წიწინაური

წიწინაური (ლათ. Polygala) — მცენარეთა გვარი წიწინაურისებრთა ოჯახისა.

წიწინაური
ჩვეულებრივი წიწინაური (Polygala vulgaris)
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ორლებნიანნი რიგი:  პარკიანები ოჯახი:  წიწინაურისებრნი გვარი:  წიწინაური
ლათინური სახელი
Polygala (L., 1753)
სინონიმები
Acanthocladus (Klotzsch ex Hassk.) Badiera (DC.) Phlebotaenia (Griseb.)
სისტემატიკა ვიკისახეობებში სურათები ვიკისაწყობში ITIS   29302 NCBI   4275 EOL   39948469 GRIN   g:9707 IPNI   330512-2

აღწერა

სენეგა (Polygala senega). ბოტანიკური ილუსტრაცია წიგნიდან Köhler’s Medizinal-Pflanzen, 1887.

მრავალწლოვანი, იშვიათად ერთწლოვანი ბალახები და ნახევრად ბუჩქებია. აქვთ მორიგეობით განლაგებული ფოთლები, ყვავილები — არასწორი, სხედან მტევანში.

გავრცელება

600-მდე სახეობა გავრცელებულია მთელ დედამიწაზე. საქართველოში გვხვდება 19, მათ შორის 4 — კავკასიის (P. Sosnowskyi, P. mariamae, P. transcaucasica, P. caucasica), 2 კი (P. albovii, P, Imakaschwilii) — საქართველოს ენდემია.

გამოყენება

ამ გვარის ზოგიერთი სახეობა (მაგ., P. senega) სამკურნალოა, იხმარება გველის ნაკბენის საწინააღმდეგოდ, ოფლ- და შარდმდენ საშუალებად; წვრილფოთოლა (P. tenuifolia) და ციმბირული წიწინაურის (P. sibirica) ფესვები შეიცავენ საპონიმებს, რომელთაგან დამზადებული ნახარში ამოსახველებელ საშუალებად გამოიყენება.

ლიტერატურა

• ხინთიბიძე ლ., ქართული საბჭოთა ენციკლოპედია, ტ. 11, თბ., 1987. — გვ. 335.