ვოლგის ქაშაყი
ვოლგის ქაშაყი[1] (ლათ. Alosa volgensis) — თევზი ქაშაყისნაირთა რიგისა. ბინადრობს კასპიის ზღვაში, საქვირითოდ შედის მდინარეებში, ძირითადად ვოლგაში, აგრეთვე ურალში. ვოლგაში ადის ვოლგოგრადის კაშხლამდე, გარკვეული რაოდენობა თევზსატარებით გადადის ვოლგოგრადის წყალსაცავში. ადრე ადიოდა სამარამდე, მცირე რაოდენობა — ნიჟნი-ნოვგოროდამდეც კი. სიგრძე 39 სმ-მდე, საშუალოდ 28 სმ-ია, მასა 600 გრამამდე, საშუალოდ 250 გრამი. ტოფობს მაის-ივნისში. ქვირითი პელაგურია, განაყოფიერებული ქვირითის განვითარება მიმდინარეობს 40–45 საათის განმავლობაში (ამ დროს დინებას მიაქვს ქვემოთ). იკვებება კიბოსნაირებითა და თევზით. ძვირფასი სარეწაო თევზია, მაგრამ გამრავლების პირობების გაუარესების გამო რაოდენობა შემცირებულია.[2] შეტანილია რუსეთის წითელ წიგნში.[3]
| ვოლგის ქაშაყი | |||||||||||||||
|---|---|---|---|---|---|---|---|---|---|---|---|---|---|---|---|
 ყაზახეთის საფოსტო მარკაზე | |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Alosa volgensis (Berg, 1913) | |||||||||||||||
| სინონიმები | |||||||||||||||
| |||||||||||||||
| დაცვის სტატუსი | |||||||||||||||
 ძიება IUCN-ის ვებ-გვერდზე: ??? | |||||||||||||||
| |||||||||||||||
წყაროთა ერთი ნაწილი მიიჩნევს ქვესახეობად — Alosa kessleri volgensis,[2][3] მეორე კი — ცალკე სახეობად.[4]
სქოლიო
რედაქტირება- ↑ გოგმაჩაძე თ., თევზების ნომენკლატურა : ლექსიკონი, ბათუმი: გამომც. „აჭარა“, 2018. — გვ. 285, ISBN 978-9941-460-45-6.
- ↑ 2.0 2.1 Световидова А. А. Волжская сельдь // Большая советская энциклопедия. — 3-е изд., т. 5 — М., 1971. — стр. 304.
- ↑ 3.0 3.1 Волжская селдь Alosa kessleri volgensis ru. Красная книга России (3 თებერვალი, 2015). ციტირების თარიღი: 22 თებერვალი, 2024
- ↑ Froese, Rainer; Pauly, Daniel. Alosa volgensis (Berg, 1913) en. FishBase (2011). ციტირების თარიღი: 22 თებერვალი, 2024