ენდრონიკა

ენდრონიკა (ლათ. Galium) — ერთ- ან მრავალწლოვანი ბალახების, ზოგჯერ ბუჩქბალახების გვარი ენდროსებრთა ოჯახისა. თეთრი, ყვითელი ან ვარდისფერი პატარა ყვავილები შეკრებილია საგველა ყვავილედებად. ნაყოფი ორთესლიანი კაკლუჭაა.

ენდრონიკა
Galium odoratum
მეცნიერული კლასიფიკაცია
სამეფო:  მცენარეები ოჯახი:  ენდროსებრნი გვარი:  ენდრონიკა
ლათინური სახელი
Galium
სისტემატიკა ვიკისახეობებში სურათები ვიკისაწყობში ITIS   34796 NCBI   25168 EOL   29276 IPNI   34627-1 FW   322021

ენდრონიკა ევრაზიური გვარია. აერთიანებს 400-მდე სახეობას, რომელთაგან საქართველოში გვხვდება 28 სახეობა. იზრდება მდელოებზე, ველობებზე, ტყეებში, წყალსატევების ნაპირებზე, ზოგიერთი (ლათ. Galium grusinum) მთის ქსეროფიტების კომპონენტია.

ბევრი სახეობა თაფლოვანია და სამკურნალო თვისებები აქვს, ზოგი საღებავ ნივთიერებებს შეიცავს.

ლიტერატურა

• ხინთიბიძე ლ., ქართული საბჭოთა ენციკლოპედია, ტ. 4, თბ., 1979. — გვ. 154.