0-იანები

0-იანი (ნულიანი) წლები, ასევე ცნობილი, როგორც 0-იანები — გრიგორიანული კალენდრის ათწლეული, რომელიც დაიწყო 1 წლის 1 იანვარს და დასრულდა 9 წლის 31 დეკემბერს.

ათასწლეული:	I
საუკუნე:	ძვ.წ. I – I – II
ათწლეული:	ძვ. წ. 20-იანები ძვ. წ. 10-იანები ძვ. წ. 0-იანები – 0-იანები – 10-იანები 20-იანები 30-იანები
წლები:	1 · 2 · 3 · 4 5 · 6 · 7 · 8 · 9

მოვლენები

---

სარჩევი: 1 2 3 4 5 6 7 8 9

1

რომის იმპერია

• ტიბერიუსი, ავგუსტუსის ბრძანებით, გერმანიაში აჯანყებას ახშობს (1-5)
• გაიუს კეისარი და ლუციუს აემილიუს პაულუსი კონსულებად დაინიშნენ.
• ქირინიუსი გაიუსის მთავარი მრჩეველი გახდა არმენიაში.
• აქვა ალსიენტას აკვედუკი აშენდა.
• აბრეშუმი გამოჩნდა რომში.

აზია

• იუანშის ერა დაიწყო ჩინეთის ხანის დინასტიაში.
• კონფუცის მისი პირველი სამეფო წოდება მიენიჭა.
• ყოფილი რეგენტი დონ სიანი სიცოცხლეს თვითმკვლელობით ასრულებს.

აფრიკა

• დაარსდა აკსუმის სამეფო, თანამედროვე ეთიოპიისა და ერიტრეის ტერიტორიაზე.
• კუშების დედოფალი ამანიშახეტო გარდაიცვალა. მისი ვაჟი, ნატაკამანი კუშების მეფე გახდა.

2

რომის იმპერია

• გაიუს კეისარი ევფრატეზე ხვდება პართიის მეფე ფრაატ V-ს. ქვეყანაში შეჭრის ნაცვლად გაიუსი პართიელებთან სამშვიდობო ხელშეკრულებას დებს, ხოლო პართია ცნობს რომის უფლებებს არმენიაზე.
• პუბლიუს ალფენუს ვარუსი და პუბლიუს ვინიციუსი რომის კონსულები ხდებიან.

აფრიკა

• მავრიტანიის მეფე ჯუბა II გაიუს კეისარს უერთდება სომხეთში, როგორც სამხედრო მრჩეველი. ამ პერიოდში ხვდება ის გლაფირას, კაბადოკიელ დედოფლისწულს, ალექსანდროს იუდეველის ყოფილ ცოლს, და უყვარდება იგი.

აზია

• პირველი ცენზი დასრულდა ჩინეთში ერთი წლის წინ დაწყების შემდეგ: შედეგების მიხედვით მოსახლეობამ თითქმის 60 მილიონი შეადგინა (12 მილიონზე ოდნავ მეტ კომლში). ეს აღწერა ერთ-ერთი ყველაზე აკურატული საყოველთაო აღწერაა ჩინეთის ისტორიაში.
• ჩინეთის მოსახლეობის აღწერის შედეგებით ვიეტნამში ერთი მილიონი მოსახლე დაფიქსირდა.

3

რომის იმპერია

• ავგუსტუსის მმართველოს 10-წლიანი პერიოდით განახლდა.
• ავგუსტუსმა იშვილა საკუთარი შვილიშვილი გაიუს კეისარი, იმ იმედით, რომ ის ტახტის მემკვიდრე გახდებოდა. გაიუსი პროკონსულად დანიშნეს და აღმოსავლეთში გაგზავნეს სპეციალური მისიით.

ევროპა

• მარბოდმა ხუთი გერმანული ტომი გააერთიანა (შემდგომში სილიზია და საქსონია გახდა), რაც პირდაპირ საშიშროებას უქმნის რომს.

აზია

• მეფე იური გოგურიეოელს დედაქალაქი ჯოლბონის ციხიდან გუნგნაეს სიმაგრეში გადააქვს.

4

რომის იმპერია

• იმპერატორი კეისარ ავგუსტუსი ტიბერიუსს რომში იწვევს და მას საკუთარ მემკვიდრედ და მომავალ იმპერატორად აცხადებს.
• ტიბერიუსი ასევე აცხადებს გერმანიკუსს საკუთარ მემკვიდრედ.
• სექსტუს აელიუს კატუსი კონსული გახდა.
• აგრესიაზე უარის თქმისა და მეგობრობის პაქტს მოაწერეს ხელი რომის იმპერიამ (ტიბერიუსის წარმომადგენლობით) და გერმანიის ტომმა ჩერუსკიმ (მეფე ზეგიმერის წარმომადგენლობით). არმინიუსი და ფლავუსი (ზეგიმერის ვაჟები) რომის არმიაში მოიყვენეს გარე ჯარების მეთაურებად.
• მარკუს პლაუტიუს სილვანუსი აზიის პროკონსულად დანიშნეს.

ახლო აღმოსავლეთი

• პართიის მეფე ფრაატაკესი და დედოფალი მუზა მოკლეს. სამეფო გვირგვინი შესთავაზეს ოროდეს III-ს.

6

• იუდეა და მეზია რომის იმპერიის პროვინციები გახდა.
• ქვირინიუსი სირიის მმართველი გახდა და (იოსებ ფლავიუსის ცნობით) მოსახლეობის აღწერა ჩაატარა.
• თანამედროვე ვისბადენის ადგილას რომაული ციხე აიგო. წაიმოიშვა ქალაქი.

7

• პანონიასა და დალმაციაში ილირიელები რომის ხელისუფლების წინააღმდეგ აჯანყდნენ.
• ავგუსტუსმა ჰეროდ არქელაუსი იუდეის ეთნარქის თანამდებობიდან მოხსნა.
• ვონონ I პართიის მეფე გახდა.

8

• 3 აგვისტო : რომის გენერალი ტიბერიუსი ამარცხებს დალმატიელებს მდინარე ბათინუსთან.

9

• ილირია რომის პროვინციად იქცა აჯანყების ჩახშობის შედეგად.
• ტევტობურგის ტყის ბრძოლა : მდინარე რაინი დაწესდა საზღვრად ლათინურ- და გერმანულენოვან სამყაროთა შორის, რომის არმიის დამარცხების შემდეგ.
• პანონია (თანამედროვე უნგრეთი) რომის მმართველობის ქვეშ მოექცა.
• ქორწინებების რიცხვისა და მოსახლეობის ზრდისთვის რომში მიიღეს Lex Papia Poppaea, რომლის მიხედვით უკანონოდ იქნა ცნობილი უცოლობა და უშვილო კავშირი.