თამარ მეფის ორდენი (განთავისუფლების კომიტეტი)

თამარ მეფის ორდენი — პირველი მსოფლიო ომის დროს ევროპაში დაფუძნებული „საქართველოს განთავისუფლების ეროვნული კომიტეტის“ მიერ 1915 წელს შემოღებული ჯილდო.

თამარ მეფის ორდენი
სრული სახელი	თამარ მეფის ორდენი
ტიპი	ორდენი
დაჯილდოების საფუძველი	1915

სამახსოვრო ნიშნით „განთავისუფლების კომიტეტი“ საქართველოს თავისუფლებისთვის ბრძოლაში შეტანილი წვლილისათვის აჯილდოებდა სამხედრო და სამოქალაქო პირებს. თავდაპირველად ორდენის ორი ხარისხი - I და II - არსებობდა, თუმცა მოგვიანებით ორდენს დაემატა ასევე III ხარისხის ჯილდოც.

ნიკო ნიკოლაძის თამარ მეფის ორდენი

სამივე ხარისხის ორდენზე რვაქიმიანი ვერცხლის ვარსკვლავის ცენტრში მოთავსებულია ერთნაირი მედალიონი თამარ მეფის მოოქრული ვერცხლის პორტრეტით და ოქროთი მოვარაყებული წარწერით „ქართული ლეგიონი, 1915“.

ორდენით დაჯილდოების პირვანდელი დებულების თანახმად, გადაწყვეტილებას მისი მინიჭების შესახებ იღებდა „განთავისუფლების კომიტეტი“ წევრთა 2/3-ის თანხმობით, თუმცა, როდესაც 1918 წლის 21 ივლისს ბერლინში ეროვნული კომიტეტის უკანასკნელი სხდომა გაიმართა და კომიტეტმა მუშაობა დაასრულა, დაადგინეს, თამარის ორდენით დაჯილდოების უფლება პრეზიდიუმს გადასცემოდა.

რესურსები ინტერნეტში

• თამარ მეფის ორდენი დაარქივებული 2019-11-09 საიტზე Wayback Machine. , დავით ლორთქიფანიძე, 01.05.18.
• თამარ მეფის ორდენი — ენციკლოპედია „საქართველო“
• The Georgian Order of St Tamara Medal at The German Caucasian Expedition: Georgia 1918
• Guide to German Ribbon Bars, 1914–1945: "probably the single most peculiar military decoration of all time"
• The World's Most Bizarre Award—A New Chapter! at the Gentleman's Military Interest Club (GMIC)
• Georgia: The Order of Tamara at the Orders and Medals Society of America (OMSA)
• Royal Order of Queen Tamar დაარქივებული 2019-04-20 საიტზე Wayback Machine.