ხუვენტუდი
ხუვენტუდი (ესპ. Isla de la Juventud) — კუნძული კარიბის ზღვაში. ეკუთვნის კუბას, რომლისგანაც დაშორებულია 100 კილომეტრით. მოქცეულია კარიბის ზღვისა და ბატაბანოს ყურეს შორის. შედის ლოს-კანარეოსის არქიპელაგის შემადგენლობაში. ფართობი 2204 კმ²,[1] სიგრძე 70 კმ, სიმაღლე 310 მ. 2009 წლის მონაცემებით კუნძულზე ცხოვრობს 86.256 ადამიანი. მთავარი ქალაქია ნუევა-ხერონა.
 | |
| გეოგრაფია | |
|---|---|
| მდებარეობა | კარიბის ზღვა |
| კოორდინატები | 21°45′ ჩ. გ. 82°51′ დ. გ. / 21.750° ჩ. გ. 82.850° დ. გ. |
| ფართობი | 2204 კმ² |
| სიგრძე | 70 კმ |
| სიგანე | 55 კმ |
| უმაღლესი წერტილი | 310 მ |
| დემოგრაფია | |
| მოსახლეობა | 86.256 |
კუნძულის ჩრდილოეთი ნაწილი ბორცვიანია, სადაც გაბატონებულია ფიჭვის ტყეები და სავანები. აქვე მოიპოვება მარმარილო და კაოლინი. სამხრეთი ნახევარი მაღლა აზიდული დაბლობებია. განვითარებულია კარსტი.[2] თავდაპირველად კუნძულს ეწოდებოდა პინოსი (ისლა-დე-პინოსი), ხოლო 1978 წელს სახელი შეეცვალა და ეწოდა ხუვენტუდი. კოლუმბამდელი ისტორიის შესახებ ცოტა რამ არის ცნობილი. ერთ-ერთ მღვიმეში შემორჩენილია 235 უძველესი ხელნაწერი, რომელიც ადგილობრივ მოსახლეობას მიეწერება. ევროპელებისთვის ხუვენტუდი ცნობილი გახდა მას შემდეგ, რაც კუნძული აღმოაჩიანა ქრისტეფორე კოლუმბმა 1498 წელს. 1904 წლის ხელშეკრულების საფუძველზე ხუვენტუდი მოექცა კუბის სუვერენიტეტის ქვეშ, რომლის რატიფიცირება საბოლოოდ აშშ-მ მოახდინა 1925 წელს.
ხუვენტუდის ეკონომიკის საფუძველია სოფლის მეურნეობა და თევზჭერა. მოჰყავთ ციტრუსები და ხილი. ვულკანური აქტივობის ხარჯზე სანაპიროებზე ჩამოყალიბებულია შავი ქვიშის პლაჟი. კლიმატი ტროპიკულია, რბილი. ხშირია ქარიშხალი. კუნძული კეთილმოწყობილია. განვითარებულია ტურიზმი. კუნძულზე მისვლა შესაძლებელია გემით ან თვითმფრინავით.
ქალაქ ნიევა-ხერონას სიახლოვეს მდებარეობს ნაციონალური გამოსასწორებელი ციხე, სადაც 1953-1955 წწ. დაპატიმრებული იყო ფიდელ კასტრო.
რესურსები ინტერნეტში რედაქტირება
- ხუვენტუდი — ენციკლოპედია ბრიტანიკა (ინგლისური)
- ხუვენტუდი დაარქივებული 2010-05-21 საიტზე Wayback Machine. (ინგლისური)
- ხუვენტუდი დაარქივებული 2011-11-26 საიტზე Wayback Machine. (ესპანური)
სქოლიო რედაქტირება
- ↑ Extension area, population and density, year 2006. დაარქივებულია ორიგინალიდან — 2009-06-20. ციტირების თარიღი: 2011-12-03.
- ↑ (რუსული) დიდი საბჭოთა ენციკლოპედია