ამტყელი

ამტყელი — მდინარე აფხაზეთის ავტონომიურ რესპუბლიკაში, სიგრძე 39 კმ, აუზის ფართობი 398 კმ². სათავე აქვს ჩხალთის ქედის დასავლეთ ნაწილში, ამტყელის უღელტეხილთან. ზემო დინება ტროგულ ხეობაში მიედინება, შემდეგ კი ღრმა და ვიწრო ხეობაში. ერთვის ამტყელის ტბას, საიდანაც მიწისქვეშა გზით გაედინება. ამტყელი (სიგრძე 10 კმ-მდე), რომელიც მდინარე კოდორის მახლობლად გამოდის მიწის ზევით, მარცხნიდან იერთებს მდინარე ჯამპალს და იქვე ერთვის კოდორს.

ამტყელი
ქვეყანა	საქართველო
სათავე	ჩხალთის ქედი 43°15′54″ ჩ. გ. 41°19′56″ ა. გ.
შესართავი	ამყტელის ტბა 43°05′54″ ჩ. გ. 41°17′53″ ა. გ.
სიგრძე	39 კმ
აუზის ფართობი	398 კმ²

ამტყელი საზრდოობს თოვლის, წვიმისა და მიწისქვეშა წყლებით. წყალდიდობა გაზაფხულზე და ზაფხულის დამდეგს იცის, წყალმცირობა — ზამთარში.

ლიტერატურა

• აფხაზავა ი., ქართული საბჭოთა ენციკლოპედია, ტ. 1, გვ. 409, თბ., 1975 წელი.