ჩანდრასეკარა ვენკატა რამანი
ჩანდრასეკარა ვენკატა რამანი (დ. 7 ნოემბერი, 1888 ტირუჩირაპალი — გ. 21 ნოემბერი, 1970, ბენგალურუ) — ინდოელი ფიზიკოსი. სწავლობდა მადრასის უნივერსიტეტში (1903-1907). 1907-1917 წლებში მსახურობდა ფინანსთა დეპარტამენტში, იმავე დროს სამეცნიერო მუშაობას ეწეოდა მეცნიერებათა განვითარების ინდურ ასოციაციის ლაბორატორიებში, რომლის ჩამოყალიბებაში რამანმა აქტიური მონაწილეობა მიიღო. 1917-1933 წლებში მუშაობდა კალკუტის უნივერსიტეტში. 1933 წლიდან მეცნიერებათა ინსტიტუტის პროფესორი და დირექტორი, 1947 წლიდან რამანის სამეცნიერო კვლევითი ინსტიტუტის დირექტორი ბენგალურუში. ინდოეთის მეცნიერებათა აკადემიის პრეზიდენტი (1934 წლიდან). ძირითადი ნაშრომები აქვს ოპტიკაში, აკუსტიკაში და სხვა. 1928 წელს აღმოაჩინა სინათლის კომბინაციური გაბნევა და განმარტა ეს მოვლენა, როგორც კომპტონის ეფექტის ოპტიკური ანალოგი. ამ აღმოჩენისთვის, 1930 წელს მიიღო ნობელის პრემია ფიზიკაში.
ლიტერატურა რედაქტირება
- ქართული საბჭოთა ენციკლოპედია, ტ. 8, თბ., 1984. — გვ. 298.
სქოლიო რედაქტირება
- ↑ 2.0 2.1 SNAC — 2010.
- ↑ Encyclopædia Universalis — Encyclopædia Britannica.
- ↑ 4.0 4.1 Encyclopædia Britannica
- ↑ 5.0 5.1 ბროკჰაუზის ენციკლოპედია
- ↑ 6.0 6.1 Gran Enciclopèdia Catalana — Grup Enciclopèdia, 1968.
- ↑ 7.0 7.1 Annuaire prosopographique : la France savante
- ↑ 8.0 8.1 Munzinger Personen
- ↑ Sir Chandrasekhara Venkata Raman — Nobel Foundation.
- ↑ 10.0 10.1 10.2 10.3 10.4 Parameswaran U. C.V. Raman : A Biography — Penguin India, 2011.
- ↑ The Nobel Prize in Physics 1930 — Nobel Foundation.
- ↑ Table showing prize amounts — Nobel Foundation, 2019.
- ↑ https://www.royalsociety.org.nz/who-we-are/our-people/our-fellows/all-honorary-fellows/