალიაშვილის სახელობის პრემია
  • 1970 — „მადამ ბატერფლაის“ საერთაშორისო კონკურსი (ოსაკა)
  • 1965 — საქართველოს სახალხო არტისტი
  • 1962 — გლინკას სახელობის კონკურსი(მოსკოვი)

ლიტერატურარედაქტირება

რესურსები ინტერნეტშირედაქტირება

სქოლიორედაქტირება

  1. ბოგვერაძე, მარიამ (9 მარტი, 2021). „პრეზიდენტმა თამარ მეფის ორდენით კულტურის სფეროში მომუშავე 8 ქალი დააჯილდოვა“. netgazeti.ge. ციტირების თარიღი: 27 დეკემბერი, 2021. შეამოწმეთ თარიღის პარამეტრი |access-date= და |date=-ში (დახმარება)