ყორნისებრნი
ფრინველთა ოჯახი ბეღურასნაირთა რიგისა
ყორნისებრნი (ლათ. Corvidae) — ფრინველთა ოჯახი ბეღურასნაირთა რიგისა. მოიცავს ზომით (სხეულის მასა 50 გ — 1,5 კგ) და გარეგნობით ძლიერ განსხვავებულ 130-მდე სახეობას.[1] გავრცელებული არიან მთელ მსოფლიოში (გარდა ანტარქტიკისა, ახალი ზელანდიისა და ზოგი ოკეანური კუნძულისა). ბინადრობენ ტყეებში, ველებზე, უდაბნოებსა და მთებში, ანთროპომორფულ ლანდშაფტში. მონოგამები არიან. ბუდეს იკეთებენ ხეზე, ბუჩქზე, კლდეზე, შენობის სახურავზე. დებენ 3–8 კვერცხს. პოლიფაგები არიან. საქართველოში ბინადრობს 8 სახეობა (ჩხიკვი, კაჭკაჭი, წითელნისკარტა და ყვითელნისკარტა მაღრანი, ჭკა, ჭილყვავი, რუხი ყვავი, ყორანი). 1 კი (შავი ყვავი) იშვიათად გვხვდება მიმოფრენისას.
| ყორნისებრნი | ||||||||||||
|---|---|---|---|---|---|---|---|---|---|---|---|---|
 შავი ყვავი (Corvus corone) | ||||||||||||
| მეცნიერული კლასიფიკაცია | ||||||||||||
| ||||||||||||
| ლათინური სახელი | ||||||||||||
| Corvidae (Vigors, 1825) | ||||||||||||
| გავრცელება | ||||||||||||
 | ||||||||||||
| ||||||||||||
ლიტერატურა
რედაქტირება- ჟორდანია რ., ქართული საბჭოთა ენციკლოპედია, ტ. 10, თბ., 1986. — გვ. 659.