გომერის ქედი
გომერის ქედი — ქედი საქართველოში, ქვემო ქართლის მხარის თეთრიწყაროს მუნიციპალიტეტში.
| გომერის ქედი | |
|---|---|
| კოორდინატები: 41°33′34″ ჩ. გ. 44°26′56″ ა. გ. / 41.55944° ჩ. გ. 44.44889° ა. გ. | |
| ქვეყანა |  საქართველო
|
| ტერიტორიული ერთეული | თეთრიწყაროს მუნიციპალიტეტი |
| უმაღლესი წერტილი | 1800 |
| ამგებელი ქანები | კირქვა, მერგელი |
  | |
 | |
წარმოადგენს მდინარეების ალგეთისა (მტკვრის მარჯვენა შენაკადი) და ჭივჭავას (ხრამის მარცხენა შენაკადი) წყალგამყოფს, გამოეყოფა ბედენის ქედს სამხრეთი მიმართულებით. აგებულია ცარცული ვულკანოგენური ფაციესის კირქვებით, მერგელებით, იშვიათად — სხვადასხვა შედგენილობის ვულკანოგენური ქანებით. ჩრდილოეთ ნაწილში ქედის კალთები საკმაოდ დახრილი და დასერილია.
ქედის სიმაღლე ზღვის დონიდან 1800 მ-ს აღწევს, სამხრეთ-აღმოსავლეთით თანდათან დაბლდება (მთები გომერის მთა – 1458 მ და სამება – 1205 მ). დაფარულია ფართოფოთლოვანი ტყით.
ლიტერატურა რედაქტირება
- უკლება დ., ენციკლოპედია „საქართველო“, ტ. 2, თბ., 2012. — გვ. 92.