ჭანისწყალი
ჭანისწყალი (მეგრ. წენწყარი) — მდინარე დასავლეთ საქართველოში. სამეგრელო-ზემო სვანეთის მხარის წალენჯიხის, ჩხოროწყუსა და ხობის მუნიციპალიტეტების ტერიტორიაზე. ხობისწყალის მარჯვენა შენაკადი. სათავე აქვს ეგრისის ქედის სამხრეთ კალთაზე, ზღვის დონიდან 1960 მ სიმაღლეზე.[1] ჭანისწყლის სათავეს წარმოადგენს მდინარე წენწყარი.[2] სიგრძე 63 კმ, აუზის ფართობი 315 კმ². საზრდოობს წვიმის, თოვლისა და მიწისქვეშა წყლით. წყალდიდობა იცის გაზაფხულზე, წყალმცირობა — ზამთარში.
| ჭანისწყალი | |
|---|---|
 ჭანისწყალი | |
| ქვეყანა |
 საქართველო |
| ტერიტორიული ერთეულები | სამეგრელო-ზემო სვანეთის მხარე |
| მარჯვენა შენაკადები | ინწრა |
| მარცხენა შენაკადები | აბანოსღელე |
| სათავე |
ეგრისის ქედი 42°40′55″ ჩ. გ. 42°09′35″ ა. გ. / 42.68194° ჩ. გ. 42.15972° ა. გ. |
| სათავის სიმაღლე | 1960 მ |
| შესართავი |
ხობისწყალი 42°21′55″ ჩ. გ. 41°54′49″ ა. გ. / 42.36528° ჩ. გ. 41.91361° ა. გ. |
| სიგრძე | 63 კმ |
| აუზის ფართობი | 315 კმ² |
| მდინარის სისტემა | ხობისწყალი → შავი ზღვა |
| წყლის ხარჯი (საშ.) | 14,5 მ³/წმ |
     — სათავე,  — შესართავი | |
 ჭანისწყალი ვიკისაწყობში | |
მარჯვენა შენაკადებიდან აღსანიშნავია მდინარე ინწრა, ხოლო მარცხენა შენაკადებიდან — მდინარე აბანოსღელე. ამ უკანასკნელის ხეობაში მდებარეობს სულფატურ-ქლორიდული ნატრიუმ-კალციუმიანი სამკურნალო მინერალური წყალი სქური.[3] ჭანისწყალის ნაპირებზე გაშენებულია მრავალი დასახლებული პუნქტი, მათ შორის წალენჯიხის მუნიციპალიტეტის ადმინისტრაციული ცენტრი ქალაქი წალენჯიხა. ჭანისწყლის მარცხენა ნაპირზე მდებარეობს შუა საუკუნეების ციხესიმაგრე სკურის ციხე. საშუალო წლიური ხარჯი შესართავთან 14,5 მ³/წმ.[1]
გალერეა
რედაქტირება
სქოლიო
რედაქტირება- ↑ 1.0 1.1 აფხაზავა, ი., ქართული საბჭოთა ენციკლოპედია, ტ. 11, თბ., 1987. — გვ. 382.
- ↑ წენწყარი — უნივერსალური ენციკლოპედიური ლექსიკონი
- ↑ უშვერიძე, გ., ჩიჩუა ტ., ქართული საბჭოთა ენციკლოპედია, ტ. 9, თბ., 1985. — გვ. 624.