ერტისი

ერტისი — სოფელი საქართველოში, თეთრიწყაროს მუნიციპალიტეტში (ბორბალოს ადმინისტრაციული ერთეული).

სოფელი
ერტისი
ქვეყანა	საქართველო
მხარე	ქვემო ქართლიქვემო ქართლის მხარე
მუნიციპალიტეტი	თეთრიწყაროს მუნიციპალიტეტი
თემი	ბორბალო
კოორდინატები	41°37′02″ ჩ. გ. 44°43′57″ ა. გ.
პირველი ხსენება	XVI საუკუნე
ცენტრის სიმაღლე	820 მ
მოსახლეობა	297 კაცი (2014)
ეროვნული შემადგენლობა	ქართველები 98 %
სასაათო სარტყელი	UTC+4
სატელეფონო კოდი	+995

მდებარეობს თრიალეთის ქედის სამხრეთ კალთაზე, მდინარე ბორბალოსხევის (ალგეთის აუზი) ნაპირზე, ზღვის დონიდან 820 მეტრზე. თეთრიწყაროდან დაშორებულია 35 კილომეტრით.

ისტორია

ერტისი წყაროებში XVI საუკუნიდან მოიხსენიება როგორც საგერმანოზაშვილო და საგოსტაშაბიშვილო სოფელი. XVIII საუკუნის ქართველ სწავლულს ვახუშტი ბატონიშვილს დატანილი აქვს რუკებზე და მოხსენიებული აქვს ქვემო ქართლის სოფლების სიაში. ისტორიული წყაროების მიხედვით დასახლებული იყო ქართვ. მოსახლეობით. შუა საუკუნეებიდან აღარაფერია შემორჩენილი.

ამჟამად სოფლის მახლობლად დგას წმ. გიორგის ერთნავიანი ეკლესია. როგორც მისი დასავლეთ კარიბჭის ზემოთ მოთავსებული მხედრული წარწერიდან (ამჟამად დაკარგულია) ირკვევა, აგებულია 1862 წელს, ძველი ეკლესიის ადგილზე, მისივე მასალის გამოყენებით. შიგნით რამდენიმე ისტორიული პირის საფლავია, რომელთა წარწერებიდან ჩანს, რომ ეკლესია თურქესტანიშვილების საძვალე ყოფილა. სოფლის ჩრდილოეთით, მაღალ ბორცვზე, გვიანდელი შუა საუკუნეების ერთნავიანი ეკლესიის ნანგრევია, სოფლის დასავლეთით — ნასოფლარი ტაგნაგეთი.

დემოგრაფია

2014 წლის აღწერის მონაცემებით სოფელში ცხოვრობს 297 ადამიანი.

აღწერის წელი	მოსახლეობა	კაცი	ქალი
2002	319	161	158
2014	297	155	142

ლიტერატურა

• ლორთქიფანიძე ი., ქვემო ქართლი XVIII საუკუნის I მეოთხედში, თბ., 1935.
• ციციშვილი ი., მატერიალური კულტურის ძეგლები ქვემო ქართლის ისტორიულ-არქეოლოგიური ექსპედიციის მასალების მიხედვით, «ძეგლის მეგობარი», 1980, №53. — გვ. 8–14.

• ენციკლოპედია „საქართველო“, ტ. 3, თბ., 2014. — გვ. ?.