ცაშიკიბული

ცაშიკიბული, ცაცკიბალი — კლდოვანი მთა საქართველოში, სამეგრელო-ზემო სვანეთის მხარეში, წალენჯიხისა და ჩხოროწყუს მუნიციპალიტეტების ადმინისტრაციულ საზღვარზე. მდებარეობს ეგრისის ქედის სამხრეთ შტოქედზე, მდინარეების დიდიღელისა (ხობისწყლის მარჯვენა შენაკადი) და მაგანის (ენგურის მარცხენა შენაკადი) სათავეებში. სიმაღლე ზღვის დონიდან 3017 მ. ცაშიკიბული აგებულია ინტენსიურად დანაოჭებული იურული (ბაიოსური) ვულკანოგენური წყებებით — პორფირიტებით, მათი ტუფებითა და ტუფ-ბრექჩიებით. დამახასიათებელია ალპური ლანდშაფტი.

ცაშიკიბული
კოორდინატები: 42°45′23″ ჩ. გ. 42°15′25″ ა. გ.
ქვეყანა	საქართველო
ტერიტორიული ერთეული	წალენჯიხის მუნიციპალიტეტი ჩხოროწყუს მუნიციპალიტეტი
სიმაღლე	3017 მ
ქედი	ეგრისის ქედი
ლანდშაფტი	ალპური
ამგებელი ქანები	პორფირიტი, მისი ტუფი და ტუფ-ბრექჩია

ლიტერატურა

• ჯაყელი ქ., ქართული საბჭოთა ენციკლოპედია, ტ. 11, თბ., 1987. — გვ. 188.