კარლ ფრიდრიხ ნაუმანი

გერმანელი მინერალოგი და გეოლოგი

კარლ ფრიდრიხ ნაუმანი (გერმ. Carl Friedrich Naumann; დ. 30 მაისი, 1797, დრეზდენი — გ. 26 ნოემბერი, 1873, დრეზდენი) — გერმანელი მინერალოგი და გეოლოგი. პეტერბურგის მეცნიერებათა აკადემიის უცხოელი წევრ-კორესპონდენტი (1857). დაიბადა ქალაქ დრეზდენში, მუსიკოსისა და კომპოზიტორის ოჯახში. განათლება მიიღო პფორტაში, სწავლობდა ფრაიბერგის სამთო სკოლაში, ხოლო მოგვიანებით ლაიფციგსა და იენაში. სასწავლებელი დაამთავრა ქალაქ იენაში და 1823 წელს იქვე დაიწყო სწავლება, ხოლო 1 წლის შემდეგ გადაინაცვლა ქალაქ ლაიფციგში. 1835 წელს ფრაიბერგში გახდა გეოგნოზიის პროფესორი. 1842 წელს ლაიფციგის უნივერსიტეტში გახდა მინერალოგიისა და გეოგნოზიის პროფესორი. 1846 წელს ბერნჰარდ ფონ კოტასთან ერთად შექმნა საქსონიის გეოლოგიური რუკა. კარლ ფრიდრიხ ნაუმანი ენციკლოპედიური ცოდნით იყო აღჭურვილი. 1821-1822 წლებში იმოგზაურა ნორვეგიაში, რის შემდეგ დაწერა ნაშრომები კრისტალოგრაფიაში, მინერალოგიასა და გეოლოგიაში. ავტორია სახელმძღვანელოებისა გეოლოგიასა და მინერალოგიაში. 1866 წელს კაინოზოური ჯგუფის რიგით პირველი სისტემისათვის შემოიღო სახელწოდება პალეოგენური სისტემა. 1868 წელს მიენიჭა ლონდონის გეოლოგიური საზოგადოების უოლასტონის სახელობის მედალი. გეოლოგიურ ლიტერატურაში შეიტანა ცნება მეტასომატოზი. მისი სახელობისაა კრატერი მთვარეზე.

კარლ ფრიდრიხ ნაუმანი
გერმ. Karl Friedrich Naumann
დაბ. თარიღი 30 მაისი, 1797(1797-05-30)[1]
დაბ. ადგილი დრეზდენი
გარდ. თარიღი 26 ნოემბერი, 1873(1873-11-26)[1](76 წლის)
გარდ. ადგილი დრეზდენი
მოქალაქეობა საქსონიის სამეფო
საქმიანობა გეოლოგი, უნივერსიტეტის პროფესორი და მინერალოგი
მუშაობის ადგილი ლაიფციგის უნივერსიტეტი და ფრაიბერგის სამთო აკადემია
ალმა-მატერი ლაიფციგის უნივერსიტეტი და იენის უნივერსიტეტი[2]
სამეცნიერო ხარისხი დოქტორის ხარისხი
მამა იოჰან გოტლიბ ნაუმანი
დედა Catharina Magdalena Naumann
შვილ(ებ)ი ერნსტ ნაუმანი
ჯილდოები ამერიკის ხელოვნებისა და მეცნიერების აკადემიის წევრი და უოლასტონის მედალი[3]

რესურსები ინტერნეტში რედაქტირება

სქოლიო რედაქტირება