სიუზან რაისი
სიუზან ელისაბეთ რაისი (ინგლ. Susan Elizabeth Rice; დ. 17 ნოემბერი, 1964, ვაშინგტონი, აშშ) — ამერიკელი სახელმწიფო და პოლიტიკური მოღვაწე. აშშ-ის პრეზიდენტის მრჩეველი ეროვნული უსაფრთხოების საკითხებში 2013-2017 წლებში. აშშ-ის მუდმივი წარმომადგენელი გაერო-ში 2009-2013 წლებში. 1997-2001 წლებში ამერიკის სახელმწიფო მდივნის მრჩეველია აფრიკის საკითხებში. ერთ-ერთი ფრანგი ჟურნალისტის ვენსან ჟოვერის სიტყვებით იგი „აშშ-ის ახალი მორალური ლიდერობის თეორეტიკოსია“[1].
| სიუზან რაისი Susan Rice | |
 | |
| აშშ-ის პრეზიდენტის მრჩეველი ეროვნული უსაფრთხოების საკითხებში | |
|---|---|
| თანამდებობაზე ყოფნის დრო | |
| 1 ივლისი, 2013 – 20 იანვარი, 2017 | |
| პრეზიდენტი | ბარაკ ობამა |
| წინამორბედი | ტომას დონილონი |
| მემკვიდრე | მაიკლ ფლინი |
აშშ-ის მუდმივი წარმომადგენელი გაეროში | |
| თანამდებობაზე ყოფნის დრო | |
| 26 იანვარი, 2009 – 30 იანვარი, 2013 | |
| წინამორბედი | ზალმაი ხალილზადი |
| მემკვიდრე | სამანტა პაუერი |
| დაბადებული | 17 ნოემბერი, 1964 ვაშინგტონი, აშშ |
| პოლიტიკური პარტია | დემოკრატიული პარტია |
| განათლება | სტენფორდის უნივერსიტეტი |
ბიოგრაფია რედაქტირება
დაიბადა აშშ-ის დედაქალაქ ვაშინგტონში 1964 წლის 17 ნოემბერს აფროამერიკელების ოჯახში. მამა, ემეტ ჯ. რაისი ეკონომიკის პროფესორია, რომელიც 1979-1986 წლებში იყო აშშ-ის ფედერალური სარეზერვო სისტემის მმართველთა საბჭოს წევრი ნიუ-იორკის ოლქიდან. დედა, ლოის რაისი განათლების საკითხების სპეციალისტია. მისი წინაპრენი წარმოშობით იამაიკიდან იყვნენ.
სიუზანმა დაასრულა გოგონების პრესტიჟული სკოლა, რომელიც ვაშინგტონში, ეროვნულ საკათედრო ტაძართან მდებარეობდა. 1986 წელს მიიღო ისტორიის ბაკალავრის ხარისხი სტენფორდის უნივერსიტეტში. როდსის სტიპენდიით სწავლობდა ოქსფორდის უნივერსიტეტის ახალ კოლეჯში: 1988 წელს მიიღო მაგისტრის ხარისხი, ხოლო 1990 წელს ფილოსოფიის დოქტორის ხარისხი, საერთაშორისო ურთიერთობების კუთხით.
პოლიტიკური კარიერა რედაქტირება
1988 წლის არჩევნების დროს მუშაობდა ამერიკის პრეზიდენტობის კანდიდატის მაიკლ დუკაკისის, ხოლო 2008 წელს ბარაკ ობამას საარჩევნო შტაბებში. 1991-1993 წლებში მუშაობდა McKinsey & Company-ში, 1993-1997 წლებში კი აშშ-ის ეროვნული უსაფრთხოების საბჭოში. 1997-2001 წლებში ამერიკის სახელმწიფო მდივნის მრჩეველია აფრიკის საკითხებში. 2002 წლიდან მუშაობს ბრუკინგსის ინსტიტუტში. 2009 წლიდან ამერიკიშ მუდმივი წარმომადგენელია გაერო-ში. 2009 წლის თებერვალში გაეროს უშიშროების საბჭოს ღია დებატებში დაადანაშაულა თეირანი „ტერორიზმის მხარდაჭერასა და ბირთული იარაღის შექმნის მცდელობაში“. მას მოიხსენიებენ ასევე, როგორც ლიბიაში სამხედრო ჩარევის ერთ-ერთ აქტიურ მომხრეს[2].
გაეროს უშიშროების საბჭოს სხდომაზე მან განაცხადა, რომ მუამარ კადაფი, ჯარისკაცებს ურიგებს ვიაგრის აბებს, რათა გაუადვილდეთ ქალებზე ძალადობა[3].
გაზეთ Washington Post-ის მტკიცებით სწორედ სამი ქალი მრჩეველის დამსახურებაა ბარაკ ობამას გადაწყვეტილება ჩარეულიყო ლიბიის საკითხებში რობერტ გეითსის რეკომენდაციების საწინააღმდეგოდ[4] და ამ სამ ქალს შორის ასახელებდა ჰილარი კლინტონს, სიუზან რაისსა და სამანტა პაუერს[5].
ქალთა ამ ტრიომ დაარწმუნა ობამა, რომ შეერთებული შტატები უნდა ჩარეულიყო ლიბიის საქმეებში, რათა ბენგაზის ჰუმანიტარული კატასტროფა თავიდან აეცილებინათ.
სიუზან რაისი ჰილარი კლინტონის შემდეგ განიხილებოდა სახელმწიფო მდივნის თანამდებობაზე ბარაკ ობამას მეორე საპრეზიდენტო ვადის დროს, მაგრამ მისი კანდიდატურა არ შესულა კონგრესში.
2013 წლის 1 ივლისს ეროვნული უსაფრთხოების საკითხებში აშშ-ის პრეზიდენტის მრჩევლის თანამდებობაზე შეცვალა ტომას დონილონმა.
რესურსები ინტერნეტში რედაქტირება
- United States Mission to the United Nations
- Article archive at the Brookings Institution
- Susan E. Rice დაარქივებული 2020-03-14 საიტზე Wayback Machine. collected news and commentary at The Washington Post
- BBC Radio 4 Profile
სქოლიო რედაქტირება
- ↑ ТАК НАЧИНАЛСЯ «РАССВЕТ». დაარქივებულია ორიგინალიდან — 2011-04-10. ციტირების თარიღი: 2011-10-24.
- ↑ Арабские протесты — Россия и Китай не дали Совбезу ООН осудить режим Башара Асада — Газета. Ru
- ↑ Муаммар Каддафи ведет войну с помощью «Виагры»? | ИноСМИ — Все, что достойно перевода
- ↑ Внешнеполитические валькирии Америки | ИноСМИ — Все, что достойно перевода
- ↑ Кадровые вопросы | ИноСМИ — Все, что достойно перевода