გვაშტიბი

გვაშტიბი — სოფელი საქართველოში, ხონის მუნიციპალიტეტში (ძეძილეთის ტერიტორიული ერთეული). მდებარეობს იმერეთის ჩრდილოეთ ბორცვიან მთისწინეთში, მდინარე ცხენისწყლის მარცხენა ნაპირას. ზღვის დონიდან 360 მ-ზე, ხონიდან დაშორებულია 16 კმ-ით. მოსახლეობა 68 ადამიანი (2014).

სოფელი
გვაშტიბი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ხონის მუნიციპალიტეტი
თემი	ძეძილეთი
კოორდინატები	42°24′49″ ჩ. გ. 42°32′50″ ა. გ.
პირველი ხსენება	1651
ადრეული სახელები	გვასტიბე
ცენტრის სიმაღლე	360 მ
მოსახლეობა	68 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

ისტორია

გვაშტიბი წყაროებში პირველად იხსენიება XVII საუკუნიდან. ვახუშტი ბატონიშვილის მიერ შედგენილ რუკაზე (1743) გვაშტიბი და გვაშტიბის ციხე აღნიშნულია „გვასტიბეს“ სახელით. ციხე ლორთქიფანიძეთა საგვარეულოს ეკუთვნოდა, ერთხანს იმერთა მეფე სოლომონ II-ს (1789-1810) ეკავა. XVIII საუკუნის მოგზაური იოჰან გიულდენშტედტი გვაშტიბის ციხეს შეცდომით გვიშტიბის სახელით იხსენიებს.

ციხე აშენებულია მაღალ, ციცაბო კირქვიან ნაპირზე. ნაგებია ფლეთილი და რიყის ქვით. გვაშტიბის ციხე გეგმით მართკუთხაა, შედგებოდა გალავანთან შეერთებული ორი კოშკისაგან და ეკავა 300 მ^² ფართობი. ციხის ეზოში იყო აუზი. მისგან მხოლოდ ნანგრევებიღაა შემორჩენილი. არქეოლოგიურად შეუსწავლელია.

სოფლის სასაფლაოს ტერიტორიაზე დგას წმინდა გიორგის სახელობის დარბაზული ეკლესია (XVII საუკუნე, აღდგენილია 2020).

დემოგრაფია

2014 წლის აღწერის მონაცემებით სოფელში ცხოვრობს 68 ადამიანი.

აღწერის წელი	მოსახლეობა	კაცი	ქალი
2002	158	86	72
2014	68	35	33

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 138.

• ბერაძე თ., ენციკლოპედია „საქართველო“, ტ. 1, თბ., 1997. — გვ. ?.

• ქართლის ცხოვრების ტოპოარქეოლოგიური ლექსიკონი, გვ. 143, თბ., 2013 წელი.