წიო
მთა საქართველოში, კახეთის მხარეში
წიო — მთა აღმოსავლეთ საქართველოში, კახეთის მხარეში, ახმეტის მუნიციპალიტეტში. მდებარეობს თუშეთში, მაკრატელას ქედის შუა მონაკვეთის თხემზე, მდინარეების თუშეთის ალაზნისა და პირიქითის ალაზნის წყალგამყოფზე. სიმაღლე ზღვის დონიდან 3380 მ. აგებულია ლიასური ასპიდური თიხაფიქლებით, აგრეთვე ქვიშაქვებით. ჩრდილოეთი და სამხრეთი კალთები ციცაბოა, აღმოსავლეთი და დასავლეთი შედარებით დამრეცი. წიოზე გვხვდება მყინვარული ფორმები. შემოსილია სუბალპური და ალპური ბალახეულით.
| წიო | |
|---|---|
| კოორდინატები: 42°27′56″ ჩ. გ. 45°28′58″ ა. გ. / 42.46556° ჩ. გ. 45.48278° ა. გ. | |
| ქვეყანა |  საქართველო
|
| ტერიტორიული ერთეული | ახმეტის მუნიციპალიტეტი |
| სიმაღლე | 3380 მ |
| ქედი | მაკრატელას ქედი |
| ამგებელი ქანები | თიხაფიქალი და ქვიშაქვა |
  | |
 | |
ლიტერატურა
რედაქტირება- ჩანგაშვილი გ., ქართული საბჭოთა ენციკლოპედია, ტ. 11, თბ., 1987. — გვ. 331.