დარჩეთი

დარჩეთი — სოფელი საქართველოში, გურჯაანის მუნიციპალიტეტში (არაშენდის ადმინისტრაციული ერთეული).

სოფელი
დარჩეთი
ქვეყანა	საქართველო
მხარე	კახეთის მხარეკახეთის მხარე
მუნიციპალიტეტი	გურჯაანის მუნიციპალიტეტი
თემი	არაშენდა
კოორდინატები	41°40′55″ ჩ. გ. 45°42′42″ ა. გ.
ცენტრის სიმაღლე	880 მ
მოსახლეობა	409 კაცი (2014)
ეროვნული შემადგენლობა	ქართველები 99,5 %
სასაათო სარტყელი	UTC+4
სატელეფონო კოდი	+995

მდებარეობს გომბორის ქედის სამხრეთ-დასავლეთ კალთაზე, ზღვის დონიდან 880 მ-ზე. გურჯაანიდან დაშორებულია 37 კმ-ით. 2014 წლის აღწერის მონაცემებით სოფელში ცხოვრობს 409 ადამიანი (ეთნიკურად ქართველები, 99%).

ისტორიულ წყაროებში სოფელი „დარჩიეთის“ სახელწოდება მოხსენიებული აქვს მე-18 საუკუნის ქართველ მეცნიერს და გეოგრაფს ვახუშტი ბატონიშვილს.

სოფელ დარჩეთში გავრცელებული გვარებია: რამაზაშვილი, გოგინაშვილი, ნადაშვილი, ჯიქურაშვილი და გოგილაშვილი.

სოფლის მთავარი დღესასწაული - „ევსტათობა“ 3 ოქტომბერს აღინიშნება.

დემოგრაფია

2014 წლის აღწერის მონაცემებით სოფელში ცხოვრობს 415 ადამიანი.

აღწერის წელი	მოსახლეობა	კაცი	ქალი
2002	537	268	269
2014	409	206	203

არქეოლოგია და არქიტექტურა

• დარჩეთის არქეოლოგიური ძეგლები
• დარჩეთის ნაეკლესიარი
• დარჩეთის წმინდა ესტატეს ეკლესია

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 1-I, თბ., 2013. — გვ. 72.

• ქართული საბჭოთა ენციკლოპედია, ტ. 3, თბ., 1978. — გვ. 388.