დედოფლისწყაროს მუნიციპალიტეტის სოფლების სია

დედოფლისწყაროს მუნიციპალიტეტი შედის კახეთის მხარის შემადგენლობაში. საქართველოს ადგილობრივი თვითმმართველობის კოდექსის მიხედვით მუნიციპალიტეტი არის თვითმმართველი ერთეული, რომელსაც აქვს ადმინისტრაციული საზღვრები და ადმინისტრაციული ცენტრი. მუნიციპალიტეტს გააჩნია არჩევითი წარმომადგენლობითი და აღმასრულებელი ორგანოები, რეგისტრირებული მოსახლეობა და აქვს საკუთარი ქონება, ბიუჯეტი, შემოსულობები. მუნიციპალიტეტი საჯარო სამართლის იურიდიული პირია.^[1] მუნიციპალიტეტს ხელმძღვანელობს მერი.

დედოფლისწყაროს მუნიციპალიტეტის მდებარეობა საქართველოს რუკაზე

მუნიციპალიტეტი მართვის ოპტიმიზაციისათვის დაყოფილია ადმინისტრაციულ ერთეულებად.^[2]

დედოფლისწყაროს მუნიციპალიტეტის შემადგენლობაში შედის 1 ქალაქი, 13 ტერიტორიული ორგანო და 15 სოფელი. დედოფლისწყაროს მუნიციპალიტეტის სოფლები ერთიანდებიან არბოშიკის, არხილოსკალოს, გამარჯვების, ზემო მაჩხაანის, ზემო ქედის, მირზაანის, ოზაანის, საბათლოს, სამთაწყაროს, სამრეკლოს, ფიროსმანის, ქვემო ქედისა და ხორნაბუჯის ადმინისტრაციულ ერთეულებში.^[3]

დედოფლისწყაროს მუნიციპალიტეტის ფართობია 2532 კმ² და 2014 წლის აღწერის მიხედვით მოსახლეობის რაოდენობა შეადგენს 21 221 კაცს, ხოლო სიმჭიდროვეა 8,4 კაცი.^[3] მუნიციპალიტეტის ცენტრია ქალაქი დედოფლისწყარო. 2014 წლის აღწერის მიხედვით მუნიციპალიტეტის ყველაზე დიდი სოფელი მოსახლეობის მიხედვით არის ხორნაბუჯი (2095 ადამიანი), დედოფლისწყაროდან ყველაზე დიდი მანძილით დაშორებულია სოფელი საბათლო (70 კმ.).

სოფლების სია

სახელწოდება	ფოტო	მოსახლეობა (2014)^[3]			ტერიტორიული ორგანო	მანძილი დედოფლისწყაროდან (კმ)
სახელწოდება	ფოტო	სულ	კაცი	ქალი	ტერიტორიული ორგანო	მანძილი დედოფლისწყაროდან (კმ)
არბოშიკი		1138	536	602	არბოშკის ტერიტორიული ორგანო	23
არხილოსკალო		980	490	490	არხილოსკალოს ტერიტორიული ორგანო	35
გამარჯვება		1010	481	529	გამარჯვების ტერიტორიული ორგანო	12
ზემო მაჩხაანი		1826	885	941	ზემო მაჩხაანის ტერიტორიული ორგანო	22
ზემო ქედი		1826	892	934	ზემო ქედის ტერიტორიული ორგანო	30
თავწყარო		80	42	38	ოზაანის ტერიტორიული ორგანო	20
მირზაანი		433	198	235	მირზაანის ტერიტორიული ორგანო	22
ოზაანი		833	403	430	ოზაანის ტერიტორიული ორგანო	18
საბათლო		391	196	195	საბათლოს ტერიტორიული ორგანო	70
სამრეკლო		1786	869	917	სამრეკლოს ტერიტორიული ორგანო	2
სამთაწყარო		1037	530	507	სამთაწყაროს ტერიტორიული ორგანო	48
ფიროსმანი		569	295	274	ფიროსმანის ტერიტორიული ორგანო	48
ქვემო ქედი		1153	584	569	ქვემო ქედის ტერიტორიული ორგანო	41
ჭოეთი		124	58	66	ხორნაბუჯის ტერიტორიული ორგანო	7
ხორნაბუჯი		2095	978	1117	ხორნაბუჯის ტერიტორიული ორგანო	2