ფლორენს ეისკოუ
ფლორენს ეისკოუ მაკნეირი (ინგლ. Florence Ayscough MacNair; დ. 21 იანვარი 1875, შანხაი — გ. 26 აპრილი, 1942) — სინოლოგი, მწერალი და ჩინური ლიტერატურის მთარგმნელი.
| ფლორენს ეისკოუ | |
|---|---|
| დაბ. თარიღი | 21 იანვარი, 1875 |
| დაბ. ადგილი | შანხაი |
| გარდ. თარიღი | 26 აპრილი, 1942 (67 წლის) |
| მოქალაქეობა | აშშ |
| საქმიანობა | მთარგმნელი და მწერალი[1] |
| მუშაობის ადგილი | ჩიკაგოს უნივერსიტეტი |
| მამა | Thomas Reed Wheelock |
ადრეული წლები და განათლება
რედაქტირებაფლორენს ეისკოუ (დაბ. უილოკი) დაიბადა 1875-1878 წლებს ორის შანხაიში, ჩინეთი, კანადელი მამის, თომას რედ უილოკისა და ამერიკელი დედის, ედიტ ჰ. კლარკის ოჯახში. [2] [3] [4]
ეისკოუ ცხრა წლის ასაკში გადავიდა შეერთებულ შტატებში. დადიოდა მასაჩუსეტსის ბრუკლაინის შოუს სკოლაში , ბოსტონის მახლობლად. [3] სწორედ სკოლაში გაიცნო ამერიკელი პოეტი ემი ლოუელი . მათი მეგობრობა სიცოცხლის ბოლომდე გაგრძელდა. [2] ეისკოუს ოჯახი დაბრუნდა საცხოვრებლად ჩინეთში. ამ დროს ფლორენსი უკვე ოცი წლის იყო. [5] იგი სწავლობდა ჩინურ ხელოვნებას, ლიტერატურასა და სოციოლოგიას. [3]
კარიერა
რედაქტირებაეისკოუ კითხულობდა ლექციებს ჩინურ ხელოვნებასა და ლიტერატურაზე და იყო რვა წიგნის ავტორი ჩინეთის ისტორიის, კულტურის, ლიტერატურული კრიტიკისა და თარგმანის შესახებ ლექტორის რანგში იმოგზაურა ლონდონში, პარიზში, ბერლინში და ნიუ-იორკში . 1938 წელს ჩიკაგოს უნივერსიტეტში დაიწყო მუშაობა. კითხულობდა ლექციებს ჩინურ ლიტერატურაზე [6] და განაგრძობდა მთარგმნელობით საქმიანობას, ასევე მუშაობას და ჩინეთის ისტორიისა და კულტურის დოკუმენტაციაზე. [2]
ის იყო აზიური სამეფო საზოგადოების ჩრდილოეთ ჩინეთის ფილიალის საპატიო ბიბლიოთეკარი შანხაიში თხუთმეტი წლის განმავლობაში.
ეისკოუმ შეაგროვა თანამედროვე ჩინური ნახატები, მათ შორის სუი გუს ნამუშევრები. მისი ძალისხმევით ჩინური ხელოვნების ეს ფორმა ცნობილი გახდა ამერიკული საზოგადოებისთვის. [7]
ეისკოუს ნამუშევრები მოიცავდა კლასიკური პოეზიის თარგმანებს და ესეებს ჩინური ხელოვნების, ისტორიისა და ფილოსოფიის შესახებ. ნაშრომებში ცდილობდა გამოესწორებინა ძველი და თანამედროვე ჩინეთის კულტურის ინტერპრეტაციის წინა არაზუსტი მცდელობები.
ეისკოუმ დიდი გავლენა მოახდინა მისი მეგობრის ემი ლოუელის შემოქმედებაზე. აზიური კულტურა და ჩინური პოეზია ლოუელის ინტერესის წყარო იყო. [8] ეისკოუმ ლოუელს გააცნო ჩინური მხატვრობა და პოეზია 1917 წელს [9] ამერიკაში ვიზიტის დროს მან ჩინური ზეპირსიტყვიერების ჩანახატები ჩაიტანა, რომლებიც ინგლისურად თარგმნა და რომელიც შემდეგ ლოუელმა რითმულ პოეზიად აქცია. [2]
პუბლიკაციები
რედაქტირებამისი პირველი წიგნი «Fir-Flower Tablets» ემი ლოუელის თანაავტორობით, იყო პოეზიის თარგმანი ჩინურიდან. „ჩინური სარკე,“ რომელიც გამოქვეყნდა 1925 წელს, იყო ჩინეთის საზოგადოების მმართველობის სტრუქტურის ანალიზი, კერძოდ პეკინის იმპერიული სასახლეების სიმბოლიკა. 1929 წელს მან გამოაქვეყნა ჩინელი პოეტის, დუ ფუს ავტობიოგრაფია; დუ ფუს ლექსების თარგმანები ბიოგრაფიით, რომელიც ეფუძნება მის საკუთარ ლექსებს. 1934 წელს მან გამოაქვეყნა „ჩინელი პოეტის მოგზაურობა.“ ამ ორმა ნამუშევარის საშუალებით დუ ფუს ბრიტანულმა საზოგადოებამ გაიცნო. ეისკოუმ დაწერა ორი წიგნი, რომლებიც განკუთვნილია ახალგაზრდა მკითხველებისთვის: ჩინური ძაღლის ავტობიოგრაფია (მოთხრობა შანხაის შესახებ მისი პეკინეს იო-ფეის გადმოსახედიდან), [10] და ფეიერვერკის ქვეყანა . მის ბოლო ნაშრომში, "ჩინელი ქალები გუშინ და დღეს", რომელიც გამოქვეყნდა 1937 წელს, საუბრობდა თანამედროვე ჩინელ ლიდერ ქალებზე.
ეისკოუმ ასევე გამოაქვეყნა სტატიები The Encyclopedia Sinica- ში.
პირადი ცხოვრება
რედაქტირებაეისკოუს პირველი ქმარი იყო ბრიტანელი იმპორტიორი ფრენსის ეისკოუ, რომელსაც იგი შეხვდა შანხაიში, ჩინეთში დაბრუნების შემდეგ. ფრენის ეისკოუ გარდაიცვალა 1933 წელს ხანგრძლივი ავადმყოფობის შემდეგ. [4] [6]
ეისკოუ მეორედ 1935 წელს დაქორწინდა. ცოლად გაჰყვა სინოლოგ ჰარლი ფარნსვორტ მაკნეირს. ეისკოუმ თავის სახლებს ჩიკაგოში სახელები ტრადიციული ჩინური სტილის მიხედვით უწოდა: „ ველური ბატები ბედნიერი სახლი“ და „ვუტუნგის ხის სახლი“ რენ იის ნახატის მიხედვით საკუთარი კოლექციიდან. [2] [10]
ეისკოუს უყვარდა ნაოსნობა, ცურვა, თეატრი და მუსიკა, იყო და ინგლისურენოვანი ადამიანების კავშირის (English Speaking Union) წევრი. მას ბავშვობაში გაუჩნდა ინტერესი ცხენების მიმართ და საკმაოდ მოხერხებულად ჯირითობდა. ჩინურის გარდა, თავისუფლად საუბრობდა ფრანგულ და გერმანულ ენებზე.
1941 წელს ეისკოუ გადაიყვანეს ჩიკაგოს ოსტეოპათიურ საავადმყოფოში, სადაც იგი გარდაიცვალა 1942 წლის 26 აპრილს, ხანგრძლივი ავადმყოფობის შემდეგ. მისი დაკრძალვის ცერემონია ჩატარდა ჩიკაგოს პირველ უნიტარულ ეკლესიაში დოქტორ ფონ ოგდენ ფოგტის ხელმძღვანელობით. იგი დაკრძალეს ფორესტ ჰილზის სასაფლაოზე იამაიკა პლეინში, მასაჩუსეტსის შტატში. [6]
ხსოვნა
რედაქტირებამისი გარდაცვალების შემდეგ, ეისკოუს მიმოწერა მეგობართან, პოეტ ემი ლოუელთან, შეადგინა და გამოაქვეყნა მისმა მეუღლემ, პროფესორმა ჰარლი ფარნსვორტ მაკნეირმა. მომდევნო წელს მან გამოაქვეყნა მეუღლის ბიოგრაფია სახელწოდებით შეუდარებელი ქალბატონი (The Incomparable Lady). 1292 ჩინურენოვანი წიგნისგან შემდგარი კოლექცია გადასცა კონგრესის ბიბლიოთეკას.
სქოლიო
რედაქტირება- ↑ Mainiero L., Faust L. L. American Women Writers: A Critical Reference Guide from Colonial Times to the Present — 1979.
- ↑ 2.0 2.1 2.2 2.3 2.4 Ayscough, Florence (1875/78–1942) | Encyclopedia.com en. ციტირების თარიღი: 2018-09-06
- ↑ 3.0 3.1 3.2 Who Was Who, http://www.ukwhoswho.com/view/10.1093/ww/9780199540891.001.0001/ww-9780199540884-e-222091. წაკითხვის თარიღი: 2018-09-06
- ↑ 4.0 4.1 Knowledge is pleasure : Florence Ayscough in Shanghai.
- ↑ China as I see it: The resident writing of British women in China, 1890–1940.
- ↑ 6.0 6.1 6.2 „Ayscough, Florence Wheelock“. SFU Digitized Collections (ინგლისური). დაარქივებულია ორიგინალიდან — 2019-04-24. ციტირების თარიღი: 2018-09-07.
- ↑ Collectors, collections & collecting the arts of China : histories & challenges.
- ↑ Amy Lowell anew : a biography.
- ↑ Embracing the East : white women and American orientalism.
- ↑ 10.0 10.1 Pearlstein, Elinor (2013), The Way We Were: Florence Wheelock Ayscough (1878–1942)