ხასიათდება ერთწლიანი გენერაციით.[3] კვერცხს დებს ჯგუფურად წიწვებსა და ტოტებზე,[1] 50–50 ცალს, ნაყოფიერება 200–400 კვერცამდეა.[2][3] კვერცხის ფაზა 25 დღემდე გრძელდება.[1]მუხლუხის ფაზა აგვისტოდან მეორე წლის ივნისამდე გრძელდება.[3] გამოიზამთრებს მკვდარ საფარში 5–6 სმ სიღრმეზე. აპრილში მუხლუხი ხეზე ადის და წიწვებით იკვებება,[1] კვება გრძელდება მაისის ბოლომდე.[3] ივნისის პირველ ნახევარში ჭუპრდება სპეციალურ პარკებში, ხის ქერქის ნაპრალებში.[1] ჭუპრის ფაზა 20 დღეს გრძელდება. ჭუპრებიდან პეპლები იწყებენ გამოსვლას ივნისის მეორე ნახევარში.[3] პეპლების მასიური ფრენა ივლისის შუა ხანებიდან იწყება[2] და გრძელდება 40 დღეს. ფრენა დაბინდებიდან დილამდე მიმდინარეობს.[3] მასიური გამრავლების შემთხვევაში მნიშვნელოვან ზიანს აყენებს ფიჭვის მომწიფებულ ერთგვაროვან ნარგავებს.[2] მავნებლის წინააღმდეგ ბრძოლაში კარგ შედეგს იძლევა ქლოროფოსის ან ბაქტერიული პრეპარატების შესხურება და სხვა.[1]
.jpg)
მამალი
დედალი
მუხლუხები პარკებში
მუხლუხი
ჭუპრი
ილუსტრაცია ჯონ კარტისის ბრიტანული ენტომოლგიური ენციკლოპედიის მე-5 ტომიდან
