ხუბიარა

ხუბიარა — მთა საქართველოში, კახეთის მხარეში, ყვარლის მუნიციპალიტეტში. მდებარეობს კავკასიონის მთავარი ქედის მთავარ თხემზე, მდინარეების ჩელთისა (ალაზნის მარცხენა შენაკადი) და სიმურის (ავარიის ყოისუს მარცხენა შენაკადი) წყალგამყოფზე, საქართველოსა და რუსეთის დაღესტნის საზღვარზე. სიმაღლე ზღვის დონიდან 3104 მ. აგებულია ლიასური თიხაფიქლებითა და ქვიშაქვებით. მთის ჩრდილოეთ და აღმოსავლეთ კალთებზე რელიეფი მკაცრია, სამხრეთ და დასავლეთზე — შედარებით ნაზი. ხუბიარაზე შემორჩენილია მყინვარული ფორმები. შემოსილია ალპური ბალახმცენარეულობით.

ხუბიარა
ხუბიარის (ცენტრში) ხედი თელავიდან
კოორდინატები: 42°06′57″ ჩ. გ. 45°48′15″ ა. გ.
ქვეყანა	საქართველო  რუსეთი
ტერიტორიული ერთეული	კახეთის მხარე დაღესტანი
სიმაღლე	3104 მ
ქედი	კახეთის კავკასიონი
ამგებელი ქანები	თიხაფიქალი და ქვიშაქვა
სურათები ვიკისაწყობში

ლიტერატურა

• ჩანგაშვილი გ., ქართული საბჭოთა ენციკლოპედია, ტ. 11, თბ., 1987. — გვ. 512.