ამტყელის ტბა
ამტყელი, აზანთა[1] — ტბა საქართველოში, გულრიფშის მუნიციპალიტეტში. მდებარეობს მდინარე ამტყელის ხეობაში, ზღვის დონიდან 507 მ სიმაღლეზე. ზედაპირის ფართობი 0,58 კმ², აუზის ფართობი 153 კმ², საშუალო სიღრმე 29,6 მ, მაქსიმალური სიღრმე 64 მ.[2] წლის განმავლობაში წყლის დონის მკვეთრი მერყეობის გამო (30–35 მ) ცვალებადია ტბის ზედაპირის ფართობი და სიღრმე. ამტყელის ტბა წარმოიშვა 1891 წლის 3 ოქტომბერს, როდესაც მთა პატარა შხაპაჭის ფერდობის ჩამოქცევის შედეგად აქ გზა ჩაეხერგა მდინარე ამტყელს. ამტყელი საზრდოობს თოვლითა და წვიმით. წყლის დონე მაღალია გაზაფხულის ბოლოსა და ზაფხულის დასაწყისში, დაბალია — ზამთარში. ტბას ერთვის მდინარე ამტყელი. ამტყელის წყალი ცივია, ზაფხულობით ზედაპირზე მისი ტემპერატურაა 18–20 °C, ფსკერთან 5 °C. იყინება მხოლოდ სუსხიან ზამთარში. ამტყელში ბინადრობს კალმახი, ჩვეულებრივი წვერა, ტობი, ფრიტა და სხვა თევზი.[3]
| ამტყელის ტბა | |
|---|---|
| |
| კოორდინატები: 43°05′42″ ჩ. გ. 41°17′54″ ა. გ. / 43.0951056° ჩ. გ. 41.298417° ა. გ. | |
| მდებარეობა |  საქართველო
|
| ტერიტორიული ერთეული | გულრიფშის მუნიციპალიტეტი |
| სიმაღლე ზღვის დონიდან | 507 მ |
| ფართობი | 0,58 კმ² |
| საშუალო სიღრმე | 29,6 მ |
| მაქსიმალური სიღრმე | 64 მ |
| აუზის ფართობი | 153 კმ² |
  | |
 | |
სქოლიო
რედაქტირება- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 18.
- ↑ Апхазава И. С. Озера Грузии. Тбилиси: Мецниереба, 1975. 181 с.
- ↑ აფხაზავა ი., ენციკლოპედია „საქართველო“, ტ. 1, თბ., 1997. — გვ. 138.