საძირე

საძირე — მცენარე ან მისი ნაწილი, რომელზეც ამყნობენ სხვა მცენარის ნაწილს — კვირტს. საძირის დანიშნულებაა მევენახეობაში ევროპული ვაზის დაცვა ფილოქსერისაგან; მეცხოველეობაში — მსხმოიარობის დაჩქარება, ზრდის სიძლიერის რეგულირება, ხელსაყრელ ნიადაგურ პირობებთან შეგუება, ყინვა- და გვალვაამტანობის, მავნებლებ-დაავადებებისადმი გამძლეობის ამაღლება და სხვა.

ვაზის ძირითადი საძირეებია ბერლანდიერი რიპარია 420^ა, შასლა ბერლანდიერი 41^ბ, რიპარია რუოესტრის 3309, 3306. რეპესტრის დუ ლო და სხვა; ვაშლისა — მაჟალო, დუსენი, პარადისი, ხომანდული; მსხლისა — პანტა, კომში; ბლისა — ბალამწარა; ალუბლისა — ალუბალი და ბალღოჯი; ატმისა — ნუში და ატმის კულტურული ჯიში; ლიმონის, მანდარინისა და ფორთოხლისა — ტრიფოლიატა და ბიგარადია.

ლიტერატურა

• რამიშვილი რ., ქართული საბჭოთა ენციკლოპედია, ტ. 9, თბ., 1985. — გვ. 218.