მთავარი მენიუს გახსნა

კორცხელი სოფელი საქართველოში, სამეგრელო-ზემო სვანეთის მხარის ზუგდიდის მუნიციპალიტეტში, ოდიშის ვაკეზე. ზუგდიდ–წალენჯიხის საავტომობილო გზაზე, ზღვის დონიდან 200 მეტრი, ზუგდიდიდან 10 კმ.

სოფელი
კორცხელი
Korckheli1.jpg
ქვეყანა საქართველოს დროშა საქართველო
მხარე სამეგრელოს და ზემო სვანეთის მხარე
მუნიციპალიტეტი ზუგდიდის მუნიციპალიტეტი
თემი კორცხელი
კოორდინატები 42°33′39″ ჩ. გ. 41°56′37″ ა. გ. / 42.56083° ჩ. გ. 41.94361° ა. გ. / 42.56083; 41.94361
პირველი ხსენება XVII საუკუნე
ცენტრის სიმაღლე 200
მოსახლეობა 883[1] კაცი (2014)
ეროვნული შემადგენლობა ქართველები[2]
კორცხელი — საქართველო
კორცხელი

დემოგრაფიარედაქტირება

2014 წლის აღწერის მონაცემებით სოფელში ცხოვრობს 883 ადამიანი.

აღწერის წელი მოსახლეობა კაცი ქალი
2002[2] 1 431 678 753
2014[1]   883 429 454

ისტორიარედაქტირება

სოფელი კორცხელი ისტორიულ წყაროებში პირველად მოხსენიებულია XVII საუკუნეში. კორცხელში არის XVII საუკუნის ქართული ხუროთმოძღვრული ძეგლი – ღვთისმშობლის ეკლესია. წერილობითი საბუთების თანახმად იგი 1624–1639 წლებში აუგია ოდიშის მთავარს ლევან II დადიანს. 1815 წელს ეკლესია შეაკეთებინა ნიკოლოზ დადიანმა. 1859 წელს კვლავ განაახლეს.

კორცხელის ტაძრის არქიტექტურარედაქტირება

ღვთისმშობლის ტაძარი კორცხლში ― წარმოადგენს ქვის გუმბათოვან ნაგებობას სამი შვერილი აფსითა და ღია თაღოვანი სტოით დასავლეთ მხარეს. გუმბათი საკურთხევლის კედლების კუთხეებსა და ორ ბოძს ეყრდნობა, ფასადები მოპირკეთებულია ქვის მცირე კვადრატებით. ეკლესიაში ინახებოდა ლევან II დადიანის შეწირული რამდენიმე ხატი და სხვა სიძველეები.

სქოლიორედაქტირება

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 7 ნოემბერი, 2016.
  2. 2.0 2.1 საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II

ლიტერატურარედაქტირება

  • თაყაიშვილი ე. – არხეოლოგიური მოგზაურობანი და შენიშვნანი. წგნ. 2, ტფ. 1914, გვ. 200–208
  • ქსე – ტომი V, ვ, ბერიძე, თ, ბერაძე. გვ. 682

რესურსები ინტერნეტშირედაქტირება