წითელი მთა
მთა საქართველოში, რაჭა-ლეჩხუმისა და ქვემო სვანეთის მხარეში
წითელი მთა — მთა საქართველოში, რაჭა-ლეჩხუმისა და ქვემო სვანეთის მხარეში, ონის მუნიციპალიტეტში. მდებარეობს რაჭის კავკასიონის მთავარი ქედის სამხრეთ კალთაზე, მდინარეების ჭანჭახისა (რიონის მარცხენა შენაკადი) და ბუბისწყლის (ჭანჭახის მარჯვენა შენაკადი) წყალგამყოფზე. სიმაღლე ზღვის დონიდან 2691 მ. აგებულია პალეოზოური ასაკის კრისტალური ქანებით. გუმბათისებრია. მთის ჩრდილოეთ კალთა ციცაბო და კლდოვანია, აღმოსავლეთი და სამხრეთი — დამრეცი. წითელი მთა შემოსილია ალპური ბალახეულით.
წითელი მთა | |
---|---|
კოორდინატები: 42°42′17″ ჩ. გ. 43°43′51″ ა. გ. / 42.70472° ჩ. გ. 43.73083° ა. გ. | |
ქვეყანა | საქართველო |
ტერიტორიული ერთეული | ონის მუნიციპალიტეტი |
სიმაღლე | 2691 მ |
ქედი | რაჭა-ლეჩხუმის კავკასიონი |
ლიტერატურა რედაქტირება
- ქართული საბჭოთა ენციკლოპედია, ტ. 11, თბ., 1987. — გვ. 318.