ზინედინ ზიდანი
ზინედინ იაზიდ ზიდანი (ფრანგ. Zinedine Yazid Zidane [zinedin zidan], არაბ. زين الديـن زيـدان; დ. 23 ივნისი, 1972; მარსელი, საფრანგეთი) — ფრანგი ყოფილი ფეხბურთელი და მწვრთნელი, მსოფლიოს ყველა დროის ერთ-ერთი საუკეთესო ფეხბურთელი. 2016 წლიდან 2018 წლის ივნისამდე წრთვნიდა მადრიდის „რეალს“, რომელსაც სამჯერ ზედიზედ უეფა-ს ჩემპიონთა ლიგა მოაგებინა.
 | |||
| პირადი მონაცემები | |||
|---|---|---|---|
| დაბადების თარიღი | 23 ივნისი, 1972 | ||
| დაბადების ადგილი | მარსელი, საფრანგეთი | ||
| სიმაღლე | 185 სმ | ||
| სათამაშო პოზიცია | შემტევი ნახევარმცველი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1989–1992 | კანი | 61 | (6) |
| 1992–1996 | ბორდო | 139 | (28) |
| 1996–2001 | იუვენტუსი | 151 | (24) |
| 2001–2006 | რეალ მადრიდი | 155 | (37) |
| ეროვნული ნაკრები | |||
| 1988–1989 | საფრანგეთი 17 წლ. | 4 | (1) |
| 1989–1990 | საფრანგეთი 18 წლ. | 6 | (0) |
| 1990–1994 | საფრანგეთი 21 წლ. | 20 | (3) |
| 1994–2006 | საფრანგეთი | 108 | (31) |
| სამწვრთნელო კარიერა | |||
| 2014–2016 | რეალ მადრიდ კასტილია | ||
| 2016–2018 | რეალ მადრიდი | ||
| 2019–2021 | რეალ მადრიდი | ||
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
ის ათი წლის მანძილზე იყო მსოფლიოში ყველაზე ძვირადღირებული ფეხბურთელი — მასში 2001 წელს რეალ მადრიდმა იუვენტუსს 69 მილიონი ამერიკული დოლარი გადაუხადა.
1999 წელს Placar-ის ვერსიით XX საუკუნის 100 საუკეთესო ფეხბურთელს შორის 92-ე ადგილზე დასახელდა.[1]
ბიოგრაფია
რედაქტირებაადრეული წლები
რედაქტირებაზინედინ ზიდანი წარმოშობით ალჟირელია. დაიბადა მარსელში, ყველაზე ღარიბ უბანში — კასტელანში, სადაც, როგორც წესი, ფანჯრები რკინის გისოსებით იყო ამოყვანილი, ხოლო ბავშვები ბეტონის ასფალტზე თამაშობდნენ ფეხბურთს. მისი მშობლები ისმაელი და მალიკა — ალჟირის მკვიდრები იყვნენ. მამა მუშაობდა უნივერმაღში დამფასოებლად. ზიდანის ბავშვობამ მარსელის ერთ პატარა ბინაში გაიარა. მის გარდა ოჯახში კიდევ ოთხი ბავშვი იყო: და — ლილა, ძმები — ჯამელი, ფარიდი და ნურიედი. მისი ბურთის ფუნქციას ხშირად ასრულებდა პლასტიკური ბოთლი. მას აგრეთვე გართობის სხვა წყაროებიც ჰქონდა, ისეთი როგორიცაა ველოსიპედი და ძიუდო.
მიუხედავად ყველაფრისა ზინედინ ზიდანის მთავარი ლტოლვა მაინც ფეხბურთისკენ იყო მიპყრობილი. მაშინ მას მხოლოდ ერთი რამ უნდოდა, მოეტყუებინა ყველა, ვინც კი მას გზაზე გადაეღობებოდა.
კანი
რედაქტირება14 წლის ასაკში ზიდანმა თავისი თამაშით მიიპყრო საფეხბურთო კლუბ კანის სელექციონერების ყურადღება. ერთკვირიანი დაკვირვების შემდეგ, მისი მშობლები დაარწმუნეს იმაში, რომ ბავშვი კანის ბავშთა გუნდში გაეშვათ. 2 წლის შემდეგ, 1989 წლის 20 მაისს, მაშინ როდესაც ზიდანი ჯერ კიდევ არ იყო 17 წლის, შედგა მისი დებიუტი საფრანგეთის ეროვნულ ჩემპიონატში. ეს მოხდა ბოჟუარის სახელობის სტადიონზე ნანტთან თამაშის დროს. იმ დროისთვის კანის მწვრთნელი იყო ლუის ფერნანდესი.
იმ დროისთვის ზიდანი 800 ფრანკს იღებდა ხელფასის სახით.
იუვენტუსი
რედაქტირება1992 წელს ზინედინ ზიდანი გადადის ბორდოში, ხოლო ევროპის 96 წლის ჩემპიონატის შემდეგ იუვენტუსში.
რეალ მადრიდი
რედაქტირება2001 წლის 9 ივლისი, რეალ მადრიდის ფანებისათვის ერთ-ერთი ღირსშესანიშნავი დღე. ამ დღეს რეალის საპატიო პრეზიდენტმა ალფრედო დი სტეფანომ ჟურნალისტების თანდასწრებით ზინედინ ზიდანს გადასცა 5 ნომრიანი მაისური.
ზიდანის გადასვლის შემდეგ კლუბში ისეთმა ვარსკლავებმა მოიყარეს თავი, როგორებიც არიან — რაულ გონსალესი, ლუიშ ფიგუ, რონალდო, დეივიდ ბეკჰემი, რობერტო კარლოსი.
შემდეგი წლები ზიდანი რეალ მადრიდთან ერთან შესანიშნავად თამაშობდა, 2003 წელს ის ესპანეთის ჩემპიონი ხდება. შემდეგ მადრიდის კლუბის ჩავარდის დროება იწყება,რაც ერთი მხრივ გამოწვეული იყო კლუბის პრეზიდენტის, ფლორენტინო პერესის, შეცდომით, მან მწვრთნელი დელ ბოსკე დაითხოვა და გუნდიდან ყველანაირი ახსნა-განმარტების სანაცვლოდ გაუშვა კლუბის იმ დროინდელი კაპიტანი ფერნანდო იერო.
ეროვნული ნაკრები
რედაქტირება1994 წლის 14 აგვისტოს შედგა ზიდანის დებიუტი ეროვნულ ნაკრებში, მაშინ ის შეცვლაზე შემოვიდა, საფრანგეთი ჩეხეთის ნაკრებს ეთამაშებოდა, ანგარიში 0-2 იყო ჩეხების სასარგებლოდ, ხოლო თამაშის დასრულებამდე 5 წუთი რჩებოდა, როდესაც ზიდანმა თავისი ცნობილი ცაციათი ჯერ ერთი, ხოლო ორ წუთში, თავით, მეორე გოლი გაუტანა ჩეხებს და თავის გუნდს ფრე მოუტანა.
2002 წლის მსოფლიო ჩემპიონატი ზიდანისა და კომპანიისთვის კრახით სრულდება, მაშინ ზიდანმა გადაწყვიტა წასულიყო ნაკრებიდან, მაგრამ საბოლოოდ ის დაუბრუნდა ნაკრებს.
2006 წლის მსოფლიო ჩემპიონატზე ზიდანი 34 წლის იყო. ეს ბოლო თამაში იყო ზინედინ ზიდანის კარიერაში. საფრანგეთის ნაკრებმა ის ფინალი თერთმეტრმეტრიანებში დათმო.
ზიდანი ფიფა-მ სამჯერ დაასახელა მსოფლიოს წლის ფეხბურთელად, ხოლო 1998 წელს France Football-მა ოქროს ბურთიც გადასცა.
კარიერა
რედაქტირება| პერიოდი | კლუბი | თამაში/გოლი | ტიტული | |
|---|---|---|---|---|
| 1988-92 | კანი | |||
| 1992-96 | ბორდო | ინტერტოტოს თასი | ||
| 1996-2001 | იუვენტუსი | იტალიის ჩემპიონი:1997, 1998 იტალიის სუპერ თასი:1997 ევროპის სუპერ თასი:1996 საკონტინენტთაშორისო თასი:1996 | ||
| 2001-2006 | რეალი | ესპანეთის ჩემპიონი:2003 ესპანეთის სუპერ თასი:2001, 2003 ჩემპიონთა ლიგა:2002 ევროპის სუპერ თასი:2002 საკონტინენტთაშორისო თასი:2002 | ||
| 1994-2006 | საფრანგეთი | 108/31 | მსოფლიოს ჩემპიონი:1998 მსოფლიო ვიცე-ჩემპიონი:2006 ევროპის ჩემპიონი: 2000 | |
| პირადი მიღწევები | ||||
| 1998, 2000, 2003 | ფიფას ვერსიით მსოფლიოს საუკეთესო ფეხბურთელი | |||
| 1998 | ევროპის საუკეთესო ფეხბურთელი | |||
| 2006 | მსოფლიო ჩემპიონატის საუკეთესო ფეხბურთელი | |||
| 1998 | ჟურნალ მსოფლიო ფეხბურთის ვერსიით წლის საუკეთესო ფეხბურთელი | |||
| 2000 | ევროპის ჩემპიონატის საუკეთესო ფეხბურთელი | |||
| 2002 | ჩემპიონთა ლიგის საუკეთესო ფეხბურთელი | |||
| 1998 | ჩემპიონთა ლიგის საუკეთესო ნახევარმცველი | |||
| 1997, 2000, 2001 | იტალიის ჩემპიონატის საუკეთესო უცხოელი ფეხბურთელი | |||
| 1998, 2002 | წლის საუკეთესო ფრანგი ფეხბურთელი | |||
| 1993 | საფრანგეთის საუკეთესო ახალგაზრდა ნახევარმცველი | |||
| 2004 | უეფას ოქროს საიუბილეო გამოკითხვა (ბოლო 50 წლის საუკეთესო ფეხბურთელი) | |||
სამწვრთნელო ტიტულები
რედაქტირება
რეალ მადრიდი:(11)
- ესპანეთის ლა ლიგა (2): 2016–17, 2019–20,
- ესპანეთის სუპერთასი (2): 2017, 2020
- უეფა-ს ჩემპიონთა ლიგა (3): 2015–16, 2016–17, 2017–18
- უეფა-ს სუპერთასი (2): 2016, 2017
- ფიფას საკლუბო მსოფლიო ჩემპიონატი (2): 2016, 2017
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „ზინედინ ზიდანი“ ვიკისაწყობში.- სტატია ზიდანზე ქართულ ბლოგში
სქოლიო
რედაქტირება- ↑ Placar's 100 Craques do Século · In November 1999, Placar (Brazil) published a list of the best 100 players of all time, ranked from 1 to 100 · 23 დეკემბერი, 2015. Karel Stokkermans for the Rec.Sport.Soccer Statistics Foundation. წაკითხვის თარიღი: 1 სექტემბერი, 2019.