ლადო კახაძე
ვლადიმერ (ლადო) კახაძე (დ. 28 ოქტომბერი, 1953, თბილისი) — ქართველი ექიმი, პოლიტიკოსი, ქ. თბილისის პირველი მოწვევის საკრებულოს თავმჯდომარე 1998-2002 წლებში, საქართველოს მე-9 და მე-10 მოწვევის პარლამენტის წევრი.
| ლადო კახაძე | |
| საქართველოს მე-10 მოწვევის პარლამენტის წევრი | |
|---|---|
| ამჟამინდელი თანამდებობა | |
| დაიკავა | 11 დეკემბერი, 2020 |
| პრეზიდენტი | სალომე ზურაბიშვილი |
| თანამდებობაზე ყოფნის დრო | |
| 27 ივნისი, 2019 – 11 დეკემბერი, 2020 | |
| პრეზიდენტი | სალომე ზურაბიშვილი |
| წინამორბედი | სალომე ზურაბიშვილი |
| თანამდებობაზე ყოფნის დრო | |
| 1998 – 2002 | |
| პრეზიდენტი | ედუარდ შევარდნაძე |
| წინამორბედი | თანამდებობა შეიქმნა |
| მემკვიდრე | მიხეილ სააკაშვილი |
| დაბადებული | 28 ოქტომბერი, 1953 თბილისი |
| მოქალაქეობა |  საქართველო |
| ეროვნება | ქართველი |
| პოლიტიკური პარტია | საქართველოს ლეიბორისტული პარტია (1998-2002) სახელმწიფო ხალხისთვის (2016-2018) ქართული ოცნება - დემოკრატიული საქართველო (2019-დღემდე) |
| საქმიანობა | ექიმი, პოლიტიკოსი |
ბიოგრაფია
რედაქტირებალადო კახაძე დაიბადა 1953 წლის 28 ოქტომბერს, თბილისში. 1978 წელს დაამთავრა თბილისის სახელმწიფო სამედიცინო ინსტიტუტის სამკურნაალო ფაკულტეტი. 1978-1979 წლებში იყო ექიმი-ინტერნი; 1979-1982 წლებში თბილისის სახელმწიფო სამედიცინო ინსტიტუტის სამკურნალო ფაკულტეტის მეანობა-გინეკოლოგიისა და სხივური დიაგნოსტიკის კათედრების კლინიკური ორდინატორი; 1982-1987 წლებში სტუდენტთა საკონსტრუქტორო სამეცნიერო-კვლევითი ბიუროს უფროსი ლაბორანტი.
1987-1992 წლებში საქართველოს დიაგნოსტიკის ცენტრის ულტრაბგერითი განყოფილების ხელმძღვანელი; 1993-1998 წლებში შპს სამედიცინო ფირმა „ლაფორტუნატოს" პრეზიდენტი.
1998-2002 წლებში გახდა თბილისის საკრებულოს თავმჯდომარე საქართველოს ლეიბორისტული პარტიიდან, თუმცა არჩევის შემდეგ მალევე დატოვა პარტია.[1]
2002-2006 წლებში სამედიცინო ფირმა „ლაფორტუნატის" კონსულტანტი; 2012 წლიდან კლინიკა „ოქსფორდ მედიქალ ჯორჯია"-ს ექიმი ექოსკოპისტი; 2015 წლიდან კლინიკა „აქსა მედიქალის" ექიმი რადიოლოგი. ეკუთვნის 1 საავტორო უფლება. არის სამეცნიერო ნაშრომების ავტორი.[2]
2016 წლის საპარლამენტო არჩევნების წინასაარჩევნო პერიოდში ლადო კახაძემ პაატა ბურჭულაძის პარტიას „სახელმწიფო ხალხისთვის“ 60 000 ლარი შესწირა და ამავე პარტიის სახელით კენჭი იყარა მთაწმინდის ოლქში, სადაც მხოლოდ 618 ხმა მიიღო.[1]
სალომე ზურაბიშვილის პრეზიდენტად არჩევისა და მის მიერ მთაწმინდის დეპუტატის უფლებამოსილების შეწყვეტის შემდეგ, 2019 წლის 25 მარტს ქართულმა ოცნებამ მთაწმინდის მაჟორიტარული ოლქის შუალედურ არჩევნებზე კანდიდატად წარადგინა.[1] ლადო კახაძის წარდგენისას საპარლამენტო უმრავლესობის წევრმა, მამუკა მდინარაძემ ყურადღება გაამახვილა იმაზე, რომ ლადო კახაძე „განსაკუთრებული კოლორიტულობით გამოირჩევა“.[3] პირველ ტურში მან ხმათა 41,01%, ხოლო მეორეში 61,83% მიიღო.[4][5]
ლადო კახაძე მთაწმინდის ოლქის პარლამენტის მაჟორიტარი დეპუტატის შუალედურ არჩევნებში მეორე ტურში გადავიდა, სადაც მიიღო 10 738 ხმა, რითაც ამომრჩეველთა 61,83%-ის მხარდაჭერა მოიპოვა და პირველი ადგილი დაიკავა.[6] 2019-2020 წლებში იყო საქართველოს მე-9 მოწვევის პარლამენტის წევრი (თბილისის მთაწმინდის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.[7]
რესურსები ინტერნეტში
რედაქტირება- ლადო კახაძე — საქართველოს ბიოგრაფიული ლექსიკონი
- ლადო კახაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
რედაქტირება- ↑ 1.0 1.1 1.2 საკრებულო ჩავაბარე და მალევე შევარდნაძესთან “მოადინა ტყაპანი” – ნათელაშვილი კახაძეზე
- ↑ თბილისის საკრებულოს თავმჯდომარე ლადო კახაძე. www.nplg.gov.ge. ციტირების თარიღი: 22 იანვარი, 2019.
- ↑ მდინარაძე: ლადო კახაძე განსაკუთრებული კოლორიტულობით გამოირჩევა
- ↑ პირველი ტურის შედეგები[მკვდარი ბმული]
- ↑ მეორე ტურის შედეგები. დაარქივებულია ორიგინალიდან — 2013-11-02. ციტირების თარიღი: 2019-06-13.
- ↑ თამარ ჟვანიამ 9 ივნისის არჩევნების წინასწარი შედეგები წარადგინა[მკვდარი ბმული]
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 19 დეკემბერი, 2020.