კარნოტიტი

კარნოტიტი (სახელი ეწოდა ფრანგი ქიმიკოსის ა. კარნოს (ფრანგ. A. Carnot) პატივსაცემად) — ვანადატების კლასის მინერალი; ქიმიური შედგენილობა ${\ce {K_2(UO_2)_2[V_2O_8]}}$·${\ce {3H_2O}}$. ზოგჯერ შეიცავს ${\ce {Ca}}$, ${\ce {Cu}}$, ${\ce {Pb}}$ და სხვ. კრისტალდება იშვიათად. აგრეგატები მიწისებრი და წანაცხის სახისაა. აქვს კაშკაშა ყვითელი ან მომწვანო ყვითელი ფერი, ტკეჩადობა სრული. სიმაგრე მინერალოგიური სკალით 2–3; სიმკვრივე 4460 კგ/მ³. ძლიერ რადიოაქტიურია. წარმოიქმნება ურანის პირველადი მინერალების ხარჯზე. კარნოტიტი ურანისა და ვანადიუმის მნიშვნელოვანი მადანია. კარნოტიტის საბადოებია აშშ-ში, აფრიკაში, ავსტრალიასა და სხვ.

კარნოტიტი
საერთო
ქიმიური ფორმულა	K2(UO2)2[VO4]2·3H2O
იდენტიფიკაცია
ფერი	ყვითელი ან მომწვანო ყვითელი
ტკეჩადობა	სრული
სიმაგრე მოოსის სკალით	2–3
სიმკვრივე	4460 კგ/მ³

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 412.

რესურსები ინტერნეტში

• ვიკისაწყობში არის გვერდი თემაზე: კარნოტიტი
• მინერალთა გალერეები