კიანუ რივზი
კიანუ ჩარლზ რივზი (/kiːˈɑːnuː/[1], ინგლ. Keanu Charles Reeves; დ. 2 სექტემბერი, 1964[2][3]) — კანადელი მსახიობი, რეჟისორი, პროდიუსერი და მუსიკოსი. იგი ყველაზე მეტად ცნობილია სამსახიობო კარიერით, რომელიც 1985 წელს დაიწყო და სამ ათწლეულზე მეტი მოიცვა. მის უფრო ცნობილ როლებს შორის არის პერსონაჟები ბლოკბასტერული ფილმებიდან. აღსანიშნავია ფრენჩაიზი „ბილი და ტედი“ (1989–1991); მოქმედებითი თრილერები „ტალღების ქიმზე“ (1991), „სიჩქარე“ (1994) და ფილმების სერია „ჯონ უიკი“; ფსიქოლოგიური თრილერი „ეშმაკის ადვოკატი“ (1997); ზებუნებრივი ჟანრის „კონსტანტინი“ (2005) და სამეცნიერო ფანტასტიკის/მოქმედებითი ჟანრების „მატრიცა“ (1999–2003). აგრეთვე მონაწილეობა აქვს მიღებული ფილმებში „სახიფათო კავშირები“ (1988), „ჩემი პირადი შტატი აიდაჰო“ (1991) და „პატარა ბუდა“ (1993), ისევე, როგორც რომანტიკულ საშინებათა ფილმში „ბრემ სტოკერის დრაკულა“ (1992).
| კიანუ რივზი | |
|---|---|
_(cropped).jpg) კიანუ რივზი 2019 წელს | |
| დაბადების სახელი | კეიანუ ჩარლზ რივზი |
| დაბადების თარიღი |
2 სექტემბერი, 1964 ბეირუთი, ლიბანი |
| საქმიანობა | მსახიობი |
| აქტიური | 1984-დღემდე |
კინოინდუსტრიაში აქტიური წლებით დაწყებული, რივზმა მოიპოვა კრიტიკოსების აღიარება.[4] თანამშრომლობდა სტივენ ფრირზთან, გას ვან სენტთან და ბერნარდო ბერტოლუჩისთან. განსახიერებული როლებისთვის მან მრავალი ჯილდო მიიღო, მათ შორის - ვარსკვლავი ჰოლივუდის დიდების ხეივანში.
კინოკარიერის წლების განმავლობაში იგი სხვა შემოქმედებასაც ეწეოდა. უკრავდა ჯგუფებში Dogstar და Becky. შესრულებული აქვს ჰამლეტის როლი მანიტობას თეატრალური ცენტრის მიერ დადგმულ ამავე სახელწოდების პიესაში. აქვს დაწერილი ტექსტი ალექსანდრა გრანტის მიერ ილუსტრირებული წიგნისთვის „ოდა ბედნიერებას“. აგრეთვე არის დოკუმენტურ ფილმის „გვერდიგვერდ“ პროდიუსერი და აღმოსავლური ორთაბრძოლების შესახებ შექმნილი „ტაი-ჩის ოსტატის“ რეჟისორი
ფილმოგრაფია
რედაქტირება| წელი | ქართულად | მშობლიური სახელწოდება | როლი | |
|---|---|---|---|---|
| 1988 | ფ | სახიფათო კავშირები | Dangerous Liaisons | შევალიე რაფაელ დენსენი |
| 1991 | ფ | ტალღების ქიმზე | Point Break | ჯონი იუტა |
| 1991 | ფ | ჩემი პირადი შტატი აიდაჰო | My Own Private Idaho | სკოტ ფეივორი |
| 1992 | ფ | ბრემ სტოკერის დრაკულა | Bram Stoker's Dracula | ჯონათან ჰარკერი |
| 2003 | ფ | სიყვარული წესების გარეშე | Something's Gotta Give | ჯულიან მერსერი |
| 2006 | ფ | სახლი ტბასთან | The Lake House | ალექს უაილერი |
| 2019 | ფ | სათამაშოების ისტორია 4 | Toy Story 4 | დიუკ კაბუმი |
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „კიანუ რივზი“ ვიკისაწყობში.- კიანუ რივზი კინოფილმების ინტერნეტ-მონაცემთა ბაზაში
სქოლიო
რედაქტირება- ↑ NLS: Say How, Q-T. Library of Congress. ციტირების თარიღი: March 25, 2017
- ↑ „Monitor“. Entertainment Weekly (1275). September 6, 2013. p. 25.
- ↑ Keanu Reeves biography. დაარქივებულია ორიგინალიდან — 2015-03-22.
- ↑ Movie Review – Point Break – Review/Film; Surf's Up For F.B.I. In Bigelow's 'Point Break' – NYTimes.com