ერწოს უღელტეხილი
უღელტეხილი საქართველოში, შიდა ქართლის მხარეში
ერწოს უღელტეხილი — უღელტეხილი საქართველოში, შიდა ქართლის მხარეში, ჯავის მუნიციპალიტეტში. მდებარეობს რაჭის ქედზე, მდინარეების ფაწისა (ლიახვის მარჯვენა შენაკადი) და ყვირილის სათავეებთან. სიმაღლე ზღვის დონიდან 1790 მ.
| ერწოს უღელტეხილი | |
|---|---|
| კოორდინატები: 42°27′59″ ჩ. გ. 43°46′15″ ა. გ. / 42.466556° ჩ. გ. 43.77083° ა. გ. | |
| ქვეყანა |  საქართველო
|
| ტერიტორიული ერთეული | ჯავის მუნიციპალიტეტი |
| სიმაღლე | 1790 მ |
| ქედი | რაჭის ქედი |
| გამავალი გზა | საავტომობილო |
| აკავშირებს | შიდა ქართლი — რაჭა |
| ამგებელი ქანები | რიფული კირქვა, მერგელი და ბაიოსური პორფირიტი |
| ფლორა | წიფელი, არყი, დეკა და სუბალპური მდელო |
  | |
 | |
უღელტეხილის მიდამოები აგებულია მეზოზოური და მესამეული ინტენსიურად დანაოჭებული მასიური რიფული კირქვებით, მერგელებითა და ბაიოსური პორფირიტებით. შემოსილია სუბალპური მცენარეულობით (წიფელი და არყი; დეკა და სუბალპური მდელოები). ერწოზე გადადის გორი-ონის საავტომობილო გზა. ერწოს უღელტეხილი იკეტება მცირე დროით უხვთოვლიან ზამთარში.
ლიტერატურა
რედაქტირება- მარგველიანი გ., ენციკლოპედია „საქართველო“, ტ. 3, თბ., 2014. — გვ. 95.