კუკუ-იამანი
(გადამისამართდა გვერდიდან ბჰარალი)
კუკუ-იამანი, ნახური (ლათ. Pseudois nayaur) — წყვილჩლიქოსანი ცხოველი ძროხისებრთა ოჯახისა. ახასიათებს თხისა და ცხვრის ნიშნები. მისი სხეულის სიგრძე 140 სმ აღწევს, სიმაღლე მინდაოში 90 სმ-მდე, წონა 73 კგ-მდე. მამლებს მოხრილი, გვერდით გადახრილი რქები აქვს, რომელთა სიგრძეა 80 სმ. დედლებს პატარა რქები აქვს. მურა-რუხი შეფერილობისაა, დაჰკრავს მოცისფრო ელფერი. მუცელი და ფეხები ნაწილობრივ თეთრია. გავრცელებულია ცენტრალური აზიის მაღალმთიანეთებში, ადის ზღვის დონიდან 3500-5000 მ სიმაღლეზე. გვხვდება ჩინეთში, მონღოლეთში, ნეპალსა და ქაშმირში. უპირატესობას ანიჭებს მთათა ციცაბო კლდოვან მონაკვეთებს. ცხოვრობს ჯოგებად. იკვებება ბალახით. შეწყვილება ხდება სექტემბერში. ნაშიერს შობს გაზაფხულზე. ნადირობის ობიექტია. იყენებენ მის ტყავს, ხორცს.
| კუკუ-იამანი | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 კუკუ-იამანი | |||||||||||||||||
| მეცნიერული კლასიფიკაცია | |||||||||||||||||
| |||||||||||||||||
| ლათინური სახელი | |||||||||||||||||
| Pseudois nayaur | |||||||||||||||||
| დაცვის სტატუსი | |||||||||||||||||
 IUCN 3.1 Least Concern : 61513537 | |||||||||||||||||
| |||||||||||||||||
რესურსები ინტერნეტში
რედაქტირება- კუკუ-იამანი — სტატია დიდი რუსული ენციკლოპედიიდან (რუსული)