ბორის აკუნინი

ბორის აკუნინი (ნამდვილი სახელი და გვარი გრიგორი შალვას ძე ჩხარტიშვილი; დ. 20 მაისი, 1956, ზესტაფონი, საქართველო) — მწერალი, იაპონისტი და მთარგმნელი. მხატვრულ ნაწარმოებს აქვეყნებს ბორის აკუნინის ფსევდონიმით.

ბორის აკუნინი
დაბადების თარიღი	20 მაისი, 1956(1956-05-20) (67 წლის)
დაბადების ადგილი	ზესტაფონი ან თბილისი
ფსევდონიმი	Борис Акунин, Анатолий Брусникин და Анна Борисова
საქმიანობა	მწერალი, მთარგმნელი, ისტორიკოსი, სამეცნიერო ფანტასტიკოსი მწერალი, საბავშვო მწერალი, დრამატურგი, ლიტერატურათმცოდნე, საზოგადო მოღვაწე, მთავარი რედაქტორი, japanologist , man of letters და ლიტერატურული კრიტიკოსი
ენა	რუსული ენა
მოქალაქეობა	სსრკ  რუსეთი
ალმა-მატერი	მოსკოვის აზიისა და აფრიკის ქვეყნების ინსტიტუტი
ჟანრი	დეტექტივი, historical fiction და ისტორიული ლიტერატურა
Magnum opus	ერასტ ფანდორინის თავგადასავლები
ჯილდოები	ამომავალი მზის მე-4 ხარისხის ორდენი
საიტი	akunin.ru
ბორის აკუნინი ვიკისაწყობში

ბიოგრაფია

დაიბადა 1956 წლის 20 მაისს ზესტაფონში, საქართველოში, ოფიცერ-არტილერისტ შალვა ჩხარტიშვილისა და რუსული ენისა და ლიტერატურის პედაგოგის, ბერტა ისააკის ასულ ბრაზინსკის ოჯახში.

1958 წელს ჩხარტიშვილების ოჯახი საცხოვრებლად მოსკოვში (რუსეთი) გადავიდა. გრიგორიმ 1973 წელს მოსკოვის 36-ე ინგლისური სკოლა დაამთავრა. სკოლის დამთავრების შემდეგ სწავლა გააგრძელა მოსკოვის სახელმწიფო უნივერსიტეტის აზია-აფრიკის ქვეყნების ინსტიტუტის ისტორია-ფილოლოგიის ფაკულტეტზე. აქვს ისტორიკოს–იაპონიისმცოდნის დიპლომი. თარგმნის მხატვრულ ლიტერატურას ინგლისური და იაპონური ენებიდან რუსულზე. ჩხარტიშვილის თარგმანით გამოცემულია შემდეგი ავტორების ნაწარმოებები: იუკიო მისიმა, კენძი მარუიამა, მასაჰიკო სიმადა, კობო აბე, ცინიიტი ჰოსი, ტაკეში კაიკო.

მუშაობდა ჟურნალ «Иностранная литература»–ს მთავარი რედაქტორის მოადგილედ (1999-2000). მისი მთავარი რედაქტორობით გამოიცა 20 ტომეული „იაპონური ლიტერატურის ანთოლოგია“.

1998 წლიდან გრიგორი ჩხარტიშვილი ლიტერატურულ შემოქმედებას ეწევა ფსევდონიმით ბორის აკუნინი. იაპონურ სიტყვას აკუნინი (იაპ. 悪人) ქართულში ზუსტი შესატყვისი არ მოეძებნება. დაახლოებით ითარგმნება, როგორც "ავკაცი", „ბოროტი ადამიანი“, „ადამიანი რომელიც კანონს არ იცავს“. კრიტიკულ და დოკუმენტურ შრომებს აქვეყნებს ნამდვილი სახელითა და გვარით.

2009 წლის 29 აპრილს ბორის აკუნინი ამომავალი მზის მეოთხე ხარისხის ორდენის კავალერი გახდა. 2009 წლის 10 აგვისტოს რუსეთისა და იაპონიის კულტურულ ურთიერთობებში შეტანილი წვლილისთვის იაპონიის მთავრობამ სახელმწიფო პრემია მიანიჭა.

პოპულარობა მწერალს მოუტანა ისტორიულ–დეტექტიური რომანების სერიამ ერასტ ფანდორინზე.

შემოქმედება

„მწერალი და თვითმკვლელობა“, 2001

ერასტ ფანდორინის თავგადასავლები

• აზაზელი
• თურქული გამბიტი
• ლევიათანი
• აქილევსის სიკვდილი
• განსაკუთრებული დავალებები:
  • ყვავის ვალეტი
  • დეკორატორი
• სამოქალაქო მრჩეველი
• მეფედ კურთხევა, ანუ ბოლო რომანებიდან
• სიკვდილის მიჯნური ქალი
• სიკვდილის მიჯნური კაცი
• ალმასის ეტლი
• ინი და იანი
• ნეფრიტის კრიალოსანი
• მთელი მსოფლიო თეატრია
• შავი ქალაქი
• პლანეტა წყალი
• არ გემშვიდობებით
• ტამბას გაკვეთილები

მასახირო სიბატას თავგადასავლები

• უბრალოდ მასა
• იამა

მაგისტრის თავგადასავლები

• ალტინ–ტოლობასი
• კლასგარეშე საკითხავი
• თ. მ.
• შავარდენი და მერცხალი

პროვინციალური დეტექტივი, ანუ და პელაგიას თავგადასავლები

• პელაგია და თეთრი ბულდოგი
• პელაგია და შავი ბერი
• პელაგია და წითელი მამალი

სერია "ჟანრები"

• საბავშვო წიგნი:
  • საბავშვო წიგნი
  • საბავშვო წიგნი გოგოებისთვის (გლორია მუს თანაავთორობით)
• ჯაშუშური რომანი
• ფანტასტიკა
• ქვესტი
• მსოფლიოს ხალხთა ზღაპრები

სიკვდილი ბრუდეშაფტზე

• ჩვილი და ეშმაკი. ფილმი პირველი
• გათეხილი გულის ტანჯვა. ფილმი მეორე
• მფრინავი სპილო. ფილმი მესამე
• მთვარეს შვილები. ფილმი მეოთხე
• უცნაური კაცი. ფილმი მეხუთე
• გამარჯვების გრუხუნი, გაისმე! ფილმი მეექვსე
• «მარია», მარია… ფილმი მეშმიდე
• არაფერი წმინდა. ფილმი მერვე
• ოპერაცია «ტრანზიტი». ფილმი მეცხრე
• ანგელოზების ბატალიონი. ფილმი მეათე

ეკრანიზაცია

• აზაზელი (2002)
• თურქული გამბიტი (2005)
• სამოქალაქო მრჩეველი (2005)
• პელაგია და თეთრი ბულდოგი (2009)
• ჯაშუში (2011)
• ლევიათანი (2021)
• ფანდორინი. აზაზელი (2023)

ქართულად ნათარგმნი წიგნები

ბორის აკუნინის წიგნის ყდა, რომელიც პირველად ითარგმნა საქართველოში, გამომცემლობა „არეტე“, 2004 წელი

• აზაზელი (კონსპიროლოგიური დეტექტივი), თარგმნა მიხო მოსულიშვილმა გამომცემლობა არეტე, თბ. 2004, ISBN 99940-745-8-X
• თურქული გამბიტი (ჯაშუშური დეტექტივი), თარგმნა მიხო მოსულიშვილმა, გამომცემლობა კვირის პალიტრა, თბ. 2006, ISBN 99940-42-07-6
• ლევიათანი (ჰერმეტული დეტექტივი), თარგმნა მიხო მოსულიშვილმა, გამომცემლობა კვირის პალიტრა, თბ. 2006 წელი, ISBN 9994-53-21-3; მეორე გამოცემა, გამომცემლობა პალიტრა L, 2010, ISBN 978-9941-413-98-8
• პიკის ვალეტი (ამბავი თაღლითებზე), თარგმნა მიხო მოსულიშვილმა, გამომცემლობა ლითერასი, თბ. 2013
• სასაფლაოს ამბები, თარგმნა თამარ კოტრიკაძემ, გამომცემლობა „ინტელექტი“, თბ. 2013 წელი, ISBN 978-9941-446-25-2
• მწერალი და თვითმკვლელობა, თარგმნა თამარ კოტრიკაძემ, გამომცემლობა „ინტელექტი“, თბ. 2014 წელი, ISBN 978-9941-454-38-7

რესურსები ინტერნეტში

• ბორის აკუნინის ოფიციალური საიტი
• ერასტ ფანდორინის ოფიციალური საიტი დაარქივებული 2013-11-04 საიტზე Wayback Machine.
• ბორის აკუნინის წიგნები დაარქივებული 2005-08-05 საიტზე Wayback Machine.
• ბორის აკუნინის წიგნები ელექტრონულ ფორმატში
• HONOR PRIMUM, ALIA DEINDE (ინტერვიუ ბორის აკუნინთან)
• ინტერვიუ ბორის აკუნინთან (გრიგორი ჩხარტიშვილი)
• ბორის აკუნინის წიგნების სია