ვიკიპედია

შერლოკ ჰოლმზი: ჩრდილების თამაში

(გადამისამართდა გვერდიდან შერლოკ ჰოლმსი: აჩრდილების თამაში)

შერლოკ ჰოლმზი: ჩრდილების თამაში (ინგლ. Sherlock Holmes: A Game of Shadows) — 2011 წლის სათავგადასავლო ფილმი, რომელიც ეფუძნება ართურ კონან დოილის მიერ შექმნილი პერსონაჟის, დეტექტივ შერლოკ ჰოლმზის შესახებ რომანებს. ფილმის რეჟისორია გაი რიჩი, პროდიუსერები კი ჯოელ სილვერი, ლაიონელ უიგრემი, სიუზენ დაუნი და დენ ლინი. ეს არის 2009 წლის ფილმის გაგრძელება. სცენარის ავტორები არიან კირენ მელროუნი და მიშელ მელროუნი.

„შერლოკ ჰოლმზი: ჩრდილების თამაში“

ფილმის პოსტერი
დამდგმელი რეჟისორი გაი რიჩი
პროდიუსერი ჯოელ სილვერი
ლაიონელ უიგრემი
სიუზენ დაუნი
დენ ლინი
სცენარის ავტორი კირენ მელროუნი
მიშელ მელროუნი
გაი რიჩი
ნაწარმოები ართურ კონან დოილი
როლებში რობერტ დაუნი უმცროსი
ჯუდ ლოუ
რეიჩელ მაკადამსი
ჯერედ ჰარისი
სტივენ ფრაი
კელი რეილი
კომპოზიტორი ჰანს ციმერი
ოპერატორი ფილიპ რუსლო
მონტაჟი ჯეიმზ ჰერბერტი
სტუდია Village Roadshow Pictures
Silver Pictures
დისტრიბუტორი Warner Bros. Pictures
გამოსვლის თარიღი
  • 16 დეკემბერი, 2011 (2011-12-16)
ხანგრძლივობა 129 წთ[1]
ქვეყანა დროშა: ამერიკის შეერთებული შტატები აშშ
დროშა: გაერთიანებული სამეფო გაერთიანებული სამეფო
ენა ინგლისური
ბიუჯეტი 125 მილიონი აშშ დოლარი[2]
შემოსავალი 545.448.418 აშშ დოლარი[3]
წინა შერლოკ ჰოლმზი
(2009)

ფილმის ამ ნაწილში გამომძიებელთა ორეული, ჰოლმზისა და უოტსონის სახით (რობერტ დაუნი უმცროსი და ჯუდ ლოუ) იძიებს პროფესორ მორიარტის (ჯერედ ჰარისი) მიერ ორგანიზებული მკვლელობებათა სერიას. ფილმი ეფუძნება კონან დოილის რომანს უკანასკნელი საქმე, თუმცა მისგან დამოუკიდებელ ხასიათს, ვიდრე პირდაპირი ეკრანიზაციის სახეს ატარებს.[4]

სიუჟეტი

რედაქტირება
ყურადღება!  ქვემოთ მოყვანილია სიუჟეტის და/ან დასასრულის დეტალები.

1891 წელს ირენ ადლერს (რეიჩელ მაკადამსი) დოქტორ ჰოფმანშტალთან მიაქვს ამანთი - იმ წერილის სანაცვლოდ, რომელიც მას უნდა გადმოეცა. ჰოფმანშტალი ხსნის ამანათს, რითაც ამოქმედდება ასაფეთქებელი მოწყობილობა. ჰოლმზი, რომელიც იქვე აღმოჩნდება, იღებს წერილს და ასაფეთქებელს აფეთქებს ძველ სარკოფაგში. მოგვიანებით იგი ჰოფმანშტანლს მკდარს პოულობს. ადლერი ხვდება პროფესორ მორიარტის. მას სურს, დაადგინოს, თუ რატომ მოხდა ეს, მაგრამ მორიარტი მას სწრაფმოქმედი ტუბერკულოზის გამოწვევი შხამით წამლავს.

მოგვიანებით ექიმი უოტსონი ეწვევა ჰოლმზს, რომელიც იძიებს მკვლელობათა მთელ სერიას - ერთმანეთთან საეჭვო კავშირში მყოფ მკვლელობებს, ტერორისტულ შეტევებსა და ბიზნეს მაქინაციებს, რომლებიც უკავშირდება მორიარტის. უოტსონის ქორწილში ჰოლმზი გაიცნობს ბოშა სიმზას, რომელიც იყო წერილის ადრესატი (რომელიც თავის მხრივ, მას გამოუგზავნა ძმამ, რენემ). ჰოლმზი აჩერებს მკვლელს, რომელიც სიმზას მისდევს, მაგრამ სიმზა ამასობაში ქრება. უოტსონისა და მერის ქორწილის შემდეგ ჰოლმზი პირველად ხვდება მორიარტის. იგი შერლოკს ამცნობს, რომ სწორედ მან მოკლა ადლერი და მოკლავს უოტსონს და მერისაც, თუკი ჰოლმზი განაგრძობს საქმის გამოძიებას.

მორიარტის გარემოცვა თავს ესხმის უოტსონსა და მერის, როდესაც ეს ორეული საქორწინო მოგზაურობაში მატარებლით მიემგზავრება. ჰოლმზი, რომელიც მათ მისდევს, მერის მატარებლიდან მდინარეში აგდებს, საიდანაც მას შერლოკის ძმა, მაიკროფტი ამოიყვანს. მორიარტის ხალხის განადგურების შემდეგ ჰოლმზი და უოტსონი პარიზში, სიმზას ეძებენ. მას შემდეგ, რაც მას პოულობენ, ჰოლმზი უამბობს სიმზას, რომ რენე მორიარტიზე მუშაობს და სიმზა ერთ-ერთი სამიზნეა. სიმზას ისინი მიჰყავს ანარქისტული დაჯგუფების შტაბ-ბინაში, რომლის წევრიც მანამდე ადრე რენესთან ერთად იყო. ისინი დაადგენენ, რომ ანარქისტები იძულებულები იყვნენ, მორიარტისათვის ბომბები დაემზადებინათ.

სამეული ჰოლმზის გამოძიების მიხედვით დაადგენს, რომ ერთ-ერთი ბომბი პარიზის ოპერაშია, თუმცა ჰოლმზი აღმოაჩენს, რომ იგი არასწორი გზით წაიყვანეს და ბომბი სინამდვილეში ახლოს მდებარე სასტუმროშია. ამოქმედებული ბომბი ანადგურებს მთელ რიგ ბიზნესმენებს. ჰოლმზი დაადგენს, რომ ეს იყო მხოლოდ მაინჰარტის (ერთ-ერთი დამსწრე ბიზნესმენის) მკვლელობის დაფარვის საბაბი - რომელიც აფეთქების დროს გასროლით მოკლა სებასტიან მორანმა, მორიარტის მიერ დაქირავებულმა მსროლელმა. ამრიგად მორიარტის მფლობელობაში მაინჰარტის გარდაცვალების შემდეგ რჩება გერმანიაში მდებარე იარაღის ქარხანა. ჰოლმზი, უოტსონი და სიმზა გერმანიაში მიემგზავრებიან და ცდილობენ, რენეს წერილებში თავსატეხის ამოხსნა მოიძიონ.

ქარხანაში მორიარტი იჭერს და აწამებს ჰოლმზს, უოტსონი კი მორანს ებრძვის. მორიარტისგან ცნობილი ხდება, რომ მას დიდი წვლილი აქვს კომპანიებში, რომლებიც აწარმოებენ საომარ ტექნიკას და მისი გეგმაა მსოფლიო ომის დაწყება. ამასობაში უოტსონი იყენებს დიდ ზარბაზანს, რათა გაანადგუროს შუქურა, რომელშიც მორანი იმალება. შუქურა ემხობა საწყობზე, რომელშიც მორიარტი და ჰოლმზი იმყოფებიან. უოტსონი, სიმზა და დაჭრილი ჰოლმზი ერთმანეთს პოულობენ და მატარებლით გარბიან. ჰოლმზი დაადგენს, რომ მორიარტის უკანასკნელი სამიზნე იქნება მშვიდობიანი სამიტი, რომელიც შვეიცარიაში გაიმართება - რითაც დაგეგმილია დიდი სკანდალის აგორება

სამიტზე ჰოლმზი სიმზას უამბობს, რომ რენე ერთ-ერთი მკვლელია, მაგრამ იერი, ჰოფმანშტალის ქირურგიული მეთოდების დახმარებით, შეცვლილი აქვს და ერთ-ერთ ელჩად არის გადაცმული. უოტსონი და სიმზა ეძებენ რენეს, ამასობაში კი ჰოლმზი და მორიარტი აივანზე ერთმანეთს ხვდებიან. რენეს აჩერებენ, მაგრამ მას მორანი კლავს. ჰოლმზი მორიარტის გაანდობს, რომ მან, გერმანიაში ყოფნისას, მისი პირადი დღიური მოიპარა (რომელშიც მორიარტის გეგმები და ფინანსური მონაცემები ეწერა) და იგი ყალბით ჩაანაცვლა. ორიგინალი გაიგზავნა ლონდონში, მერისთან, რომელმაც დღიურში მოცემული კოდები ამოხსნა - იმ წიგნის დახმარებით, რომელიც შერლოკმა ლონდონში, მორიარტის კაბინეტში აღმოაჩინა. მერიმ ეს ინფორმაცია ინსპექტორ ლესტრეიდს გადაუგზავნა, რომელმაც შეაჩერა მორიარტის აქტივები, რითაც იგი ფინანსურად დააზარალა. ჰოლმზი და მორიარტი ერთმანეთს ფიზიკურად უპირისპირდებიან, მაგრამ ორივე ხვდება, რომ მორიარტი გაიმარჯვებს, ვინაიდან ჰოლმზს ხელს უშლის მხრების დაზიანებული არე. ჰოლმზი ხელს სტაცებს მორიარტის და ორივე აივნის მიღმა, ჩანჩქერში ეშვება.

მორიარტისა და ჰოლმზის გვამებს ვერ პოულობენ. საბოლოოდ ორივე დაღუპულად ითვლება. ჰოლმზის სიმბოლური დასაფლავების შემდეგ, უოტსონი და მერი საბოლოოდ ემზადებიან თაფლობის თვის გასატარებლად. უოტსონი საბეჭდ მანქანაზე კრიფავს თავისი მოგონებების ჩანაწერებს. უკანასკნელ სტრიქონზე იგი წერს - „დასასრული“. ამ დროს იგი ფოსტით მიიღებს სასუნთქ აპარატს, რომელსაც ჰოლმზი სამიტამდე იყენებდა. უოტსონი მიხვდება, რომ ჰოლმზი ცოცხალია და გარბის ფოსტალიონის მოსაძებნად. ამასობაში ჰოლმზი, რომელიც შენიღბული იყო, როგორც სავარძელი, დგება და უოტსონის ტექსტის ბოლოს დასმულ სიტყვას „დასასრული“ ამატებს კითხვის ნიშანს.

როლებში

რედაქტირება

წარმოება

რედაქტირება

2009 წლის ფილმის შერლოკ ჰოლმზი წარმატების შემდეგ, კომპანიამ Warner Bros. და გაი რიჩიმ დაიწყეს მისი გაგრძელების წარმოება. გაი რიჩიმ შეწყვიტა ფილმზე ლობო მუშაობა, ხოლო რობერტ დაუნი უმცროსმა - ფილმში კოვბოები და უცხოპლანეტელები მონაწილეობა.[15] უცნობი იყო, დაბრუნდებოდა თუ არა ფილმში გადასაღებად რეიჩელ მაკადამსი. მან განაცხადა - „თუკი დავბრუნდები, როლი მნიშვნელოვანი არ იქნება, იგი წამყვანი არ არის“.[16] 2011 წლის 4 თებერვალს კომპანიამ Warner Bros. Entertainment Weekly-ს დაუდასტურა, რომ მაკადამსი მიიღებდა მონაწილეობას მეორე ფილმში.[10]

ცნობილი იყო, რომ ფილმი შეიქმნებოდა კონან დოილის წიგნის უკანასკნელი საქმე მიხედვით.[4] ფილმში მოქმედება მიმდინარეობს პირველი ფილმის მოვლენების შემდეგ ერთი წლის თავზე[4], მაგრამ „შერლოკ ჰოლმზი: ჩრდილების თამაში“ ჩაფიქრებული იყო, როგორც დამოუკიდებელი ფილმი, რომლის ნახვა არ ითხოვდა წინა ფილმის მოვლენათა შესწავლას.[4]

2010 წლის ოქტომბერში დაუნი უმცროსი და ჯუდ ლოუ შეამჩნიეს რიჩმონდის პარკში, სამხრეთ-დასავლეთ ლონდონში, როდესაც ისინი გადიოდნენ ბრძოლის სცენის რეპეტიციებს.[17] იმავე თვეში ინგლისის წყლებში შევიდა გემი PS Waverley და დიდკოტის ცენტრალურ რკინიგზაზე აღიმართა დიდი მწვანე ეკრანი. სცენების ნაწილი გადაღებული იქნა იქ, ნოემბერში.[7] ნოემბრის ბოლოს გადაიღეს სცენა ვიქტორიის ხიდზე, რომელიც სევერნის რკინიგზის ნაწილია. 2011 წლის იანვარში სცენების ნაწილი გადაღებული იქნა ჰემპტონის სასახლესთან. 2011 წლის სექტემბერში ასევე გადაღებული იქნა სცენები გრინვიჩში.[18] 2011 წლის თებერვალში ძირითადი გადაღებები მიმდინარეობდა სტრასბურგში (საფრანგეთი), როგორც ბუნებაზე, ასევე სტრასბურგის საკათედრო ტაძარში. ცნობილი იყო, რომ ეს სცენა ფილმში პირველი იქნებოდა, რომელიც ასახავდა ტერორისტულ აქტებს ერთ-ერთ გერმანულენოვან ქალაქში.[19]

2011 წლის 16 დეკემბერს კანადაში, აშშ-სა და ბრიტანეთში შედგა ფილმის პრემიერა. 25 დეკემბერს იგი გამოვიდა სხვა ქვეყნებშიც. 2011 წლის 30 დეკემბერს ფილმი გამოვიდა ინდოეთში, ხოლო 2012 წლის 5 იანვარს - ავსტრალიასა და ესპანეთში.[5]

საუნდტრეკი

რედაქტირება

ფილმის მუსიკის ავტორია ჰანს ციმერი. საუნდტრეკი გაყიდვაში გამოვიდა 2011 წლის 13 დეკემბერს. დისკის შეძენის შემთხვევაში მყიდველს შეუძლია სამი დამატებითი კომპოზიციის ჩამოტვირთვა.[20][21][22]

#სახელწოდებაავტორიხანგრძლივობა
1.„I See Everything“ჰანს ციმერი0:39
2.„That Is My Curse (Shadows – Part 1)“ჰანს ციმერი1:51
3.„Tick Tock (Shadows – Part 2)“ჰანს ციმერი8:12
4.„Chess (Shadows – Part 3)“ჰანს ციმერი7:34
5.„It’s So Overt It’s Covert“ჰანს ციმერი3:19
6.„Romanian Wind“ჰანს ციმერი1:56
7.„Did You Kill My Wife?“ჰანს ციმერი2:42
8.„He’s All Me Me Me“ჰანს ციმერი1:56
9.„The Mycroft Suite“ჰანს ციმერი1:41
10.„To The Opera!“რენატო გიროლამი4:03
11.„Two Mules For Sister Sara“ენიო მორიკონე2:34
12.„Die Forelle“ჯულიუს დრეიკი3:22
13.„Zu Viele Füchse Für Euch Hänsel“ჰანს ციმერი1:47
14.„The Red Book“ჰანს ციმერი4:00
15.„Moral Insanity“ჰანს ციმერი1:31
16.„Memories Of Sherlock“ჰანს ციმერი2:11
17.„The End?“ჰანს ციმერი2:26
18.„Romani Holiday (Antonius Remix)“ჰანს ციმერი5:38
19.„Shush Club No. 3“ (დამატებითი კომპოზიცია)ჰანს ციმერი4:31
20.„Beautiful Eyes“ (დამატებითი კომპოზიცია)ჰანს ციმერი2:13
21.„Just Follow My Lead (The Waltz)“ (დამატებითი კომპოზიცია)ჰანს ციმერი4:44

შეფასება

რედაქტირება

კრიტიკოსთა შეფასება

რედაქტირება

კრიტიკოსთა მიერ ფილმის შეფასებები არაერთგვაროვანი იყო. Rotten Tomatoes-ის ცნობით, 171 კრიტიკოსის 59% ფილმს დადებით შეფასებას აძლევს - 10-დან საშუალო 6 ქულის სახით. ისინი ეთანხმებიან ერთმანეთს, რომ „შერლოკ ჰოლმზი: ჩრდილების თამაში“ არის კარგი ამბავი, ვინაიდან მთავარი გმირებიც ერთმანეთს უხდებიან, მაგრამ პირველი ფილმის ხიბლს ვერ იმეორებს.[23] Metacritic, რომელსაც შეფასებების 100 ქულიანი სისტემა აქვს, ფილმს 49 ქულას ანიჭებს (37 მიმოხილვის თანახმად).[24] CinemaScore-ის გამოკითხვებით, ფილმის მნახველთა უმეტესობამ ახალ ნაწილს მიანიჭა A- ტიპის შეფასება (დიაპაზონში A+-დან F-ამდე).[25]

როჯერ ებერტის მიერ ფილმს მიენიჭა ოთხიდან 3 ნახევარი ქულა. მისი აზრით, ეს არის „მაღალი კალიბრის სანახაობა“, რომელიც ფორმულას ამატებს „რაფინირებას და გამჭრიახობას“ და „სცენარის ავტორი ბრძნულად უძღვნიან ფილმის საუკეთესო სცენებს ჰოლმზისა და მორიარტის დაპირისპირებებს“.[26] ჯეიმზ ბერარდინელიმ ფილმს ოთხიდან სამი ქულა მიანიჭა. მისი აზრით, ეს ფილმი არის „უფრო მძლავრი, გააზრებული, რომელიც ეფუძნება ორიგინალის ძლიერ და თავიდან იცილებს სუსტ მხარეებს“.[27] ამის საპირისპიროდ, კით ფილიპსი (The A.V. Club) თვლის, რომ „ფილმის ამბიციები უფრო ნაკლებია, ვიდრე მისი წინამორბედის, მაგრამ იგი მაინც სუსტია“.[28]

კინოთეატრები

რედაქტირება

შერლოკ ჰოლმზი: ჩრდილების თამაში აშშ-სა და კანადაში პრემიერის დღეს გახდა ლიდერი, 14.6 მილიონი აშშ დოლარის მოგებით [29], თუმცა წინა ნაწილის მოგება 24.6 მილიონს შეადგენდა [30] ბრიტანეთში სამი დღის მანძილზე მისმა მოგებამ 3.83 მილიონი გირვანქა-სტერლინგი შეადგინა (პირველი ფილმის შემოსავალი სამი დღის განმავლობაში 3.08 მილიონს შეადგენდა)[31] აშშ-ში კვირის ბოლოს შემოსავალი 39.6 მილიონ აშშ დოლარს შეადგენდა (წინა ფილმის 62.3 მილიონთან შედარებით).[32] სხვა ქვეყნებში მისმა შემოსავალმა 14.7 მილიონი შეადგინა.

გაგრძელება

რედაქტირება

Warner Bros.-ის ცნობით, ფილმის მესამე ნაწილის სცენარის პირველი ვერსია სცენარისტ დრიუ პირსის დახმარებით უკვე წარმოებაშია.[33]

რესურსები ინტერნეტში

რედაქტირება

სქოლიო

რედაქტირება
  1. ↑ Sherlock Holmes: A Game of Shadows (12A). British Board of Film Classification. ციტირების თარიღი: 1 December 2011.
  2. ↑ Kaufman, Amy; Fritz, Ben. (15 December 2011) Movie Projector: 'Sherlock,' 'Alvin' sequels kick off holiday season. Los Angeles Times. Tribune Company. ციტირების თარიღი: 15 December 2011.
  3. ↑ Sherlock Holmes: A Game of Shadows Box Office Mojo.
  4. ↑ 4.0 4.1 4.2 4.3 Tilly, Chris (22 February 2011). „Sherlock Holmes: A Game of Shadows Preview“. IGN. ციტირების თარიღი: 9 March 2011.
  5. ↑ 5.0 5.1 5.2 5.3 Sciretta, Peter. (27 May 2010) Sherlock Holmes 2 Gets December 2011 Release Date, Rachel McAdams Will Return. /Film. ციტირების თარიღი: 18 October 2010.
  6. ↑ Melrose, Kevin (23 November 2010). „Noomi Rapace to play Sim the Gypsy in ‘Sherlock Holmes 2′“. Spin Off Online. დაარქივებულია ორიგინალიდან — 28 ნოემბერი 2010. ციტირების თარიღი: 28 November 2010.
  7. ↑ 7.0 7.1 7.2 7.3 Ffrench, Andrew. (4 November 2010) Sherlock movie stars steam into Didcot. The Oxford Times. Newsquest. ციტირების თარიღი: 28 November 2010.
  8. ↑ Jared Harris discusses 'fun' Sherlock Holmes 2. Total Film. ციტირების თარიღი: 22 March 2011.
  9. ↑ Stephen Fry talks Sherlock Holmes 2. Total Film. ციტირების თარიღი: 22 March 2011.
  10. ↑ 10.0 10.1 Bierly, Mandi (4 February 2011). „Rachel McAdams cameo confirmed for 'Sherlock Holmes' sequel“. Time Inc. დაარქივებულია ორიგინალიდან — 8 თებერვალი 2011. ციტირების თარიღი: 12 February 2011.
  11. ↑ „Eddie Marsan reprising Sherlock Holmes role“. Collider.com. დაარქივებულია ორიგინალიდან — 28 ნოემბერი 2010. ციტირების თარიღი: 2 December 2010.
  12. ↑ Sherlock Holmes: A Game of Shadows Movie Review - ComingSoon.net. დაარქივებულია ორიგინალიდან — 2012-01-08. ციტირების თარიღი: 2011-12-27.
  13. ↑ Thompson, Jody (19 October 2010). „Take that, you bounder: Jude Law takes swing at a gypsy in new Sherlock Holmes film (after quick practice on Guy Ritchie)“. Daily Mail. UK: Associated Newspapers. ციტირების თარიღი: 28 November 2010.
  14. ↑ Leffler, Rebecca (26 November 2010). „Gilles Lellouche Joins 'Sherlock Holmes 2' Cast“. The Hollywood Reporter. Nielsen Business Media. ციტირების თარიღი: 28 November 2010.
  15. ↑ „Guy Ritchie Leaving Lobo, Aiming for Sherlock Holmes 2“. /Film. 26 January 2010. დაარქივებულია ორიგინალიდან — 19 ივნისი 2010. ციტირების თარიღი: 18 October 2010.
  16. ↑ Ditzian, Eric (9 November 2010). „Rachel McAdams Unsure About Doing 'Sherlock Holmes 2'“. MTV. დაარქივებულია ორიგინალიდან — 1 ნოემბერი 2011. ციტირების თარიღი: 9 January 2011.
  17. ↑ Thompson, Jody. (19 December 2009) Jude Law takes swing at a gypsy in new Sherlock Holmes film (after quick practice on Guy Ritchie). Daily Mail. Associated Newspapers. ციტირების თარიღი: 20 October 2010.
  18. ↑ Teed, Paul (24 January 2011). „Film crews at Hampton Court Palace 'shooting Sherlock Holmes movie'“. Elmbridge Guardian. Newsquest. ციტირების თარიღი: 4 February 2011.
  19. ↑ „Explosions au coeur de Strasbourg... (Explosions in the heart of Strasbourg ...)“. Les Dernières Nouvelles d'Alsace (French). 4 February 2011. ციტირების თარიღი: 4 February 2011.
  20. ↑ Sherlock: Game of Shadows soundtrack details. Filmonic. დაარქივებულია ორიგინალიდან — 11 იანვარი 2012. ციტირების თარიღი: 23 November 2011.
  21. ↑ Sherlock: Game of Shadows soundtrack tracks. Amazon. ციტირების თარიღი: 1 December 2011.
  22. ↑ Sherlock Homes: Game of Shadows soundtrack with bonus tracks. ციტირების თარიღი: 11 December 2011.
  23. ↑ Sherlock Holmes: A Game of Shadows (2011). Rotten Tomatoes. ციტირების თარიღი: 16 December 2011.
  24. ↑ Sherlock Holmes: A Game of Shadows Reviews, Ratings, Credits, and More at Metacritic. Metacritic. ციტირების თარიღი: 2011-12-16.
  25. ↑ Kaufman, Amy. (December 22, 2011) Movie Projector: 'Mission: Impossible' sequel to rule Christmas. Los Angeles Times. Tribune Company. ციტირების თარიღი: December 24, 2011.
  26. ↑ Sherlock Holmes: A Game of Shadows :: rogerebert.com :: Reviews. დაარქივებულია ორიგინალიდან — 2012-06-16. ციტირების თარიღი: 2021-08-24.
  27. ↑ Sherlock Holmes: A Game of Shadows - Reelviews Movie Reviews
  28. ↑ Sherlock Holmes: A Game Of Shadows | Film | Movie Review | The A.V. Club
  29. ↑ Sherlock Holmes sequel leads US box office
  30. ↑ Friday Report: 'Sherlock,' 'Alvin' Stumble, 'M:I' Dominant in IMAX
  31. ↑ Sherlock Holmes fires an opening salvo from the shadows at the UK box office
  32. ↑ Weekend Report: Disappointing Debuts From 'Sherlock,' 'Alvin' Sequels
  33. ↑ Fleming, Mike. (October 23, 2011) Warner Bros Ready For ‘Sherlock Holmes 3′. Deadline Hollywood. ციტირების თარიღი: December 20, 2011.
მოძიებულია „https://ka.wikipedia.org/w/index.php?title=შერლოკ_ჰოლმზი:_ჩრდილების_თამაში&oldid=4680376“-დან